World136 Logo  
Home>> Article  >>Karo Kari

Karo Kari

Karo kari is increase day by day in Pakistan and antiquated system that takes the lives of thousands of women. Read article about karo kari in Roman Urdu. karo kari in urdu, karo kari in islam, karo kari cases sindh, karo kari cases sindh, honour killing in india, karo kari in pakistan

 

Karo Kari in Urdu

Karo kari ke hawale se ronuma hone wale waqiyat rozmarah ka hissah bante ja rahe hain aur yeh farsuda rasam har saal saikron auraton ki jan le leti hai.

Hum Islami muashre ke nizam-o-aqaid ki pabandi karte hain aur deen ke tai shudah asul-o-zawabit ke mutabiq zindagi guzar rahe hain. Islam ne jo muqam aurat ko dia aur jo

Karo Kari
ahtram bakhsha woh kisi aur mazhab aur tahzeeb ne nahi dia aur na hi kisi aur mazhab mein deen islam ki tarah hasyat hai. Magar hamare nizam muashrat mein bhi kuch khamyan hain jin ko nazar andaz karna mumkin nahi yeh ghalat rasam karo kari bhi hamare muashre mein buri tarah phailti jarahi hai. Yeh aik aisi farsudah rawayat hai jo jhuti ana ki khatir aik be guna aurat ki halakat ka sabab ban jati hai. Is rasam ki bhaint charhne wali aurat yeh jane beghair hi apne piyaron ke hathon mot ke ghat utar di jati hai keh ise kis jurm ki saza mein zindagi se mahrom kia jaraha hai.

Nawab shah aur mianwali mein pichle dino jo waqiyat ro numa hoye who khalisatan shak-o-shubah ki bina par the jis mein apni be gunah biwi behan, biti ko mot ki nind sola dia gia tha .

Qatal ki mukhtalif wardaton mein 25 log mukhtalif wjohat ki bina par halak huye aur sirf karo kari ke sabab 15 din mein 14 auraton aur aik mard halak huye, yeh tamam khawateen mahaz shak-o-shubah aur ghalat fahmi ka nishanah bani’n. hamare ga'on aur dehat mein taleem ka fuqdan aur jahalat ka raaj hai aur farsudah jagir daranah nizam ke saye aur pasmandagi ke mahol mein hamare mard hazrat ke zahnon ki tarbiyat huyi hai. Yeh pasmandah zahni maiyar ke log intehayi maamuli baat ko izzat-o-ghairat ka maslah bana kar apni mardangi ke izhar ke liye karo kari ki aar mein be daregh apni maan bahnon, betiyon aur biwiyon ko qatal kar dalte rahe hain, yeh bhi hota hai keh asal haqaiq kuch aur hote hain aur asal waqua se logon ki tawajjah hatane ki khatir jhut aur ilzam tarashi se kaam lia jata hai.

Sawal yeh hai keh is rasam ke tehat qatal hona sirf aurat hi ka muqaddar kiun? Aur mard qasur war hone ke baawajud bhi bari-uz-zummah kiun rahta hai, chun keh yeh muashrah mardon ka hai aur auraton ke ahsasat-o-jazbat ko khatir mein laye beghair in ki zindagi-o-mot in ke ghar ke mardon ke hath mein rahti hai. Har sal saikron auratain is rawayat ki nazar hoti hain aur kisi chan been ke beghair jazbaat se maghlub ho kar mard apni danis mein sahi faislah karte hain magar yeh sara sar yaktarfah faislah hota hai aur jazbaati faisle ke tehat kia jane wala intehayi qadam aurat ki mot ka bais banta hai. Hamara qanun is silsile mein be basi ka muzahirah karne par majbur nazar aata hai chunk eh asal haqaiq se be khabri ke bais mujrim ki giraftari amal mein nahi aati aur agar aisa ho bhi jaye to mujrim asar-o-rasukh ke istemaal se aazad ho jata hai kiun keh in ki nagah mein ghairat ke nam par jaan lena bais fakhar hai. Is farsudah rongte ghare kar dene wali rasam se chutkara sirf is surat mein mumkin hai keh tamam mumkinah wjuhat ko jar se khatam kia jaye. Mulk ka qanun har elaqe par yaksan tor par lagu kia jaye. Taleem ka shaur bedar kia jaye, mujrimon ko ibrat nak sazayain di jayain, guanah sabit hone par donon fariqain ko saza di jaye is ke elawah is silsile mein mukhtalif falahi-o-samaji aur haquq niswan ki alambardar tanzeem fayal kirdar ada kar sakti hain.

Larki ki Shadi
Love You to Own Wife
Mother's Day
Omair Sana Foundation
Order to Judge Men with Women
Pur Sakoon Zindagi Guzarne ka Tarika
Right to Inheritance
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved