World136 Logo  
Home >> Beauty and Fashion >>Bridal Makeup Tips in Hindi

Bridal Makeup Tips in Hindi

Every girl has the desire to be a bride. It is the desire of life on this memorable occasion looks pretty. All the guests are eager to see how the bride looks. Now a day’s numerous places that specialized in beauty parlors serve. Every girl should know to become the bride on the wedding day, gorgeous looks what is important to the treatment plant and how it is accomplished. Here are some useful suggestions for beauty and elegance safety of the girls who go to be a bride. Face and other parts of the body to enhance the beauty that is common to be polished. This process is carried out in a professional beauty parlor. This process can do now easily at home. Read in Urdu and Hindi. You can find in this page face polish method in urdu, jild ki hifazat , skin treatment in urdu, skin polish in urdu, skin polish ka tareeqa, pedicure, manicure, nails ki hifazat, how to face polish at home, how to do face polish at home in urdu, how to make face polish at home in urdu and bridal makeup tips in urdu and hindi.

Bridal Makeup Tips in Urdu

Dulhan banna har larki ka arman hota hai, is ki khuahish hoti hai keh zindagi ke is yaad gar moqa par vo buhat khoobsurat dekhayi de. Yun bhi shadi ke moqa par dulhan bator khas har aik ki tawajjah ka markaz hoti hai. Tamam mehman yah dekhne ke liye be tab hote hain keh dulhan kaisi lag rahi hai.

bridal makeup tips in urdu
Aaj kal jagah jagah be shumar beauty parlor hain jo mahiranah andaz mein dulhan taiyar karte hain.Dulhan banne wali har larki ko maaloom hona chahiye keh shadi walay roz khoobsurat nazar aane ke liye kon kon se beauty treatment is ke liye zaroori hain aur inhein kis tarah anjam diya jata hai. Yahan dullhan banne wali larkiyon ki rehnumayi ke liye husn o khoobsurti ki hifazat se mutalliq kuch mufeed tajaweez pesh ki jarahi hain.

Jild ki Hifazat

Jild ki hifazat aur dekh bhal ketni zaroori hai is se sab hi waqif hain. Kiun keh jild achi hogi tab hi make up acha nazar aaye ga. Yahi wajah hai keh skin care ka maamool shadi se 6 mah pehle shuru kar dena chahiye. Sab se pehle hone wali dulah ko kisi dermatologist yani mahir e jild se ruju kar ke apni jild ki saakht maloom karni chahiye takeh is ke mutabiq khoobsurti mein izafay ki tabeerein aur make up style muntakhab kia ja sakay yeh in larkiyon ke liye ziadah ahum hai jin ki skin hassas aur masail ka shikar ho. Tahum facial sab hi ke liye kargar sabit hota hai. Is ki madad se na sirf jild ki safayi aur tonic hoti hai balkeh aap ke chehre aur garden se murdah khal bhi saaf ho jati hai.

Skin Treatment in Urdu

Hone wali dulhan ko baqaidgi ke sath fecial karwana chahiye takeh is ke natijay mein jild khoobsurat aur chamakdar nazar aaye. Steem facial ya bhap lena bhi buhat acha hai kiun keh is se dulhan ki rungat nikhar jati hai aur yeh amal is ke liye sakoon bakhsh bhi sabit hota hai.

Skin Polish in Urdu

Chehre aur jism ke degar hisson ki khoobsurti mein izafay ke liye skin polish karwana ab aam hai. Beauty salons par yeh amal professional andaz mein kia jata hai aur bila shubah is ke baad rungat na sirf nikhar jati hai balkeh is mein chamak bhi paida ho jati hai. Lekin is amal ke doran istemaal kiye jane wale chemical jin mein bleach bhi shamil hota hai, jild ke liye noqsaan dah sabit hote hain. Is liye hamara mashwarah hai keh qudrati ijza ki madad se apni skin polish khood tiyar karein jo aap ki jild ke liye intehayi moassar sabit hogi.

Skin polish ka Tareeqa

Face polish karne ke liye pehle garam pani se apna chehre nam karein aur koi narm asar exfoliator le kar dairon ki surat mein chehre par masaj karein. Tahum aankhon ke ird gird hissay ko chor dein. Agar aap acne ka shikar hain tab apni jild ki munasbat se halka aur narm asar exfoliator istemaal karein.

Body polishing ke liye apne bathroom mein steem bharein aur garam pani ka shower lein. Phir jism par zaitoon ka tail (oil) laga kar isay 10 minute ke liye jild mein jazb hone dein. Is ke baad polishing cloth ki madad se sugar body scrub halke hath se dairon ki surat mein jism par malein. Ghutnon, kehniyon (elbow) aur ariyon ko jhanway ki madad se saaf kar lein. Lekin is say pehle Vaseline lagana na bhu lein. Phir neem garam pani se jism dho lein aur pani khushk karne ke baad koi acha sa body lotion laga lein. Lekin yaad rahe keh skin polish ke baad jism ko towel se na ragarein balkeh thap thapa kar khushk karein.

Pedicure

Pedicure yani pairon ki dekh bhal aur safayi bhi dulhan banne wali larki ke liye buhat ahum hai. Yun to dulhan ko sar se paon tak khoobsurat nazar aana chahiye. Lekin pairon ki dekh bhal aur in ki safayi suthrayi is liye bhi zaroori hai keh dulhanein amooman nazuk aur khulay sandals pehanti hain jin se in ke pair bad numa khoobi dekhayi dete hain. Is liye paron ka kheyal rakhna zaroori hai ta keh is ahum moqa par khoobsurti ki nighedasht mein koi kami na rah jaye.

Manicure

Shadi se chand mah pehle hi baqaidah manicure ka ahtamam shuru kardein takeh aap ke hath shadi ke moqa par khoobsurat aur narm o mulaim nazar aayein aur in par lagwayi gayi mehndi ki rungeen kuch aur barh jaye . Manicure se aap ke hathon ki jild ko nami aur ghizaiyat farahum hoti hai lehaza hath khushk hone se bache rehte hain.
Nails ki Hifazat

Sehat mand dekhayi dene walay aur nifasat se tarashe gaye nails dulhan ki dilkashi mein char chand laga dete hain. So apne nails ki sehat ka kheyal rakhein takeh jab aap dulhan ban kar tiyar hon to nails polish lagane ke baad in ki khoobsurti har nazar ko apni janib motawajjah kare. Dulhan ke mehdi lagay hathon par amooman halke ya medium colour ki nail polis khushnuma dekhayi deti hai. Tahum nail polish ke shade ka dulhan ke arusi lebas se mach karna zaroori hai.

Hamare han dulhanein ziadah tar gehre surkh rung ki nail polish lagati hain lekin is moqa par red nail polish lagane se gurez karein, iske bajaye qudray halke shade ko tarjeeh dein.

Iske elawa bhi buhat se aisay treatment hain jo hone wali dulhan ke liye sood mand sabit hote hain maslan hair treatment aur body masaj waghirah . husn ki nigehdash ke in tamam tariqon par amal karne ka yahi maqsad hai keh dulhan ghair maamooli had tak haseen dekhayi de. In beauty tips par amal kar ke dulhan banne wali har larki khoobsurat nazar aaye gi.

Beauty and Fashion Upper lip Hair Removal Tips
Whitish Complexion Winter Homemade Tips for Skin
How to Show Eyes Bigger Khoobsurti ka Raaz Kya Hai
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved