World136 Logo  
Home>> Article  >>Saas Bahu ka Rishta

Saas Bahu ka Rishta

Some Suggestion for Mother in Law and Daughter in Law

Quarrel between Mother in law and daughter in law is very common. Some time people blamed mother in law and sometime blamed daughter in law but how it is possible to solve this problem. Here is some beauty full suggestion for mother in law and daughter in law which will be very benefit for each other and all family members are also spend with happy life. Read in detail in Urdu. You can read saas bahu relationship in islam, rights of bahu in islam, saas bahu ki ladai.

 

Saas aur Bahu ke Liye Mashwarah

Larkiayain doctor banna chahain to docter aur teacher banna chayain to is ki bhi tarbiyat le sakti hain. Koi pesha ikhtiyar karna chahain is ke liye college aur University hain jahan who taleem-o-tarbiyat lekar man pasand pesha hain. Magar shadi ki taiyari ke liye koi course hai na tarbiat gah. Hala keh yeh kitna zaruri hai keh larkiyon ko woh tarbiyat di jaye keh woh naye ghar jakar sosral ke khubsurti aur ahsan tarq se nibha karne mein mahart hasil kar lein nand, dewar, saas aur susar ke sath rah sakein aur in ke meiyar par pura utar sakein.

Is ke elawa is ke sath bhi zindagi sakun se guzar sakein chun keh larki ko naye ghar jana parta hai lehaza ise puri taiyari ke sath qadam rakhna parta hai har no biyahta ko mokhtalif qisam ke masail se do char hona parta hai baaz gharane aise hote hain jo nayi dulhan ko kafi mohlat dete hain keh woh apne waldain behan bhaiyon se bicharne ke baad nayi mohabatain apna le.

Larka to isi ghar ka hota hai lehaza ise kuch tabdeli mehsus nahi hoti magar ise bhi bohat samajhdari se kaam lena chahiye kiun keh agar who waldain ka sath deta hai to biwi khud ko ajnabi aur akeli mehsus karti hai agar woh biwi ka sath de to zan mareed kehlata hai lehaza larke ko bohat sabar tahmmul se payon jamane chahiye takeh waldain aur biwi ke darmian aik pul ki haisyat se reh sake. Zara si kamzori tulkhiyan paida kar sakti hain. Tajurbe ki roshni mein nayi dulhan ke liye kuch totke hain jis se zindgi ka safar aasan ho jaye ga.

1. Bohhat doghle ho jao chehre par muskurahat rakho kiun keh dil ko koi nahi dekhta ise andar dharakne do bahir se muskurahaton ko saja lo dhima lehjah apnao chahe is waqt aap ka dil chikhne ko chahe.

2. Khul ke tareef karo kiun keh har insaan mein tareef ke qabil koi na koi cheez zarur hoti hai ise dhundo aur tareef karo.

3. Har mor par tohfah tahaif do qimat ki koi qadar nahi hai. Shadi shudah jora aaye to hans kar istaqbaal karo. Is ke aage piche phiro is ke aaram ka kheyal karo ho sake to bache sanbhalne mein is ki madad karo maslan bachon ko nehlana kapre badalna balkeh ho sake to bacha bhi sambhal lia karo takeh who zara sair sapata kar sake jab who jane lage to sath mithai ka dabbah dene mein bhi koi muzaiqah nahi hai agar car se ya rail se jarahi ho to sath khana dena mat bhulein.

4. Dewar ke aaram ka kheyal rakho is ka room saaf kar do waqt par chaye ki cup bhi kamre mein poncha do is ke maile kapre bhi dhoon dhand kar dhobi ko de do.

5. Ghar mein saas hai to is ko kaam ko hath lagane na do agar who khana pakana chahti hain to har kaam khud anjam do yani piaz cheel dena, bartan pakarna, yani oper ke kaam karna sas ko aik madad mil jaye to aap ke number mein izafa rahe ga.

6. Agar khuda na khusta ghar mein unmarried nand hai to is ko kisi kaam ko hath lagane na dein kiun keh bohat jald woh be chari pia ke ghar chali jaye gi. Koshish kar ke acha rishtah dhond kar ise apne ghar ki kardo. Sab rishton ko mohabbat ki mar maro.

