World136 Logo  
Home>> Article  >> Happy Marriage Life Tips in Urdu-Hindi

Happy Marriage Life Tips in Urdu-Hindi

How to Live a Happy Married Life here is some beautyful tips
Trust each other.
Greet your partner lovingly in the morning.
Send a sweet text.
Reunite with a hug.
Touch your partner at mealtime.
Compliment your partner at the end of the day.
Express your needs from a place of vulnerability.
Feel each other’s breath.
Discuss among themselves on any issue.
Find a solution to the problem discuss to each other in case of dispute.
For successful marriage life should be understand the life partner and take care of other's feelings.
Give each other gifts in the various occasions.
The fidelity of the spouses to each other.
Take care of each other's needs.
Learn to enjoy the small pleasures of life.

You can find happy marriage life tips in hindi, urdu, khushgawar azdawaji zindagi, khushgawar azdawaji zindagi in urdu islam, khushgawar azdawaji zindagi ki sunehri usool, kamyab azdawaji zindagi, azdawaji zindagi ki khushi, kamyab azdawaji zindagi, azdawaji zindagi ke masail, azdawaji zindagi ki khushi

 

Khushgawar Azdawaji Zindagi

Khush gawar azdawaji zindagi ka aik ahum baab aitbaar aur aitmaad ka hota hai. Khuda na khuastah jab yeh mutasir ho to ise bahal karna asan nahi hota. Is ka dar o madar jiwan sathi ki be aitbari ki shiddat par bhi hota hai. Yeh azdawaji zindagi ka nazuk aur hassas muamla hai, is liye is hawale se chand baaton par tawajjah dene ki zaroorat.

Sab se pehle is moqa par bhi aik doosre ke jazbaat ko samjhein aur phir apne ahsaasaat ka izhar karein. Kabhi koi ghalat fehmi ho jaye, to jarhana andaz ikhteyar karne ke ba jaye mohtaat andaz mein guftagoo shuru karein.

Agar aap ne apne sathi ke aitbar ko thes punchayi hai, to ise qabool karein aur dil se muafi mangain. Apni muafi ko apne amal se sachi banayein aur apne sathi ko yaqeen dilayein keh aayinda aap se aisi ghalti nahi hogi aur aap waqai buhat sharminda aur apne kiye par naadim hain.

Donon miyan biwi zuban bandi ke ba jaye is par baat karein keh aakhir hua kia hai aur ab aap kia kar rahe hain. Khul kar izhar karein aur apne jiwan sathi ko bhi yah haq dein. Aise waade karein, jin ko poora kar sakein, agar waadah poora nahi hoga, to bhi taaluqaat mein farq paray ga, wadon par qaim rahein aur muhaday ki tajweez karte rahein. Agar aap aitmaad bahal karna chahte hain to aap ki taraf se wadah khelafi nahi honi chahiye. Aaitbaar bahal karne ke doran agar wadah khelafi ho gayi, to talluqaat mein pehle se ziadah noqsaan ho skta hai.

Miyan biwi apne bigray huye talluqaat ko sanwar ne ke liye is par guftagoo karein, keh kaise wadon ko poora kia ja skta hai aur kis tarah aitmaad bahal kia ja skta hai. Aisi soorat haal par bar bar ghor karne ki zaroorat honi chahiye keh jis se donon ko aik doosre par aitbaar hone lagay aur mehsoos ho keh is se bighray talluqaat sanwar skte hain, sirf mosalsal guftagoo aur koshish se hi talluqaat mein parne walay darar ya shagaf ko bhara ja skta hai. Sath hi kaam yaab aur khush gawar azdawaji zindagi guzarne ke liye aik doosre ki ghaltiyon ko muaaf karna bhi sikhein.

Miyan biwi donon hi hum aahungi paida karein aur mushtarkah dil chaspiyon ko talash karein. Apne ikhtelaafaat ko jhagray mein tbdeel na hone dein. Aik doosre ki achayion ko tsleem karein aur seekhne ki koshi karein , donon aik doosre ki khoobyon ka aitraaf karein aur aik doosre ke munfarid andaz ki tareef karein, hoslah afzayi se aik doosre ko buhat tqwiyat milti hai. Yaad rakhein keh ikhtelaafat baaz auqaat khush gawar musarrat mein badal jate hain. Bas ise hasil karne ke liye sabar ka daman hath se na chorein aur ise sochne aur samajhne ka mauqa mil skay.

Baqaidah guftagoo ke zariye apne ahsaasat ka izhar karein aur yeh dekhein keh kis tarah se aik doosre ko samjhna hai aur phir aankhon aankhon mein andazah laga lein keh ise kya chahiye. Aik doosre ko ghor se aur pur sakoon ho kar sunein aur aik doosre ki aankhon mein dekh kar baatein karein kiun keh yeh andaz guftagoo aap ke aitmaad ko zahir karta hai. Miyan aur biwi donon ko chahiye keh tabasron aur amal mein manfi se ziada masbat rawaiyon ko apnayein. Kisi baat par agar mayoosi ho to kuch waqt sabar se kaam lene se is ka hal bhi samne aajata hai, jo is waqt hamare zehan mein nahi hota.

Miyan aur biwi ke talluqaat mein kisi bhi qisam ki koi ikhtelafi soorat mein donon ko chahiye keh apne ikhtelaafat ko is tarah se hal karne ki koshish karein keh aap ke azdawaji talluqaat mein aitmaad aur mazbooti paida ho aur aap donon kay pyar o muhabbat mein izafah ho. Apne kheyalaat ka izhar myanah rawi wale andaz mein karein. Na buhat ziadah unchi aawaz mein baat karein aur na maazrat khuahana andaz mein, balkeh khule zehan se aik doosre ko sunein aur khood ko apne sath ki jagah rakh kar mehsoos karein, to donon ka aitmaad bahal hone ki sabeel ho skti hai.

Bigray huye talluqaat ko sanwar ne aur kaam yaab azdawaji zindagi ke liye aik doosray ko samjhein aur aik doosray ke ahsaasat ka kheyal rakhein. Is ke liye zaroori hai keh aik doosray ko mauqa mehal ki munasbat se tahaif pesh karein, choti choti baaton par bhi shukaryah ada karna na bhoolein. Andaaz behar haal be takalluf aur haqiqi hona chahiye. Miyan biwi aik doosray ke liye mukhlis rahein aur donon aik doosray ki zarooryaat ka kheyal rakhein aur har muamlay mein aik doosray ka sath dein. Mil jul kar ghar ke masail hal karein apni zindagi ko sadah aur mutmain banane ke liye qanayat ka daman hath se na chorein, apni zarooryaat ko had se na barhne dein. Apni aamdani aur kharch mein tawazan rakhein. Apni zindagi ko khush gawar banane ke liye aik doosray ke achay , be los aur mukhlis dost ban jayein. Choti choti khushyon se lutf andoz hona sikhein aur kisi bhi ikhtelaaf ki surat mein baat cheet ke zariye ise door karne ke koshish karein. Yaad rakhein keh kaam yaab aur khush gawar azdawaji zindagi guzarna aur pur lutf amal hai.

Far From Quran and Our Education System
Faithful Wife God's Blessing
Father's Positive Thinking
G-Mail Work as Common Phone
Happy New Year
Haq Mehar
How to Get Rid of Stress in Your Life
Hunger and Poverty

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved