World136 Logo  
Home >> Beauty and Fashion >>Care of Hair from Seasonal Effect

Care of Hair from Seasonal Effect

Seasonal weather effect on our hair very quickly. Because of this that hair is very sensitive part of body. You will have guessed that in winter and summer season is effect on your hair. How to care of your hair from seasonal effect, here is some method of care of hair, hair care in summer, hair care tips in Urdu, beauty tips of hair, hair problems, hair care in winter read in detail following in Roman Urdu.

Mosami Asraat say Baalon ki Hifazat

Mosam kay asraat baalon par buhat jald namudar ho jatay hain. Is ki wajah yeh hai keh baal jisam ka aik nazuk hissah hain aur aab-o-hawa fori tor par in par asar andaz ho jati hai. Aap nay andazah lagaya hoga keh garmi aur sardi kay mosamon mein baalon ki hiyat badal jati hai. yeh haqiqat hai keh sakht garmi aur dhoop baalon ko buhat noqsaan punchati hai lekin is ka yeh matlab nahi keh dhoop mein bahir nah nikla jaye. Dhoop mein bahir nikalna aur phirna sirf is surat mein noqsaandah sabit hota hai jab is kay liye ahtiyaati tadabeer ikhtiyar na ki jayain. Agar aap apnay baalon ko tamazat kay bais pohanchnay walay noqsaan say bachana chahti hain to phir aap ko darj zeel kuch tadabeer par amal pera honay ki zarurat hai.

1- Sakht garmi aur martoob aab-o-hawa aap kay baalon par intehayi manfi asrat marattab karti hai. Is say bachao kay liye aap ko apnay baalon par conditioner aur jells zaroor lagani chahiye. Is say aap kay baal sakht garm aur martoob aab-o-hawa say mehfooz rahain gay.

2- Baalon par dhoop kay asrat bhi buhat buray murattab hotay hain. Dhoop say bachao kay liye aap ko aisay lotion istemaal karnay chahiyain jo bazaar say ba aasani dastiyaab hotay hain aur isi maqsad kay liye banaye jatay hain. Sar par koi scarf bhi baandha ja sakta hai jis say sar kay baal dhoop ki tamazat say mehfooz rahain gay. Ya phir topi (hat) pahna ja sakta agar aap aisa nahi chahtain to phir dhoop say bachao ka wahid hal lotion hai. Yeh lotion aik qisam ki condition cream hoti hai. Jo baalon ko suraj ki shoyaon kay bais puhanchnay walay noqsaanat say bachati hai. Suraj ki garam shoyain baalon par par kar inhain khushk aur khur duray banati hain. Is liye koshish yahi karni chahiye keh baalon par dhoop na par sakay phir aap kay baal hameshah tandurust aur chamakdar rahain gay.

3- Sahil samandarya darya kay kinaray par sair-o-tafree kay liye janewali khawateen ko chahiye keh woh apnay baalon ko moisture lagayain kiun keh samandar ya darya kay pani say uthnay wali khushki baalo ko buhat jald khushk kar deti hai aur is tarah say baal khurduray ho jatay hain aur baad mein inhain sanwarna mushkil ho jata hai. Is liye bachao ki khatir moisture zarur lagana chahiye.

4- Baal garmiyon mein agar kharab honay ka andeshah hota hai to yeh andeshah sardiyon kay mosam mein bhi hota hai kiun keh sardiyon kay mosam mein sard aur khushk hawayain baalon par barah raast asar andaz hoti hain. Is liye behtar yahi hai keh baalon ko sard hawayon say bachanay kay liye ghar say bahir nikaltay waqt sar ko garam scarf say dhaanp lia jaye. Dopattah aur shaal bhi is silsilay mein istemaal kiye ja saktay hain. Sardiyon mein baalon ko garam pani say dhona chahiye. Thanda pani say dhonay par baal jar say jatay hain.

Beauty and Fashion Baby Skin and Hair Care Tips
Hair Care Tips in Hindi Hair and Your Personality
Hair Dye Tips in Urdu Long Hair
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved