World136 Logo  
Home >> Beauty and Fashion >>Beauty Tips for Old Women

Beauty Tips for Old Women

Women always work hard at home some time they feel tired and the thought there is no one who care of her “there is no importance of mine at home". If you don't give you importance yourself nobody give you importance. So you should care yourself, for this you should ones a week change your hair style, makeup, go outside for dinner and make a picnic program with your children and family. Get together with your friend.

Khawateen Beauty Tips


Khawateen fitratan zod runj aur hassas hoti hain. Mosalsal aik jaisay kaam nimtatay huye woh aksar buri tarah jhunjhlahat ka shikar ho jati hain, ya kabhi kabhi in ki sonch manfi rahon par bhataknay lagti hain aur kuch aisay kheyal dil o dimagh mein gardish karnay lagtay hain, “meri koi ahmiyat nahi”.

Yeh kheyal raftah raftah ahsas e mehroomi ki surat ikhteyar karta chala jata hai jis say gilay shikaway janam letay ahin. Is surat e hal say bachnay kay liye khatoon khanah ko apni zindagi mein kuch tabdeelyan lani hon gi zindgi say naraz khatam kartay huye zindah dili ka muzahirah karna hoga. In kay zariye buhat say aisay takleef dah ahsasat kam honay mein madad zaroor milay ga, jo aap ko manfi tarz fikar ki rah par daal detay hain.

Apni ahmiyat samjhain, jab aap khood ko nazar andaz kar dein gi to bhala doosray aap ki ahmiyat kaisay samjhain gay. Puray mahinay mein aik din apnay kaam kijye. Apnay makeup ka ahtamaam karein, mumkin ho to apnay hair cut mein tabdili layain is tarah aap khood mein tabdili mehsoos karein gi. Agar budget ijazat deta hai to apnay liye choti moti shoping bhi kar lein. Apni sehat ka bhi kheyal rakhain. Motwazan ghiza aur halki phulki warzish ka ahtamam karein kiun keh jismani bimaryon aur naqahat kay bais hi hamein kayi zummay daryan bojh mehsoos honay lagti hain aur kaam ki ziadti ka ahsaas janam leta hai.

Jio aur jinay do kay asool par amal kartay huye zindagi pur sakoon banayain. Dusraon ki zindagi mein bay ja mudakhlat na karein. Yeh sunahri osool apna lein. Aap ki zindagi mein khoosh gawar tabdili aajaye gi. Aksar gharilu khawateen “saray jahan ka dard hamaray jigar mein hai” kay asool par apnay ird gird honay walay chotay chotay waqiyat par nazar rakhti hain. Azeez rishtay daron aur aas paros kay muamlaat mein bay ja dil chaspi kay bais kayi uljhanon ka shikar ho jati hain, jis ki wajah say in ki ghariloo zindagi bhi mutasir hoti hai. Is liye bay ja tafaqurat say khood ko door hi rakha jaye to behtar hai. Is kay ba jaye rishton ki mazbooti par towajjah deni chahiye. Agar koi apna aap say rutha hua hai to apni ana ka parcham surangon kar kay pehal karein aur isay mana lein. Yaad rakhain dil ki sachi khooshi haasil karnay ka is say acha koi zariyah nahi. Rishtay daron aur azeez o aqarib kay ghar chutti walay din zaroor jayain ya in ko apnay ghar madu karein, kuch apni kahein kuch in ki sunain. Isi bahanay gham aur khushyan bantnay ka moqah bhi mil jaye ga.


Hamari lagay bandhay maamulaat uktahut aur thakan ka ahsaas barha detay hain. Is liye apni family kay sath tafreeh kay mowaqai paida karein. Bachon kay sath bahir khana khanay chali jayain ya kisi family picnic mana lein. Agar menhgi tarfeeh karna mumkin nahi to chutti walay din ghar say kabab ya sandwich waghairah bana kar kisi bhi park ka rukh karein, bachon kay sath sair o tafreeh ka program bana lein. Mukhtasar waqt ki yeh tarfeeh aap kay dil o dimaagh ko tar o taza karday gi. Zaroori nahi hai keh sirf kisi khas moqay hi par acha lebas zaib tan kia jaye aur har singhar ka ahtemaam kia jaye, ksi sham chaye par ghariloo taqreeb munaqad karein, aik sath baith kar sab aik doosray say apni dil ki batain karein. Yeh sham aap kay liye aik khush gawar tajurbah sabit hogi.

Apni pasand ka koi bhi aisa mashghalah jo aap apni masrufyat ki wjah say tark kar chuki hon, isay dobarah shuru kardein. Kuch khawateen bagh bani ka shoq rakhti haon gi to kisis ko kitabein parhnay say shaghaf hoga. Kuch dor e talib ilmi mein shairi ki diwani thien aur har acha asyar apnay pas mehfooz rakhnay ki aadi thin. In mashaghil kay sabab hum buhat kuch sikhtay bhi hain aur dimagh kuch der kay liye masbat sargarmi mein masroof ho jata hai. aisi sargarmiyon ki taraf lotnay say aap kay aasab ka bojh bhi halk hojaye ga.

Apni khuahishat par band bandhein. Hota yeh hai keh hum baaz aoqaat dosron say bila wajah hasad mein mibtila hojatay hain, “is kay pas aisa ghar hai meray pas kiun nahi” ya yeh sonch bhi zehan mein aajati hai keh who itnay mehngay kapray banat hai mein bhi aisay hi lon gi. Aisi sonch hamaray liye pareshanyon kay dar kol deti hai. hum bila wajah doosron say apna mawznah karnay lagtay hain aur bila wajah ki pareshanyan mol letay hain. Apnay khuabon kay tauqub mein hum apna haal kharab kar baithtay hain. Agar hum aisay afrad ka kheyal karein jinhain zindagi mein who buahat kuch mayassar nahi jis ki dast yabi kay bawajood hum isay ahmiyat nahi detay. Is liye shukar guzari ki aadat apnayain, gilay shikway dam tortay chalay jayein gay.

Apnay maamulaat mein nazm o zabt layein. Be qaidgi aur bay dhanga pan bhi insane ko nakarah bana deta hai. Is lkiye apnay har kaam kay aoqaat tai karein. Har cheez sahi tariqay say sahi jagah rakhain. Raat kay kaam raat hi mein nimta kar soyain takeh din ki shuruat kamon kay anbar say na ho maamulat mein baqiadgi say aap ka adha waqt bachay ga. Ghar ka munazzam nizam aap kayandar chusti aur tawanayi bhar day ga. Kayi muamlaat mein insane qudrat kay hathon majboor hota hai , magar kuch pareshanyan is ki apni paida kardah hoti hai. insane kay samnay do rastay hotay hain manfi ya masbat. Ab faislah aapkay hath mein hai keh aap apni zindagi kis rah par dalti hai.

Beauty and Fashion Upper lip Hair Removal Tips
Whitish Complexion Winter Homemade Tips for Skin
How to Show Eyes Bigger Khoobsurti ka Raaz Kya Hai
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr
@Copy Rights 2011 world136.com All Rights Reserved