World136 Logo  
Home>>Article >>Mother Day in Urdu, Mother Day in Shayari in Hindi

Mother Day in Urdu

Mother’s Day is a holiday honoring motherhood that is observed in different forms throughout the world. In many places around the world people celebrate mother's day on various days because the day has a number of different origins. The majority of countries that celebrate Mother's Day do so on the second Sunday of May.  On this day, it is common for Mothers to be celebrated with presents and special attention from their families, friend and loved ones. The idea of official annual celebration of Mother's Day in US was first suggested by an activist, writer and poet Julia Ward Howe in 1872 on the 2nd of the June. In UK or Britain, Mother's Day falls on a different date than US. It falls on the fourth Sunday of the fasting of lent. The excitement, the feelings, the celebrations behind the day are the same, the only thing that differs is the date.

you can read mother day in urdu, mother day in hindi, mother day history in urdu, mother day in urdu poems, mother day speech for children in urdu, mother day urdu quotes, mother day urdu poetry, mother day urdu shayari, mother day urdu message and mother's day urdu poems.

Mother Day History in Urdu-Hindi

1848 me America ki Anna Jarvis ne is din ko apni maan ke naam mansoob kia aur 1914 ise American congras se manzoori ke baad poore America mein maan ke din ke tor par manaya jane laga. Aur raftah raftah yeh rawayat dunya bhar mein phailti chali gayi. Turki mein 1955 se yeh din manaya jaraha hai. Dunya bhar mein May ke doosray hafte mein sunday kay roz maayon ka almi din manaya jata hai jabkeh mutaddid mamalik mein yeh din mukhtalif dinon mein manaya jata hai. Maslan Norway mein yeh din February ke doosray hafte mein sunday ke roz aur mutaddid mamalik mein May ke aakhri sunday ke roz manaya jata hai. Aik aur nazarye ke mutabiq qadeem Yunani aur Rom ke adwar mein yeh din aik tehwar ki haisyat se milay ga. Qadeem yunaan mein bahar kay mausam mein aik tehwar manaya jata tha jis mein tamam diwiyon ko kharaj tehseen pesh kia jata tha. Is tehwar mein raya jo keh corns ki aur degar khudaon ki maan thi ise izaat bakhshi jati thi. Qadeem Rom mein bhi bahar ke mausam mein hi aik tehwar manaya jata tha jis ka naam Hilaria tha. Is tehwar mein Cybele nami dewi ko kharaj tehseen pesh kia jata tha. Rom mein Hazrat Isa ki paidaish se dhayi so saal qabal hi yeh tehwar manaya jata tha jis mein mukhtalif khel aur bhes badal kar raqs kiye jate the. Isaiyat ke aaghaz mein mother day Hazrat Maryam ke liye manaya jata tha aur baad azan poore enlistan mein ise tamam maayon se mansoob kar ke aik chutti ke din aur tehwar ke tor par liya jane laga. Is se sabit hota hai keh har zamane aur dor mein maayon aur khawateen ko mukhtalif tariqon se izzat bakhshi jati thi. Go keh shuru mein woh sirf dewi aur muatbar shakhsiyaat tak hi mehdood thi.

Maan woh nemat aur azmat hai jis ka dunya mein koi mutbadil nahi. Maan aulaad ke liye gulab ki kushboo qamriyon ki ku ku, chandni ki jhilmil, noorani barsaat ka badal, shafaq ki laali sayah dar shajar ki samar daar dali, dasht mein sayah hayat e jaaodan ka sarmayah, pyas mein sagar, qadam qadam ki rahbar aur is ke sewa kia kuch nahi. Sb kuch phoolon ki khushboo baharon ki barsaat maan hi to hai.

Maan ke wajood ka tasawwar karein aur is ki zummah dari ka bhi. Maan jo keh aik negehbaan wajood hai, sayah hai, chatri hai ghar ki, is ne tamam zummadaryan jazbati zummadaryan samajh ke qabool kar rakhi hain. Ghar mein maan aik aaya bhi hai, aik bawarchan bhi, aik dhoban bhi, aik darzan bhi aik chokidar bhi hai aur kaam karne wali maasi bhi aur yeh sab kaam woh beghair kisi ujrat ke apna farz samajh kar karti hai. Jo apni marzi se chutti bhi nahi kar skti aur agar shohar chor jaaye ya mar jaye to ghar ke ealawah bahir ki muashi zumma dariyan bhi uthati hai. Apna pet kaat kar bachon ki zarooryat poori karti hai. Aise muashre mein jahan bachon ko har tkleef se bachane ke liye in ki maan har aziyat, zillat aur sayoobat bardasht karti hai. Agar wahan ke old age homes aisi kayi mayon se bhar jaye to yeh nehayat afsoos ki baat hai. Aik aurat apni zindagi ki qurbani de kar apne bachon ki parwarish karti hai aur is ke bache is qurbani ke badlay mein ise kisi old home mein chor aate hain keh in se is boorhi aurat ka bojh nahi uthaya jata. Isi hawale se old homes mein rehaish pazeer khawateen se baat cheet ki gayi to 80 saalah razia bibi ka kehna tha keh meray bache bari mushkil se apne ghar ke akhrajaat poore kar rahe hain aise mein mein in par aik izafi bojh thi is liye mujhe yahan old home mein chor gaye.

