World136 Logo  
Home>> Article  >>Dow University of Health Sciences

Dow University of Health Sciences

Sir Hugh Dow was the second Governor of Sindh. He laid the foundation stone of the Dow Medical College in December 1945. 58 years later Dr. Ishrat-ul-Ebad Khan took the initiative for the establishment of the Dow University of Health Sciences. He was appointed as Governor of Sindh in 2002 and ever since is striving to upgrade the facilities of medical education and health care in Sindh.

Dow University of Health Sciences

Sir Hugh Sindh ka dusra Governor tha. Inhon nay Dow Medical College ka inaqaad 1945 mein rakha. Is kay baad 58 saal kay baad Dr.Irsrat-ul-ebad khan nay Dow University of Health Sciences kay qiaam kay liye pehal ki. Inhain 2002 mein sindh kay Governer kay tor par taainaat kia gia tha aur tab say sindh mein medical education aur health care ki sahulyaat ko upgrade karnay ki koshish kar rahein hain.

TB ka marz ilaaj nah honay say pechidah aur jaan lewah hota hai bud qismati say ziadah tar ghareeb mareez iska shikar hotay hain, jo menhgay aur taweel ilaaj kay mutahmil nahi hotay Dow University kay ojha center ki purani imarat ko jadeed tarz par tabdeel kar kay tamam zaruryaat farahum ki gayi hain.

Yeh centers in centers bain-ul-aqwami adarah WHO say manzur shudah hain chun keh yahan tamam tashkhisi marahil aur ilaaj aala meiyar ka hota hai. Dhayi so(250) beds par mushtamil TB hospital mein dakhil shudah mareezon kay liye tamam sahulatain mayassar ki gayi hain jabkeh mazahmati TB (MDR) kay marizon kay liye mazeed 200 beds par mushtamil jadeed tarz ka naya hospital in shallah jald tamer kia jaye ga. In center mein pichlay 7 saalon mein 1400000 say zaaid aam TB mareezon ka aur 5000 say zaaid muzahmati TB kay mareezon ka ilaaj kia gia.

Mojoodah hospital operation theater, ICU aur Ventilator samet tamam jadeed tibbi alaat say mazaiyan hai, Biopsy samet tamam tashkhees-o-ilaaj free kia jata hai jab keh is tarah kay ilaaj kay liye private hospital mein 20000 say 50000 Rs yomyah liye jatay hain. TB hospital kay elawah Karachi kay mukhtalif areas mein 4 aur OPD kay marakiz hain. Salanah 4000 naye mareez free ilaaj kay liye registered kiye jatay hain.

Dunya bhar mein maazoor logon ki tadaad mein roz baroz izafah ho raha hai jiski wajoohat traffic accident, diabetes aur degar amraaz ki pecheedgiyan aur earth quack jaisi natural disaster shamil hain. Dow University nay 2007 mein masnuyi aaza ka adarah banaya jahan tarbiyat yaftah technician, mahir doctors kay zer nigrani khasusi banaye gaye halakay material say jadeed tareen machines par aala meiyar kay masnuyi leg ya hand banatay hain. In masnuyi aaza ko laganay kay baad marizon ko in kay istemaal key liye khasusi tarbiyat di jati hai, takeh woh roz marah kay kaam kaaj aur chalna phirna aasani say kar sakein aur kisi kay mohtaaj na rahain. Is adaray mein ab tak 2000 say zaid masnuyi taangain farahum ki gayin jabkeh 12000 mareezon ka khasusi ilaaj kia gia. Pichlay 4 saalon mein yahan say 2000 say zaid maazuron ko free legs aur hands farahum kay kay inko kar amad zindagi guzarnay kay qaabil banaya gia hai.

Dow university nay may 2004 mein pehla markaz jigar qaaim kia aur phir baad mein aik mokammal alihdah qomi adarah baraye amraz-e-jigar maday, aant (National Institute NILGID, Diseases GI & Liver qaaim kia, jahan aik chat kay nichay endoscopy, ERCP samet har qisam ki tashkhees-o-ilaaj kay liye sahulyat mayassar hain.

Pakistan ki pehli jaded tareen machine fibro scan jo beghair biopsy kay jigar ka andaruni haal janchti hai isi adaray mein mohaiya ki gayi hai, takeh jigar peh charbi aur degar amraz ki tashkhees say bar waqt ilaaj mumkin ho sakay. In marakiz jigar mein ab tak 400000 say zaaid jigar kay amraaz mein mubtila mareezon ka ilaaj kia gia aur 5000 say zaaid Endoscopies ki gayin. ICU mein 24 ghantay emergency mein khoon ki ultiyon aur digar nazuk halat mein mahir doctors say ilaaj ki Endoscopies sahulat bhi hai.

Dow University of health sciences mustahaq, TB, hepatitis aur maazur marizon ko muft ilaaj karta hai. Is mein taawun karna hum sab ki zummah dari hai. Aap bhi is mein zakaat, atyat-o-fitrah day kar nayi zindagi dein. Mareezon ki madad kar kay sadqah jaryah hasil karein.

Tags: university, medical college, amraz-e-jigar maday, aant, nilgid, diseases gi & liver, endoscopy, ercp
Far From Quran and Our Education System
Faithful Wife God's Blessing
Father's Positive Thinking
G-Mail Work as Common Phone
Happy New Year
Haq Mehar
How to Get Rid of Stress in Your Life
Hunger and Poverty

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 


counter for tumblr

@Copy Rights 2011 world136.com All Rights Reserved