World136 Logo
Home>> Article  >>Peaceful Life in Urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

 

Peaceful Life in Urdu

Everyone wants to live peaceful life. For this purpose some people want to get money and some people want to be a famous. In spite of all these people cannot get comfortable. Follow these 10 principles and make your life peaceful which are given following in Urdu.

 

Pur Sakoon Zindagi Guzarne ka Tarika

Pur sakoon zindagi dunya mein sabhi ki aarzu aur nasbul ain hai. Kuch log is ke hasool ke liye dolat ka tayaqub karte hain to baaz shohrat ka sahara lene ki koshish karte hain lekin yeh sb kuch pane ke bawajood khushyon se bhar poor zindagi aik sarab sabit ho skti hai. In das sunahre asoolon par amal kar key dekhein jo aap ko khush o khurram zindagi ki rah par gamzan kar skte hain.

Yoga ki Saans ki Mshqein Karein, Achi Soch Apnayein

Subah sawere ka kuch waqt apni zehni aur jismani sehat ki behtar ke liye makhsoos kar lein. Rozana yoga ki sans ki mashqein karein. Doosron se acha rawaiya rakhein aur in se afoo dar guzar par mabni tarz amal ikhtiyar karein dushmani ke beej ko kabhi dil mein panapne ka moqa na dein.

Sehat Bakhsh Ghiza Khayein

Tambako noshi kam se km karein ya bilkul tark kar dein. Bara gosh chiknayi aur tez masalon se bhar poor ghizayein, shaker namak ke istemaal mein ahtiyat karein.

Be Khof ho Kar Jina Sikhein

Sb se bare khof teen hain yani mot, bimari aur faqa kashi. Yaad rakhein is dunya mein aane wale har fard ko wapis jana hai yahan har aaghaz ka anjam aur ibtada ki intaha hai. Mot aik atal haqiqat hai jise koi na tal skta lehaza mot ka khof be kar aur be sood hai.

Agar hum oper wala asool apnayein to phir bimari se khofzadah hone ka bhi jawaz nahi rehta .

Sari dunya ki makhlooqat ko paida karne wale ne in ki khorak bhi wafir moqdar mein paida ki hai. Bhook mitane ka to rab kareem ne bandobast kar rakha hai lekin lalach aur hirs ka pet kabhi nahi bhar skta chunan chah apni zaroorat ko kam se kam rakhein faqa kashi ka khof khood ba khood dm tor de ga.

Manfi Soch se se Gurez Karein, Masbat Tarz Fikar Apna Lein

Khush umeedi ka daman kabhi na chorein, masbat andaz mein sochein. Muhabbat aman dostana taluqaat aur qanayat jaisi nematein inhi ko hasil hoti hain jo masbat tarz fikar rakhte hain. Nazar ishte’aal, ana parasti, hasad be sakooni aur tashaddud jaise jazbaat se door rahein.

Etedal se Kam Lein, Inteha Psandi se Bachein

Shadeed psand aur na psand key jzbaat parwan charhane se gurez karein. Agar aap kisi shakhs, cheez ya jaga ko be had psand karte hain to is se juda hone ka dukh bhi shadeed hota hai. Agar aap kisi shakhs, cheez ya jagah ko shiddat se na psand karte hain to is ka samna karna ya apna na bhi be hd tkleef dah hota hai.

Gehri Wabastagi se Bachein

Cheezon, logon ya jaghon se shadeed wabastagi ikhtiyar karne se gurez karein takeh in se door hone ka sadmah bardasht kar sakein.

Aazad Zindagi Guzarein, Doosron par Inhesar na Karein

Apna kam khood karein doosron ki madad km se km lein, khua woh afrad ka zati tayawun ho ya mashinon aur ashya par inhesar.

Zindagi key har Lamhe se lutf Andoz Hon

Motwazan zindagi guzarein. Kam khandan aur doston ke elawah apne liye munasib waqt nikalein. Apni tamam sar garmiyon se bhar poor taskeen o itminan akhaz karein, jo kuch bhi karein is se poori tarah lutf andoz hon. Kisi ne kia khoob kaha hai, aisa peshah muntakhab karein jo aap ko psand ho, phir aap ko kabhi apna kaam kaam nahi lage ga.

Apni Taraf se Poori Koshish Karein, Natijah Allah par Chor Dein

Yahi hamara nasbul ain hona zaroori hai, is ke baad is ke hasool ke liye mansubah bandi ke sath kam karein, apni taraf se bhar poor koshish karein lekin natije ki fikar na karein ise khuda par chor dein aur is ki rehmaton aur nematon ka har dam shukar ada karte rehein.

Sadah Zindagi Guzarein

Apni zindagi pechidgiyon ko dakhil na hone dein. Apna mowazna doosron se na karein kiun keh aise mowazna ki koi inteha nahi hoti. Sadgi saaf goyi aur shaistagi ko apna ashar banayein, “shukar yah” aur “muaf kijye” jaisse alfaz kasrat se istemaal karein. Doosron par hokum na chalayein is ke bajaye raye tajweez aur mashware istemaal karein aur phir dekhein keh aap ki zindagi kitni sehal aur aasan ho jaye gi.

Tags: bari pur sakoon thi zindagi, pur sakoon zindagi, zindagi gulzar hai, zindagi guzarne ke usool, zindagi guzarne k asal, zindagi guzarne ka tarika


counter for tumblr

@Copy Rights 2011 world136.com All Rights Reserved