75 salah marghoob bibi ne kaha keh meri bahoo ne mere bete ko yeh dhamki di keh agar is ne mujhe ghar se na nikala to woh bachon samet ghar se chali jaaye gi, mere bete ka ghar barbaad na ho is liye woh mujhe yahan chor gaya hai, kabhi kabhar milne aata hai, pehle mein is se naaraz thi lekin ab mujhe is ki majboori samajh aagayi hai. Sameena bibi ne kaha keh uske 6 bache hain 3 bete aur 3 betiyan sab ki shadi karadi sab ne mujhe chor dia yahan old house mein rakh kar chale gaye kabhi bhi milne nahi aate. Zeenat bibi ka kehna tha keh meri aik hi beti hai jis ki mein ne do saal pehle shadi kar di, mere shohar ka inteqaal ho chuka hai ab beti mujhe apne susraal mein to sath nahi rakh skti, is umer mein mujh se kaam bhi nahi hota is liye mein yahan aagayi hon. Old home mein mojood har aurat ki kahani sunne mein to mukhtalif thi, lekin apni aulaad ke liye sayubatein bardasht karne wali in khawateen ka dukh yaksan tha, aur woh tha apnon ki be wafayi aur be aitnaayi ka gham.

Zara sonche keh woh maan jo apne bachon ko kaleje ka tukra samajhti hai, bachpan mein haath pakar kar chalati hai takeh bacha kahin gir na jaye chotein na lag jayein. Andhere mein bache jane se ghabrate hain to use hath pakar kar chalati hain aur use himmat deti hain. Khood bhuki reh jati hai magar apni aulaad ko kabhi bhooka nahi rakhti. Jab bache ki tabiyat kharab hoti hai to maan apni need bhi qurbaan kar deti hai. Woh maan jo 6 bache hon, baap na bhi ho, taleem yaftah na bhi hon kisi surat se bhi koi bhi kaam kar ke apne bachon ka pet palti hain magar jab 6 bachon ki bari aati hai to sab aik doosre se mokabla bazi ki wajah kar apni maan ko chor jate hain. Zara sochein keh aaj woh bhurhi hai to kal aap bhi bhurhe hon gay aur aap ki aulaad bhi aap hi se sikhein gay aur aap ke sath bhi yahi salook karein to aap kaisa mehsoos karein gay. Hamara mazhab hamein sikhata hai keh maan baap ki khidmat karne se jannat milti hai aur inhein muhabbat ki nazar se dekhne se aik Haj ka sawab milta hai. Jab maan ko door kar dia jaye to jaanat kaise hasil hogi. Rizk dene wala khuda hai apni tang dasti ya kisi aur wajah se aapni maan ko door na karein. Aayein hum aaj ke din yeh uhad karte hain keh aakhri saasn tak apni maan ka kheyal rakhein gay bilkul waise hi jis tarah bachpan mein is ne hamara kheyal rakha tha aur har tangi o mushkil mein hamara hath thame rakha tha, hamein palne barhne ke liye kisi yateem khane mein nahi bheja tha.

Labon Pe Is Ke Baddua Nahi Hoti
Bas ik Maan Hai Jo Kabhi Khafa Nahi Hoti


Maan Ki Aik Dua Zindagi Bana De Gi
Khood Roye Gi Magar Tumhein Hansaawe Gi
Kabhi Bhool Kar Bhi Maan Ko Na Rulana
Ik Choti Si Ghalti Poora Arsh Hila Day Gi

Aye Allah Meri Maan ko Salamat Rakhna aur Hamein Apne Maan aur Paap ka Khitmat Guzar Bana. (Aameen)

Apni Shakhsiyat Pur Kashish Banayein
Aulaad ki Parwarish
Beautiful Tips for Daughter in Law
Be Confident in Your Daughter
Brought up Children
Children's Personality
Dow University of Health Sciences

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr
@Copy Rights 2011 world136.com All Rights Reserved