World136 Logo  
Home >> Beauty and Fashion >>Hair Washing Tips in Urdu

Long Hair Tips

Most of woman thing that wash hair daily for hair grow fast. But this is wrong; according to expert it is enough to wash hair 3 or 4 days in a week. It is also depend of your hair type. If your head skin is oily and hair is smooth then you have to need more shampoo. But if your hair is dry then you have to need lees shampoo on your hair. It is necessary to shampoo daily when your skin of head is too much oily. But most of woman shampoo their hair daily for perfume. If you are going out for study or job, you have to wash your hair daily then it is better for you use light weight shampoo. How to recognize light weight shampoos? It is very easy “every day shampoo” written on the shampoo bottle. More detail read in Urdu and hindi. You can find hair care tips in urdu, long hair tips in urdu, hair tips in urdu for falling hair, silky hair tips in urdu, hair tips in urdu for growth, healthy hair tips in urdu, hair tips in urdu for men, hair tips in urdu zubaida tariq.

Hair Washing Tips in Urdu

Aaj ki beshtar khawateen uljhan ka shikar dekhayi deti hain keh balon ko rozana dhona munasib hai ya nahi. Buhat si khawateen ka kheyal hai keh rozana baal dhone se in ki nasho

numa mein izafah hota hai, lekin yeh mafruzah ghalat hai. Mahereen ki raye ke mutabiq balon ko hafte mein 3 se 4 bar dhona kafi hota hai. Tahum yeh aap ke balon ki sakht aur in ke type par munhasir hai keh inhein ketni bar dhoya jaye. Agar aap ke sar ki jild ziadah roghani aur baal bhi chikne rehte hain to aisi surat mein aap ko ziadah shampoo kar ne ki zaroorat pesh aaye gi. lekin agar aap ke sar ki jild aur baal khushk hain to inhein kam se kam shampoo karna behtar hai.

Skin expert ka kehna hai keh baal chun keh aik fiber ya reshah hain, lehaza misal ke tor par aap wool se bane kisi lebas ko bar bar dhoyein gay to vo jald kharab ho jaye ga, isi tarah balon ko zaroorat se ziada shampoo kia jaye to woh kharab ho jate hain aur rukhe nazar aane lagte hain. baal lambe, ghane aur ghunghriale hon ya in par koi chemical treatment karaya gia ho to inhein kam se kam shampoo karna munasib rehta hai. Is ki wajah yah hai keh aise balon mein sar ki jild se niklne wala oil aahistagi ke sath balon ke saron tak safar karta hai aur baal amooman khushk hi rehte hain. Lehaza behtar yahi hai keh is qisam ke balon ko ziadah waqfah de kar shampoo kia jaye. Jab keh is ke bar aks chote, patle aur sidhe balon ko aik din chor kar shampoo karne ki zaroorat pesh aati hai.

Balon ko rozana shampoo karna sirf isi surat mein zaroori hota hai jab sar ki jild par paida hone wale oil ki mqdar buhat ziadah ho. lekin ziadah tar khawateen balon mein khushboo lane ke liye inhein rozanah. Shampoo karti hain. So agar aap study ya job ki khatir rozana bahir jati hain aur roz balon ko dhona zaroori samjhti hain to behtar hoga keh aap koi "light weight shampoo" istemaal karein. Light weight shampoos ki pehchan yeh hai keh in par “every day shampoo" likha hua hota hai. Aise shampoos mein nisbatan halka detergent hota hai. Tahum buhat si khawateen apne balon ki hifazat ki khatir ab aik din ke waqfay se inhein shampoo karti hain aur zaroorat pare to doosre roz dry shampoo istemaal karti hain. Dry shampoos, powder ki shakal mein hote hain jin hein balon mein laga kar inhein aasani ke sath sanwara ja skta hai. Yeh balon ki izafi chiknayi jazb kar lete hain aur is tarah woh chipke huye nazar aane ki bajaye nikhre nikhre se dekhayi dete hain. Dry shampoo kiye huye balon ko aap bila chijhak khool bhi sakti hain.

