World136 Logo  
Home>> Article  >>Children's Personality

Children's Personality

Children personality is weak who affected by parent. Child's life revolves around parents and children need to live a certain age. After an analysis of expert decide that parents provide primary requirements of child but should not try that their children mirror of them. In Europe mostly like that children should live lonely but eastern don't like this. It is never possible because our culture is very different. Read an article about children’s personality in Urdu.

Bachon ki Shakhsiyat

Bachon ki zindagi parents kay gird ghumti hai aur aik khaas umer tak bacha har muamlay mein in ka mohtaaj hota hai agar che bachay ki bunyadi zaruryaat ka pura pura kheyal rakhna parents ka farz hai magar is kay baawajood bachah ziadagi mein kayi marahil say guzarta hua har muamlay mein parents ki taraf ruju karta hai. khanay, pinay, sonay, jagnay, ghumnay, phirnay say lekar bathroom tak janay jaisay muamlaat key liye who parents ka dast nagar aur yeh silsilah tab tak jari rahta ha jab tak keh bacha khood apnay paayon par khara nahi ho jata yaani khood kafeel nahi ho jata is kay baad who waqt bhi aata hai jab parents apnay masail kay hal kay liye aulaad kay mohtaaj ho jatay hain.

Yun yeh talluq jis par keh duiya khari hai yani parents aur aulaad ka talluq umer bhar kisi na kisi tor aur kisi na kisi shakal mein bar qarar rehta hai lazmi baat hai keh bachah parents ki shakhsiyat say ziadah nahi to thora buhat mutasir ho ta hai. Aisa shauri tor par bhi ho sakta hai aur la shauri tor par bhi balkeh warasati hotay hain in ki shakhsiyat adhuri rah jati hai aur kahin na kahin khola baaqi rah jata hai. Yahi wajah hai keh mahereen nay yeh natijah akhaz kia hai keh agar che bunyaadi zaruryaat key liye bachah parents ka mohtaaj zaroor hota hai magar aik infaradi shakhsiyat ki takmeel kay liye isay parents ki na to zarurat hoti hai aur na honi chahiye kiun keh parents say mutasir honay walay ziadah tar bachay who hotay hain. Jo har muamlay mein parents kay marhoon-e-minnat hon ya khood say koi kaam ya maslah hal karnay kay qaabil na ho. Aisay bachay zindagi kay har kaam mein sirf aur sirf parents par inhesaar kartay hain aur khood aitmaadi ki kami ka shikar ho jatay hain jis say in ki shakhsiyat buri tarah mutasir hoti hai.


Mahereen nay kayi aisay nojawanon kay tajziyah kay baad yeh raye di hai keh parents bunyadi zaruryaat ki had tak to bachon say bhar pur in touch rahain magar yeh koshish har giz nah karein keh in ki aulaad in ki shakhsiyat ka aks sabit ho. Aik mazboot shakhsiyat tabhi banti hai jab bachah school aur apnay hum jolyon mein rah kar zindagi kay kayi khattay mithay tajurabaat say guzar ta hai rozanah nit naye logon ka samna karta hai achayi burayi ko khood apni nazar say tolta hai ghalat aur sahi kay farq ko samajhnay ki koshish karta hai har waqt parents kay qareeb rehtay huye who aisay tajurbaat say nahi guzarta kiun keh parents fitratan apnay bachay ko kisi mosibat ya aazmaish mein nahi dekh saktay. Who foran aagay barh kar is ki madad kar detay hain aur is ka maslah hal kar detay hain magar bahir ki dunya ki chaaon dhoop isay buhat kuch sikhati hai jis say is ki shkhsiyat mein kayi tabdeelyan bhi ro numa hoti hain jo masbat bhi ho sakti hai aur manfi bhi behar haal zindagi kay nasheb-o-faraz is mein quwat eradi par umeed, istaqlaal, hoslah aur lagan jaisi sifaat zaroor paida kartay hain.

Aur yeh who khoobyan hain jo aik mazboot shakhsiyat ka hissah hoti hain. Agar che waldain ki mohabbat aur towajjah bhi bachay ki zindgi ki bunyadi zarurat hai aur is ki shkhsiyat par buhat achay asraat morattab karti hai. magar yahi kaafi nahi bachay kayliye apnay hum umron kay darmiyan rehna aur khelna doston say rawabit hum class fellow say talluq yeh aisay rishtay hain jo bachay ko aik normal aur bhar poor shakhsiyat bananay mein madad muawin sabit hotay hain apni rawabit –o-shakhsiyut bananay mein madad-o-muawin sabit hotay hain apni rawabit-o-talluqaat say who kayi tajurbaat aur marahil say guzar ta hai aur polish hota hai.

Baray baray achay schools ka bunyadi maqsad bachay ki shkhsiyat ko sanwarna hota hai. Aisay schools mein bachay ki har who assignment mustarad kardi jati hai jism mein is nay parents say madad-o-rehnumayi hasil ki ho. Aur har is kaam ki hoslah afzayi ki jati hai jis mein khua jhol ho magar yeh sirf aur sirf bachay ki apni koshish ka nateejah ho.

Yahan yeh baat qaabil tawajjah hai keh sirf parents ki aaghosh mein rehnay wala bachah bhi aur parents say bilkul cut kar zidagi guzarnay wala bachah bhi kamzor shakhsiyat ka malik hota hai aik achi shakhsiyat kay liye parents ki toawajjah plus acha maahol, acahay dost aur acha taaleemi adarah zaroori hai. Is haqeeqat say inkar nahi kia ja sakta keh bachay ki pehli tarbiyat gaah ghar hai balkeh maan ki aaghosh hai bachay ki bunyadi zarooratain yani khorak, sehat, kapra aur taleem is ka haq hai aur yeh har parents ka farz hai is kay sath sath parents ki tawajjah aur aik had tak in ki rehnumayi is kay baad beruni dunya say bacahy ka sehat mandanah talluq ya who anasir hain jo aik kaamyab shakhsiyat kay pichay kar farma hain.

Yahan kaamyab ka lafz-o-wazahat talab hai. Is say hamari murad aisi sakhsiyat jo zindagi kay challenge ka moqaablah karnay ka azam rakhti ho achay mustaqbil key liye koshan raha. Aur kayi aisi khoobyon ki maalik ho jo aik behtareen taalimi maahol mayassar aaye ga laazmi baat hai keh who aik achi shakhsiyat ho gi.

Europe mein is nazarye ko taqweeb mil rahi hai keh bachay parents say ziadah waqt alag hi rahain. Is muamlay mein mahireen kay do group kay darmiyan ikhtilafat paye jatay hain. Magar kaha jata hai keh nazaryah mein beshtar ikhtalafaat kay baawajood vision mojood hai. Magar mashraqi rawayaat chun keh maghrib kay bil kul bar aks hain aur hamaray han bachay bil kul hi khood mokhatar zindagi guzarnay kay aadi nahi is liye yahan Europe kay nazarye ka amli shakal ikhtiyar karna na mumkin hai. Han yeh baat durust hai keh bachay par parent ki shkhsiyat ka ziadah asar theek nahi magar is ka yeh bhi matlab nahi keh bachay parent say ziadha waqt alag hi rahain. Tawazan zaruri hai aur waisay bhi hamaray haan parent kay beghair aik pur sakoon zindagi ka tasawar na mumkin hai balkeh hum aisi hi zindagi kay aadi hain aur rahain gay.

Tags: bachon ki parwarish, pervarish, aulad ki, bachon ki tarbiyat, personality in children

Far From Quran and Our Education System
Faithful Wife God's Blessing
Father's Positive Thinking
G-Mail Work as Common Phone
Happy New Year
Haq Mehar
How to Get Rid of Stress in Your Life
Hunger and Poverty

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 


counter for tumblr

@Copy Rights 2011 world136.com All Rights Reserved