World136 Logo
Home>> Article  >>Omair Sana Foundation
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

 

Omair Sana Foundation

Omair Sana Foundation (OSF) is an esteemed NGO registered in both Pakistan and the USA. The mission of the Foundation is two-pronged: Working for the treatment and prevention of Thalassaemia, and providing Emergency Relief in Natural and Man-made Disasters.

 

Thalassemia:

Jism ki sharyano mein dorta lehu zindagi ki alamat hai. aur agar jism mein naya khoon banna band ho jaye to aisay shaks ka chehra khezan raseedah patton ki tarah pila ho jata hai. jaisay hawa ka koi jhonka darakht say tor kar kahin dur phaik deta hai.

Thalassemia bhi khoon ki aik aisi hi bimaari hai jis mein khoon bannay ka amal ruk jata hai. yeh marz parents say bachon mein muntaqil hoata hai. Pakistan mein har saal 6 say 7 hazar bachay Thalassemia major marz lay kar paida ho rahai hai. is muhlik marz mein mubtila bachon ki aksaryat inthayi ghareeb aur motwast tabqay say talluq rakhtai hai jin kay parents itnay mengay ilaaj ka bojh bardasht nahi kar saktay aur apnay bachon ki zindagyon ko barqarar rakhtnay kay liye har 15 say 20 din kay baad khoon lagwatay aur medicine istamaal kar watay hain. Magar is amal par mahanah osatan 8 say 10 hazar ropay kharach hotay hain. Jo aik ghareeb aadmi kay bas say bahir hota hai.

Omair Sana Faudatin aisay hi marizon kay Ilaaj mualjay ka bandobast karti hai. Omair Sana Foundation ki bunyaad America mein moqeem doctor Kashif Hussain Ansari nay khoon ki bimaaryon bil-khasus Thalassemia kay marz mein mubtila in bachon kay ilaaj mualjay kay liye dali jin kay parents maali mushkilat ki wajah say apnay bachon ka ilaaj nahi kar watay. Natijatan phool say maasum bachay kay mout mein chalay jatay hain.

Guzashtah 13 barson say Omair Sana Foundation har sataish ki tamanna aur silay ki parwah kiye beghair Pakistan say is mohlk marz kay khatmay ki jaddojehad mein hammah tun masroof hain.

Omair Sana Foundation ka kaam bunyadi tor par teen hison mein taqseem kia jasakta hai.

  1. Thalassemia say aagahi, rok tham aur test
  2. Thalassemia mein mubtila bachon ka ilaj muljah
  3. Emergency relief work

Aagahi program kay tehat seminar aur workshop munaqad ki jati hain, jin mein Thalassemia mein mubtila bachon kay khandanon ki shirkat ko yaqini banaya jata hai. in work shop mein Telecymya ki rok tham kay baray mein banana kay sath saht logon ko test bhi kiye jatay hain. Yeh intehayi mehngay test bila moawzah kiye jatay hain, Omair Sana Foundation mein sport program kay manager doctor Saif-ur-Rehman nay bataya keh is waqt hamaray pas Thalassemia mein mubtila 237 bachay registered hain jin ka ilaj, mahinay mein do martabah khoon ki tabdili aur adoyaat adaray ki janib say farahum ki jati hain. In bachon mein Karachi kay elawah khazdar, turbat, Quetta, Larkanah aur Skhar waghairah kay bachay hi shamil hain.

In bachon ko zindagi ki khushyan lutanay kay liye Omair Sana Foundation kay zer-e-ahtemam mukhtalif mowaqon par ranga rung taqareeb bhi munaqid ki jati hain. Jin mein mulk ki maaruf shakhsiyat shirkat karti hain aur bachon mein ghul mil jati hain. Thalassemia kay aalmi din 8 may kay moqa par bachay Karachi press club kay bahir chiragh roshan kartay hain.

In bachon kay khandan ko Foundation ki janib say Bakra Eid par qurbani ka gosht Ramzan-o-Ahum mawaqon par rashan aur kapron par mubni gift pack bhi diye jatay hain.

Doctor Saif-ur-Rehman kay mutabiq Omair Sana Foundation ab tak Thalassemia say mutasir bachon ko 40 hazar bag khoon laga chuki hai. in ka kehna tha keh is kaam kay doran sab say mushkil marhalah khoon jama karna hai. is hawalay say logon ko qaail kartay hain aur mukhtalif areas mein khoon jama karnay kay liye camp lagaye jatay hain. Ramzan mein khoon ki bohat kami ho jati hai.

Omair sana foundation Thalassemia kay marizon kay ilaaj mualjay kay elawah qom kay har dukh dard mein bhi barabar shareek rehti hai. 2005 say 2009 tak mulk mein aanay walay har earth quack, flood aur natural disaster par Omair Sana Foundation kay raza kar emergency relief mohim kay tehat imdadi ashya aur medicine kay humrah mutasirah elaqay mein ponchay. Jahan general OPD kay elawah khushk rashan-o-degar imdadi ashya bhi taqseem ki gayain.

Omair Sana Foundation Telecymya kay mohlik marz mein mubtila qom kay maasum phulon kay liye umeed-e-heyat hai. Doctor Kashif-ul-Ansari aur Doctor Aaqib-ul-Ansari nay jis ahum kaam ka bera uthaya hai. Is mein taawun karna hum sab ki zummah dari hai. jo khoon aur maal kay atyah kay zareeyay mumkin hai.

counter for tumblr

@Copy Rights 2011 world136.com All Rights Reserved