Curly balon wali khawateen ko mahereen aaraish gesoo aur mahereen jil ka mashwarah hai keh woh hafte mein sirf aik bar shampoo karein. Balon ko ketne waqfe se shampoo kia jaye, is baat ka inhesar is khitte ke mausam par bhi hota hai, jahan aap rehaish pazeer hon. Yahi wajah hai keh sard mamalik ya sard ilaqon mein rehne wali aisi khawateen jin ke baal curly hon, woh aik mah mein aik bar bhi bal shampoo karein to in ke liye kafi hoga. Albattah is doran balon mein conditioners 2, 3 bar istemaal kia ja skta hai. Buhat si khawateen samjhti hain keh jis shampoo mein jetna jhag banta hai, woh balon ki isi qadar behtar safayi karta hai. Lekin haqiqut yeh hai keh yeh jhag in sakht aur muzir chemical ke sabab bante hain jo is shampoo mein shamil hote hain. Yeh chemical balon ko khushk aur be ronaq bana dete hain aur mahereen ki raye ke mutabiq yeh sar ki jild ki safayi ke liye zaroori bhi nahi hote. Tahum yeh shampoo mein isi liye shamil kiye jate hain keh log apne shampoos mein jhag bante dekhna psand karte hain aur khawateen TV ishteharat dekh kar wahi shampoo kharidna psand karti hain jin mein buhat sare sufaid sufaid jhag bante dekhaye gaye hon. Lekin aap ke balon ki sehat ke liye yahi acha hai keh aap non foaming aur sulphate free shampoo kharidein kiun keh sulphate markabat balon ko nqsan puchane ka sabab bante hain. Is ke bajaye qudrati ajza se bane shampoo aap ke liye mufeed hain. Balon ke behstar masail ki wajah yahi hai keh ab qudrati ajza ka istemaal kam hota jaraha hai. Na sirf yeh keh hamari khorak achi aur mtwazan nahi balkeh balon ko dhone ke liye bhi chemical wale shampoos par hi inhesar kia jata hai.

Baal dhone ke liye agar aaj bhi desi tariqon par amal kia jaye to balon ke masail mein kami aaskti hai.

1. Multani mitti, dahi, aamlah aur sikakayi se baal dhoye jayein to koi wajah nahi keh yeh sehat mand na rahein.

2. Raat ko apni zaroorat ke mutabiq aamlah aur sika kayi ko pani mein bhigo dein aur subah inhein pees kar baal dho lein. In ajza ke elawah balon ka mail katne ke liye ritha, bilkul shampoo jaisa kaam anjam deta hai. Lehaza aamlah aur sika kayi ke humrah do rithe bhi tor kar mila liye jayein to hafte bhar ke maile baal bhi qudrati sehat se chamak uthte hain.

3. Ghar par shampoo banane ka aasan tariqah yeh hai hai backing soda aur lemon ka ras pani mein mila kar istemaal karein, yeh aap ke liye behtareen shampoo ka kaam anjam dega.

4. Baal girne se bachane keliye hafte mein do se teen bar sar mein neem garam oil ki malish karein aur anday ki zardi ko bator mask balon mein lagayein.

5. Baal agar rukhe aur be ronaq ho jayein to kisi bhi be ghair khushboo wale hair oil ya vegetable oil mein aik khane ka chamchah shehad milayein aur pure balon mein achi tarah laga lein. 20-25 minute baad baal dho lein.

6. Ziatoon ka oil balon ke liye intehayi mufeed hai, ise achi tarah balon mein lagayein aur plastic cap pehan lein. 15-20 minute baad sar dho lein.

7. Balon ka rukha pan door karne ke liye pure balon ko achi tarah mayonees se dhanp dein. Phir plastic shower cap pehan kar 15-20 minute intezar karein aur is ke baad neem garam pani se baal dho lein. In tarkibon se baal narm o mulaim aur chamak dar ho jayein gay.

8. Sar ki khushki aur sikri dooor karne ke liye bhi buhat se aazmoodah noskhe mojood hain, jin mein se aik yeh hai keh aik anda tor kar aik cup dahi mein milayein aur ise sar ki jild par achi tarah lagayein aadhe ghante baad sar dho lein yeh tariqe istemaal kiye jayein to koi wajah nahi keh aap ke baal sehat mand aur chamakdar na rahein.

Beauty and Fashion  

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved