World136 Logo  
Home >> Beauty and Fashion >>Baby Skin and Hair Care Tips, Kid Skin Care Tips in Urdu, Hindi

Baby Skin and Hair Care Tips

Children's skin and hair need special attention and care. So that from the beginning their skin and hair healthy with health. Children skin is very soft and delicate so protects them from the beginning. Make the early part of the routine to skin care with hair care. For this purpose massage a few years since the birth. In summer children should be bath twice a day with a mild soap. You can use yogurt for children cooling in summer. Beside that whenever go outside should be use sunglass and hat for baby.

Must be massage on baby hair periodically. There are many types of oil are available in market. Use simple oil rather than perfume oil. Use mask for shiny and thick hair. Mehndi, shikakai and amla powder mix with oil and apply on baby hair for 10 minutes then wash hair. Avoid the elder product for baby use. Chemical substances contained in them are harmful to children's skin and hair. Do not use hair dryer for children hair. All of the above suggestions are useful for boys and girls. If your child has sensitive skin then does not follow above prescribed without your doctor’s advice
.

You can find baby skin care in urdu, bachon ki care in urdu, baby hair tips in urdu, baby hair tips in hindi, baby hair care tips in hindi, balon ki hifazat in hindi, kid hair care tips, child hair care tips, baby hair care tips, balo ki care kaise kare, balo ke upay in hindi, balo ke liye gharelu upay in hindi.

Baby Skin and Hair Tips in Hindi, Urdu

Hamare yahan aam tor par hota yeh hai keh jaise hi ghar mein kisi nomolood ka izafah hota hai to kuch roz tk nozaida bache ka masaj waghirah
kar lia jata hai wrnah nahi. Jab keh bachon ko sheer khawar ki umer ke baad bhi masaj, skin care aur hair care ki zaroorat hoti hai.

Hamare jism ka ahum tareen hissah hamari jild hai. Aur bachon ki jild mazeed narm o nazuk hoti hai is liye shuru hi se in ki hifazat karein aur jild ke sath balon ki dekh bhal ko mamool ka hissah bana lein. Is tarah bache jon jon bare hon gay inhein khood bhi in cheezon ki ahmiyat ka andaza hone lage ga aur nojawani ki umer ko punhachne tk wo apni skin aur balon ki hifazat ke aadi ho chuke hon gay. Doosri wajah yeh keh bachpan hi se in baton par towajjah dene ke natijay mein jild aur baal chun keh sehat mand rahein gay lehaza wo mukhtalif masail ka shikar hone se bache rahein gay.

Bachon ke Balon ki Hifazat

Sar ke masaj se bache sakoon mehsoos karte hain aur phir is ke aadi ho jate hain. Bachon ke balon mein wqtan fawaqtan tel ki malish zaroor karein. Sar mein tel lagane ke doran bhi bachon ko kisi na kisi mashghale mein uljah kar rakhein. Hair oil ki buhat si aqsaam market mein dsteyaab hain, tahum aap khushboo wale tel ke bajaye sada aur khalis tail muntakhab karein. Din mein kum az kum do bar bachon ke balon mein kangha ya brush karien takhe yeh suljhe huye hon to inhein kai hisson mein bant lein aur aik hath se tham kar doosre hath se aahistah aahistah suljahyein is tarah baal km se kam tootein gay aur bache ko dard bhi nahi hota. Bache jon jon bare hon in ke balon ko narm chamakdar aur Ghana banana ke liye hair mask lagayein. Hasb zaroorat hina, sika kai aur aamlah powder le kar thore se tel mein milayein aur 10 minute ke liye balon mein laga rehne dein, phir sar dhula dein. Agar aap ke bache ke baal buhat ziadah khushk hain to pehle balon mein tel lagayein aur aadha ghante baad 10 minute ke liye mask lagayein lekin jab tk mask laga ho bache ko apni nigrani mein rakhein. Din ke waqt bahir le jate waqt cap waghirah pehnayein aur 1 se 1 ½ mah ke baad in ke baal baqaidgi se tarashwayein takeh yeh sehat mand rahein aur khush numa dekhai dein.

Bachon ko baron ki product lagane se gurez karein jaise keh oil, cream ya perfume waghirah. In cheezon mein mojood chamical bachon ki jild aur balon ke liye nqsaan dah hote hain. In ke baal khushk karne ke liye hair dryer k istemaal na karein lekin agar sardi ke bais ya kisi tqreeb ke liye dryer lagana zaroori ho to ise low setting par aur balon se khasa door rakhein. Gile balon mein kangha na karein kiun keh is tarah baal buhat ziadah tootte hain aur in ki lachak khatam ho jati hai.

Jild ki Hifazat

Bachon ki malish is waqt tk jari rakhein jb tk wo kayi saal ke na ho jayein. Agar aap mazeed himmat karein to bachon ke school jane ki umer ke baad bhi masaj ke maamool ko km az km is waqt tk jari rakhein, jb tk keh wo ise bardash kar sakein. Masaj ke doran bachon ko in ki dilchaspi ke mutabiq baaton mein lagayein ya TV par cartoons waghirah dekhne ki ijazat de dein takeh wo is se jaan churane ki koshish na karein. Aik aur ahum baat keh masaj ke waqt bache ki privacy ka khas kheyal rakhein. Massage ke liye market mein buhat se ache baby oil dsteyaab hain. In mein se koi aisa oil muntakhab kar lein jis se bachah allergy mehsoos na kare. Is tel mein zaafran ke kuch reshe daal kar rakh dein takeh is ki khoobyon mein mazeed izafah ho jaye.

Garmiyon mein aane wala pasinah bahcon ki jild ke masamaat band kar deta hai lehaza inhein baqaidgi se kisi ache sabun ke sath nehlana zaroori hai. Gamiyon mein bachon ko kisi halke sabun se do bar nehlayein. Is tarah bache garmi daanon ka shikar na ho sake. Nahane ka pani garam ya ziadah thanday ke bajaye mutadil rakhein hfte mein aik bar nehlane se pehle taza phalon aur sbziyon ke goode se bachon ka massage karein. Is mqsad ke liye tamatar, khira, gajar aur kele behtareen hai. Is doaran bachon ko phalon aur sbziyon ke is mlghobe se khelne ki ijazat bhi dein takeh wo khushi khushi masaj karwayein. Garmiyon mein bachon ki jild ko thandak punchane ke liye dahi ka istemaal bhi kar skti hain. Is ke elawah dhoop ke waqt jab bhi bachon ko bahir le jayein to inhein koi acha hat aur sun glasses pehnayein.

Chamak dar saaf shafaf jild aur ghane sehat mand baal shakhsiyat ko khush numa aur pur kashish banane ka bais hote hai lehaza is tarah bache ke aitmaad mein bhi izafa hota hai. Mandajah bala tamam tajaweeez larkon aur larkiyon ke liye yaksan mufeed hain, tahum agar aap ka bacha ghair maamooli hassas jild ka malik hai to apne doctor ke mashwre ke beghair kisi tjweez par amal na karein

Beauty and Fashion Laser Treatment for Skin
Jild ki Hifazat Lemon Benefits for Skin
Keel Muhase Lemon ke faide
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved