world136
Home >> Beauty and Fashion >>Mehndi on Hair
 
Article
Beauty and Fashion
Biography
Bollywood
Celebrity
General Knowledge
Health Care
Horoscope
Islam
Jokes
Milli Naghmay
Poetry
Totkay
Recipes
 

 

Mehndi On Hair

If you have oily scalp and become your hair very thin then you do not yank your hair while combing it instead gently comb it with a broad toothed comb. Similarly, do not rub your hair vigorously while drying it. Use a towel to soak up as much excess water as possible and then allow it to dry naturally. Avoid brushing your hair while it is still wet: wait until it is dried completely. You should also condition your hair each time you shampoo it. Henna(Mehndi) powder is another good and effective remedy for thicker hair. Henna powder can be soaked in water overnight along with fenugreek. Grind the fenugreek seeds and the henna powder along with an egg and a little lemon juice and apply this paste to your scalp and hair. This hair mask will provide nutrition to the roots of your hair as well as acct as a natural conditioner. However, do not keep this paste applied on your hair for too long. Henna being a natural hair dye will turn your hair into a reddish brown colour. Wash your hair thoroughly with a mild or herbal shampoo and condition it as usual.


Balon Mein Mehndi Lagane ka Tarika:

Chemical rungon ki daryaft se qabal podon(plant) key ijza ko baal, hath aur nail rangne key liye istemaal kia jata tha. In mein sab se betareen sahi mehndi (Hina) tasawwar ki jati thi.

Qadeem zamana ki khawateen ko taiyar shudah cosmetic key hasool ki sahoolat dastiyab nahi thi. Inhein yeh cosmetic munfrid ijza ko pees kar khod banana parti thi. Inhein apni is khush qisamati ka ilm nahi tha keh in key istemaal mein aane wali yeh ashya chemical aur masnooyi ashya key noqsaan dah zeli asrat se pak thin. Woh chemical anasir ki paida kardah sozish aur in key zarar san asrat se na waqif thin. Is key bawajood woh apne shoq aur zarooryat ko achi tarah poori kar leti thi.

Mehndi (Hina) key Istemaal:

Mehndi (Hina) key istemaal ka aghaz qadeem misir se hua tha. Is key elawah mashriq wasta aur Hindustan mein bhi in ka isteamal kia jata tha. Ibteda mein mehndi (Hina) ko thandak key hasool key liye istemaal kia jata tha kiun keh yeh aaza ko thandak bahum punchati hai. Tez bukhar ki kaifyat mein mehndi (Hina) ko pees kar mathe par lagaya jata tha. Tez garmi aur loo key asrat ko zaail karne key liye bhi ise istemaal karte the. Garam mamalik mein is key ziada istemaal ki ghalban yahi wajah hai. Raftah raftah mehndi (Hina) ko khoobsorti mein izafah key liye bhi istemaalkia jane laga.

Barr-e-sagheer hind-o-pak mein dulhan key elawah shadi mein shareek hone wali taqreeban tamam hi khawateen apne hathon aur paon mein mehndi (Hina) key zariye khoobsorat design banwati hain aur yeh shadi ka aik ahum juz ban chukka hai. Eid aur Bakra Eid mein bhi mehdi lagwane ka khasoosi bando bast kia jata hai. Qadeem misar mein bhi khawateen inhein nail polish ki jagah nail par laga ya karti thien.

Mehndi (Hina) ka behtareen istemaal is ka balon mein lagana hai. Is key be shumar fawaid hain.

Doosre khawas key elawa mehndi (Hina) behtareen conditioner bhi hai. Chemical rung baalon ki saakht ko noqsaan punchate hain jab keh mehndi (Hina) in ki hifazat karti hai. Mehndi (Hina) baalon key oper aik moti the charha deti hai. Jis key bais baal condition aur mote ho jate hain.

Mehndi (Hina) key istemaal se baal khoobsoorat ho jate hain. In mein chamak key elawa loch bhi aajat hain aur yeh molaimat inhein set karne mein madad deti hai. Balon aur sar ki jild key liye yeh aik umdah cleanser bhi hai aur detergent key bar’aks yeh sar ki jild ki qudarti tezabyat ko zaa’yel nahi karti jo sehat mand baalon key liye aik lazmi juz ki haisyat rakhti hai.

Mehndi (Hina) ka paste lemon juice, eggs aur yogurt ka mixture baalon key liye ab tak daryaft kiye jane wale cleanser aur conditioner mein behtareen qarar dia jata hai. Is mixture key mosalsal istemaal se baalon ki afzaish aur sar ki jild ki sehat bar qarar rakhne mein bhat madad milti hai.

Mehndi (Hina) key hairat angeiz kamalat ki badolat sanyat karon ne cosmetic ki aisi masnoaat market mein lana shuru kar dein jin mein mehndi (Hina) ki wafir moqdar bhi shamil hoti hai. Maslan shampoo aur conditioning waghairah.

Mehndi (Hina) key elawah doosre mufeed nabati ijza ko bhi in ka cosmetic mein shamil kia jane laga hai. Maslan kayi, Aamlah, Sika Kayi aur Barhami waghairah. Mehndi (Hina) powder ko baalon ki sehat aur chamak key liye aik mokammal ghiza tasawwar kia jane laga hai. Baalon key girne, sar ki jild bimaariyon aur baalon key white hone jise amraaz se bachne key liye mehndi (Hina) ko dafayi maqsad key liye bhi istemaal kia jata hai.

Mehndi (Hina) aur doosre nabati ijza par mushtamil masnoo’aat key zariye jagah jagah se sar key baalon key girne ki bimaari ka kamyabi se ilaaj karna mumkin ho gia hai. Yeh ganje pan ko poori tarah rok deti hai. Mokammal sehat yabi aur faiday key liye mehndi (Hina) key powder key sath mandar jah zel ashya mila kar in ka aameza bana lein.

Ingredients :

Mehndi (Hina) khane key 3 sp, dahi 200gm, andah 2, aur aik lemon juice, 2 tsp coffee bhi mila dein. Lekin yeh aap ki marzi par munhasir hai.

Mehndi (Hina) Lagane ka Tarika:

In tamama ashya ko achi tarah mila kar pest bana lein aur sar par yaksan tor par mal lein. Mehndi (Hina) pest lagane ka aasan tarika ye hai keh comb ki madad se baalon ko hata kar inhein mukhtalif hisson mein taqseem kar lein aur phir har hissah mein achi tarah pest mila lein. Aik hissah mein mehndi (Hina) pest lagane key baad inhein lappet kar bandh dein takeh mehndi (Hina) apni jagah par lagi rahe aur girne na paye. Is tarah mehndi (Hina) ko saaf karne mein bhi aasani rahe gi. Aadh ghante tak lage rehne key baad dho dalein.

Mehndi (Hina) ka arq Banane ka Tarika:

Ghar mein mehdi banana ka aasan tarika

Aik pao mehdi aur aik pao shaker aapas mein mala lein.

Aaj kal dabbon ka dhoodh(milk pack) taqreeban ghar mein istemaal hota hai. Doodh ka khali dhabba ya koi aur isi qisam ka faltoo bartan jo aaindah bhi aap key kaam na aata ho, ise le kar is key andar charon taraf mehdi aur sugar ka mixture mila dein. Darmiyan mein aik khali cup ( jo aaindah kaam main na lana ho) rakh dein aur is dabbe ko dhanp dein. Aik degchi pani se bhar kar chulhe par halki aanch mein dhakan de kar rakh dein. Is patili key oper mehdi wale dabbe ko rakh dein. Taqreeban ½ ghante baad mehdi ka arq cup key andar aajaye ga.

Mehdi ka arq banate waqt yeh kheyal rakehin keh patili par poore munh ka dhakkan dein magar dabbe ka dhakkan sakhti se band nahi hona chahiye. Taqreeban aadhe ghante baad arq ka cup dabbe mein se nikal lein.

Ab aadhi chatak mehdi ko bareek kapre mein chan lein. Aur is chani huyi mehdi ko is arq mein gholein. Mehdi ko ghol kar taqreeban do ya teen ghante tak kisi thandi jagah mein rakh dein.

Ab is mehdi se khoob soorat design banayein aur dekhye keh hath kis qadar red ho jaein gay.

Menhdi aik Nemat:

Aap ise beauty aur tandarusti key hawale se dekhein. Bimari key elaaj key hawale se ya bimaryon se hifazat karne key hawale se, har soorat mein aap ko hina qrdrat ka aik mojzah nazar aaye gi. Cosmetic ki dunya se aane wali khabron mein sirf nayi masnooat ka tazkirah hi ahum nahi hai. Balkeh woh aik aise naye tasawwar ki nishandahi bhi kar rah hai jo skin care ki dunya mein aik inqilab barpa kar de ga.

Aaj ki dunya key cosmetic ko mukhtalif amoor anjam dena zaaroori hai. Maslan jild ka husn aur sehat bar qarar rakhna, noqsaan dah anasir se is ki hifazat karna aur jildi masail ko paida hone se rokna. Sab se ahum baat yeh hai keh woh jild ko aise amraaz aur masail se bachati hai jo hamari khoobsoorti ko gharat kar key rakh dete hain. Is ka cosmetic ko marz key elaaj ki haisyat se dekhne aur parkhne ka aisa ahum hai jis par achi tarah ghor karne ki zaroorat hai.

Khas khas Batein:

Baal rangne ka tarika is silsilae mein sab se bunyadi baat waqt aur darjah hararat hai. Mehdi ka rung fori tor par nahi charhta aur is key liye hararat bhi zaroori hoti hai.

Baalon ka chiknayi se saaf hona bhi zaroori hai. Is key elawa meyari quality ka tazah safoof cup ya bartan mein ghol kar is mein koi tarsh shai maslan lemon ka juice, sirkah ya phir kisi aur tarsh phal ka ras bhi shamil karna chahiye. Is mein reyond sugar bhi shamil ki ja sakti hai. Gehre shookh surkh rung liye chukandar ka ras shamil karna chahiye. Aalo bukharon kazlaal shamil karne se bhi acha rung aata hai.

Balon key gehre rung key liye aik cup tez black coffee ya tea bhi shamil kar sakti hain. Aik surat yeh bhi hai keh akhrot ki chaal ko aik hafte tak pani mein bhigo kar is mein mehdi ghoL kar lagayi jaye. Yeh cheez shamil karne key baad mehdi ko dhimi aanch par paka kar thora sard kar key baalon mein achi tarah lagana chahiye.

Mehdi lagane se pehle yeh bhi zaroori hai keh mathe par koi chikni cream ya oil laga liya jaye takeh jild par is ka rung na jame. Mehdi fingers se lagana ziadah behtar hai. Hath rungna maqsood na hoto phir dastane pehan kar mehdi lagana zaroori hai.

Mehdi lagane key baad sar ko plastic ki topi ya thili se achi tarah dhak kar oper se towel lapetna zaroori hai. Is tarah hararat se rung khoob rache ga aur yun ghanton intezaar karne ki zehmat bhi nahi uthani pare gi. Aik ghante mein khoob rung aajaye ga. Is key baad sar ko pani se achi tarah dhona chahiye.

Mehdi baalon key liye aik behtareen tonic hai. Chun keh yeh baalon mein saraiyat karjati hai, is liye is ka asar hafton bar qarar rehta hai. Phir yeh itminan bhi to buhat qimti hai keh aap hazaron saal ki aazmoodah shai se apne baalon key husn mein izafa kar rahe hain.

Upper lip Hair Removal Tips
Face Makeup
Care of Skin
Whitish Complexion
Weight Loss
Beauty Tips for Old Women
Beauty Tips for 40 Year Old Women
Glowing Skin Tips
Winter Skin Care Tips in Urdu
Lemon ke faide

counter for tumblr

@Copy Rights 2011 world136.com All Rights Reserved