world136
Home >> Beauty and Fashion >> Zubaida Apa k Totkay for Hair
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

 

Zubaida Apa k Totkay for Hair

Some important tips for hair care have been given. At least three times a day must comb hair. Comb the hair from upper to down. Do not comb wet hair. Do not use others comb. Use the comb should clear up after a week or ten days. Use a food in which iron is present. Avoid bathing with hot water. Use always fresh and clean water to clean the hair. Sun rays can damage hair. Women who swim must wear a swimming cap. You can read in this page balo ke totkay, balo ke liye tips, balon ka girna, balon ka ilaj.

 

Balo ke Liye Totke:

Khushki ki behtareen misal sar ki hai jahan par murda ya be jan chilkon key banne ka amal mosalsal jari rehta hai jo keh qtyi normal hai. Ab agar aap sar ko baqaidagi se dho kar saaf nahi karti rehein gi to in chilkon ki teh par teh jamti jaye gi jo keh khushki aur egzima ka sabab bhi ban sakti hai. Agar yeh khushki ziadah moqdar mein banne lage to garden, kandhon sine aur aksar chehre par jhar kar surkhi aur kharish ka sabab bn sakti hai jabkeh chand afrad mein khushki buhat ziadah hoti hai aur aik bimaari ki surat ikhtiyar kar leti hai.Is ka aasan aur mumkinah ilaj rozanah balon ko shampoo karna hai kiun keh in afrad mein yeh khulyat nehayat tezi se ban ka opari teh mein aakar jama hote rehte hain aur kharish ka sabab bhi bante hain ise egzima kehte hain.

Din mein kam az kam teen bar balon mein zaroor kanghi karein. Aap yun samajh lein keh balon mein kanghi karna balon key liye aik mufeed warzish hai is se khoon ki rawani taiz ho jati hai aur aap key baal sehat mand ho jate hain.

Balon mein kanghi ka tarikah yeh hai keh hamesha oper se niche ki taraf karein. Kabhi gile balon mein kanghi na karein. Doosron ki kanghi kabhi istemaal na karein balkeh kisi aur ka tolya aur takyah bhi istemaal nahi karna chahiye. Istemaal ki huyi kanghi ko hafte mein ya das dinon mein zaroor saf kar liya karein.

Aisi ghizayein istemaal karein jin mein loha (iron) ba kasrat mojooho jaise gosht machli, soya been wagirah.

Aap key khane key minu mein salad tazah phal sabziyan doodh aur doodh se bani huyi cheezein zaroor shamil hon aur woh bhi achi khasi moqdar mein. Protien ki kami balon key liye buhat noqsan dah sabit hoti hai. Vitamine ki kami se bhi baal rukhe phike aur be ronaq ho jate hain.

Khsuh rehne ki koshish karein aur gair zaroori uljhanon aur pareshaniyon se gureiz karein. Balon key buhat jald sufaid ho jane ka aik bara sabab zehni pareshaniyan ya tension bhi hai.

Garam pani balon ki qudrati ratooba ko khushk kar key inhein be jan kar deta hai aur baal buhat jald sufaid hone lagte hain. Garam pani se parhaiz karte huye balon ko hameshah tazah aur saaf pani se dhoya karein.

Swimming karne wali khawateen key liye mashwarah hai keh swimming key waqt swimming cap zaroor pehan lia karein kiun keh is pani mein tarah tarah key chemical mojood hote hain jo balon ko tabah kar dete hain. Swimming key baad balon ko saaf pani se dho lein.

Suraj ki teiz shuyein bhi balon key liye buhat noqsan dah sabit hoti hain yeh shoyayein(rays) balon ko buhat jald khushk kar key sufaid banana shuru kar deti hain. Lehaza dhoop se bachne key liye umbrella aur cap ka istemaal buhat zaroori hai. mandarjah bala baton ko zehan mein rakhte huye balon ki hifazat karni chahiye.


counter for tumblr

@Copy Rights 2011 world136.com All Rights Reserved