7. Khawand ko bhi khamoshi ki maar hi maro kiun keh is se ziadah aap kuch nahi kar sakti hain. Khamoshi hi aik biwi ka behtareen zewar hai khawand ko ghossah aajaye to aap khamosh rahein agar aap ka dil bohat ghabrata hai to sari pareshaniyan aap aik diary ko hi saheli bana lein. Jab aap ka dil pareshan ho to dairy hi mein likh kar dil halka kar lein. Agar waldah ko batayain gi to khua makhah in ka dil maila hoga. Waise bhi waldain ko pareshan karna ziadti hai agar kisi dusre ko batayain gi to khua mukha baat phaile gi mazeed halat bigarne ka khadsha hota hai kiun keh jis raaz ne do labon se tajawuz kia woh zikar aam hua.

Yeh to ho gayi chand batain bahu ke liye magar kuch (mother-in-law) ke liye bhi totke hain takeh woh bhi halat ko sambhala dein sirf bahu hi se har cheez ki tawaqqa na ki jaye.

1-Khushgawar zindagi ke liye saas ke liye mufeed totke kiun keh woh apna babul ka ghar aur is ki mohabbatain chor kar naye ghar aayi hoti hai. jo keh is ke liye ajnabi mahol hota hai. Dosti ka hath saas ko pehle barhana chahiye ise kafi waqt dena chahiye takeh who naye maahol mein khood ko dhal sake. Is ki choti moti ghaltiyan muaaf kar dena chhiye aur is ki zindagi mein ziadah dakhal andazi nahi karna chhiye.

2-Agar aap muashi tor par is qabil hon to bahu ko jaldi hi alihda ghar lene ki ijazat de dena chahiye kiun keh is ke bhi armaan hote hain woh bhi apni marzi ka ghar sajana chahti hai aur apni marzi ke khane banana chahti hai.

3-Saas ko chhiye keh bahu agar khawand ke sath bahir jati hai to bura na manaye balkeh khush ho.

4-Saas ko bahu ki achi baton ya ache kaam ki khul kar tareef karna chhiye.

5-Kabhi kabhi is ko tohfah dene se bhi halat behtar se behtar hote hai.
Bahu ko ghar mein ahmiyat dena chahiye na keh noktah chini kar ke is ka jina haram kar dia jaye.

6-Bohat si bahuon se guft-o-shuneed kar ke maalum hua keh har bahu alihdah ghar mein rehna pasand karti hai aur saas ki beja modakhlat pasand nahi karti hain.

Aik bahu ne kaha keh woh chahti hai keh is ki saas is se barah rast baat kare agar ise is ki baat ya harkat pasand na ho to woh khud is se is ke mutalliq kahe bajaye is ke who apne bête se shikayat kare woh saas ki daant dapat aise hi pasand karti hai jaise aik beti maaan se. is ko dohri shakhsiyat pasand nahi hai keh oper se mithi aur andar se karwi ise piche se baat karne wale log bilkul pasand nahi.

Saas bhi kisi ka beta sambhale huyi hoti hai phir agar is ka beta kisi ne sambhal lia hai to ise kiun takleef ho jati hai. yeh bahu in saas sahebaan ko mashwarah deti hai keh jinhon ne bête sine se laga kar rakhe hute hain in ko chhiye keh woh in ki shadi na karein bohat si biyahta larkion se guftagu karne ke baad mein ne chand batain oper likhi hain takeh saas khwateen zara hosh ke nakhun lein aur bahuon ko pyar izzat se rakhain aur isi tarah bahuon ko saas ke rishtah ka ahtaram karna chhiye kiun keh woh agar in ki nahi to in ke khawand ki waldah mohtarmah hain.

Note:Sosrali mushkilat waldain ko batane ki bajaye diary mein likh lia karein.

Larki ki Shadi
Biwi Se Pyar
Mother's Day
Omair Sana Foundation
Order to Judge Men with Women
Pur Sakoon Zindagi Guzarne ka Tarika
Right to Inheritance
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved