World136 Logo  
Home >> Beauty and Fashion >>Dandruff in Urdu

Dandruff in Urdu

Beauty Tips in Urdu

Dandruff is the most common hair problem, which is caused by some vitamin deficiency. Zinc supplement helps in reducing dandruff form the head. Take two table spoons full of curd, whip it well add few drops of lemon juice in to it. Apply this paste on hair scalp and leave it for 20 minutes. Then shampoo your hair. It works as conditioner and reduces dandruff.
Take henna powder, curd and tea water and add few drops of lemon juice into it. Make a paste on hour then wash off. Apply this on your hair at least once in 15 days to cure dandruff. The following Dandruff in hair, its causes and how to prevent it read in Urdu.

Balon ki Khushki

Dandruff(Balon ki Khushki) dar asal sar ki jild kay murdah khalyon ka ijtama hai. jo white ya zard chilkon ki shakal mein balon mein chipkay nazar aatay hain. Tamam tandarust insanon mein hamaray poray jism ki jild ki oopri parat mosalsal badalti rehti hai. yeh tabdili hamein mehsoos nahi hoti murdah khalye hamari jild say mosalsal jhar kar girtay rehtay hain tahum sar ki jild say jharnay walay chilkay khasay numaya nazar aatay hain. Kiun keh sar say jharnay walay yeh chilkay chotay chotay zarrat ki shakal mein girnay kay wajay ijtamayi shakal mein jhund ban kar girtay hain kiun keh sar mein mojood qudrati chiknayi inhein chotay zarrat mein tabdeel honay say rokti hai. is kay elawah yeh chilkay ziadah numayan is liye bhi nazar aatay hain keh woh sar kay ghanay balon mein chipak kar rah jatay hain aur inhein koshish kar kay girana parta hai.

Dandruff Causes:

Hamaray dimagh mein paida honay walay tension aur jazbati hejan kay bais jisam mein hormone ya doosray aqsam ki chemical tabdilyan moriz wajood mein aati hain. Is ki wajah say jildi khalyon mein aik tehreek paida hoti hai jo dandruff kay paida honay ka bais banti hai.

Doosri wajoohat ziada dinon tak sar ka na dhona ya soap aur shampoo ki balon say pori tarah safayi na karna bhi is marz ki afzaish ka bais hain, wig , cap, scarf ka istemaal karnay walay ashkhas mein yeh marz jaldi pheilta hai, kiun keh is tarah sar ki jild tazi hawa say mehroom rehti hai.

Aab o hawa ki tabdili bhi sar ki jild par asar andaz ho kar dandruff paida karnay ka bais ban sakti hai. Isi liye woh ahum aur choti ki shakhsiyat jo faraiz mansabi kay bais doosray mamalik ka hawayi safar bar bar kartay hain in mein dandaruff ka marz ziadah aam hota hai.

Hum mein say beshtar is haqiqat say na waqif hon gay keh Allah tala khanay aur buri ghizayi aadaton kay bais bhi yeh marz paida hota hai. Aksar auqaat khanay ka nagha karna aur gheir sehat bakhsh snakes ka istemaal hamari sehat ko motasir karta hai. jis ki aik shakal dandruff kay tor par ubhar kar samnay aati hai.

Nangay sar dhoop mein phirnay say bhi yeh marz paida ho sakta hai. Marz ki singini ka inhesar is baat par hai keh sar ki jild kay murda khalyon kay jharnay ki rafter kia hai.

Amooman sehat mand insane mein 28 din mein sar ki jild puri tarah tabdeel ho jati hai. Lekin dandruff kay paida honay ki wajoohat la taadad hein. Tibi mahereen kay tajziye kay mutabiq dandruff ko do aqsam mein rakh sakta hai . Aik khushk dandruff jo sar ki intehayi khushk jild kay bais moriz wajood mein aata hai yeh morasi bhi ho sakta hai. Ya phir doosri bimariyon kay radde amal kay tor par bhi. Doosra chikna dandruff is ka bais hamaray sar ki jild mein mojood aik kisam ka ghadood hain jo nehayat taiz raftari say chiknayi paida karna shuru kar detay hain.

Beshtar mareez chiknay dandruff ka shikar hotay hain. Yeh dandruff amuman jild par chipka rehta hai aur asani say isay nahi churaya ja sakta. Is kay baraks khusk dandruff kay marizon kay kandhon par amooman white rung kay chilkay aksar dekhnay ko milein gay.

Dandruff Treatment in Urdu

Aisay shampoo say avoid karein jo buhat tez hon kiun keh is say bimari door honay kay bajaye mazeed pechidgi paida honay ka khatrah rehta hai. Behtareen nataij kay hasool kay liye aam halka shampoo aur dafa dandruff shampoo bari bari istemaal karna chahiye.

Hair Wash:

Shampoo kartay waqt sar ko kharish na karein balkeh finger ki madad say halkay halkay masaj karein. Shampoo karnay kay baad balon ko achi tarh dhoyein takeh is kay baqaya jat sar mein chipkay na rah jayein. Khusk dandruff ki surat mein bar bar brush karein aur finger say sar ki malish karein takeh chiknayi paida karnay walay ghadood ziadah motehreek ho sakein.

Brush:

Chiknay dandruff ki surat mein sar ki jild par ziadah brush na karein warnah ghadood ki chiknayi paida karnay ki salahiyat mazeed band ho jaye gi. Agar aap kay sar mein dandruff kay elawah c barik darmits bhi mojood hai to phir foran kisi tibbi mahir say mashwarah karein. Is ka ilaaj taweel muddat tak karna paray ga.

Balance Diet

Dandruff say mutasir honay walay afrad kay liye motwazan ghiza istemaal intehayi zaroori hai. jahan tak mumkin ho ghiza mein egg, fish, aur panner ka istemaal barha dein. Kiun keh in mein vitamine aur madaniyat bakasrat mojood hain. In kay elawah phalon ka istemaal bhi barha dein. Cake aur fried khorak khanay say parhaiz karein. Nishastah wali ghizayein bhi mat khayein. Sabziyan ziadah lein jo vitamin, madanyaat aur fiber say bhar pur hain aura am sehat kay elawah jildi bimaaryon ko bhi shafa ata karti hain.

Tension say Parheiz :

Dandruff kay maslah say nimtnay kay liye zehni inteshar par qaboo panay ki koshish karein. Tension say mokammal tor par chutkara hasil karna to mushkil hai lekin phir bhi munasib mansubah bandi kar kay is ki shiddat ko bari had tak kam kia ja sakta hai.

Beauty and Fashion Mehndi On Hair
Reason of Hair Fall Shampoo on Hair
White Hair Tips in Urdu Hair Washing Tips
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved