World136 Logo  
Home >> Beauty and Fashion >> How to Look Younger in Urdu

How to Look Younger in Urdu

Some women who cross 35-40 years they think that they became aged which is wrong thinking. Think of it this way, they also adopt the fashion look aged, which show their age and seem much more aged. Some of the style or fashion style women to renounce her age; they may also appear lower than her age.

Too much or too little makeup shows your personality. First, you all shades of gray color, remove from your make-up kit. Apply natural color lipstick with lip gloss, As well as natural color foundation like peach, brown or pink makeup increase uses. Do not use dark color lipstick, especially brown, dark red color. This color show you aged. Make outline with light pink, purple lipstick on your lip then fill with lip gloss.

In the choice of clothing is not limited to a particular type of clothing, many women do not like to wear shalwar kameez something else. They have to little change in their clothing with innovation, so it's great to be based on their personality. For example, long shirts and trouser, tights or aline shirt may be good choice. Think it stop herself said that now would be more my age and I do not have to adopt this type fashion.

Choosing the right shoes also has a great impact on your personality. If you do not want to use sandals types then flat slippers are available in the market like as khusa, kolah puri or pmpy etc. Used with a matching dress will enhance your personality.

The hand bags and purses use also according to your liking and personality. You can read how to look younger in hindi, how to look younger in urdu, jawani ka raaz, looks younger than age, naujawan aane ka sahi tarika, dilkash nazar aane ka tarika in urdu and hindi.

Jawani ka Raaz

Buhat si khawateen andha dhun fashion ki tqleed karti hain, khaa in ki shakhsiyat, umer ya phir mahol se mutabqat rakhta ho ya nahi. Isi shoq aur najoon mein woh logon ki tzheek aur tnqeed ka nishana bhi bnti hain. Isi liye koi bhi andaz khua woh kapron ka ho ya phir shoes ka make up ka ho ya jewelry ka. Is baat ka hamesha kheyal rakhein keh woh aap par aap ki umer , mahol aur shakhsiyat se mel khata hai ya nhi baaz auqaat yeh bhi dekha gia hai keh drmiyani umer ki khawateen ya barhti huyi umer ki aurtein nojawan larkiyon ka andz apnati hain, to doosri taraf kam umer larkiyan bari burhi aurton ke rung dhang ka tayaqub karti nazar aati hain. Shadi biyah ki tqreebat hon ya phir ghar mein hone wala koi sada function, saheliyon ki baithak ya kisi se milne jana ho har jagah aur mahol ke aitbaar se tiyari hi aap ki shakhsiyat ko dil aawez banati hai. Lekin in tamam ke liye sb se ahum mudda yeh hi hai keh aap apni umer ka bhi dheyan rakhein. Kuch khawateen jaise hi apni umer rawan ke 35-40 saal ko oboor karti hain, khood ko sun rasidah aur burha samajhna shuru kar deti hain, jo aik ghalat soch hai. Is soch ke sath woh isi andaz ke fashion bhi apnane lgti hain, jo inhein apni umer se aur kayi gunah ziadah bara dekhane lagte hain. kuch aise hi style ya fashion ke andaz jo is umer ki khawateen tark kardein, to woh apni umer se kafi kam bhi nazar aaskti hain.

Makeup ka Intekhab

Buhat ziadah, ya buhat kam make up bhi aap ki shakhsiyat ko zahir karta hai. Sb se pehle to aap gray colour ke saray shades apni make up kit se nikal dein. Is ke ba jaye natural colour lipstick ko lip gloss ke sath lagayein, isi tarah natural colour ke foundation jaise peach, brown ya phir pink rungon ka istemaal apne make up mein barha dein. Munasib makeup ke liye aap apni beauty expert se bhi madad le skti hain. Make up karne ke liye kabhi bhi hath se foundation ya concealer mat lagayein. Is se chehre par ubharne wali line ya jhurriyon mein na sirf izafa hota hai, balkeh yeh aur ziadah numayan ho kar nazar aane lgti hain. Isi liye har make up ke liye mukhtalif qisam ke brushes se madad li ja skti hai. Aankhon ke gird siyah halqon ko chupane ke liye concealer lagayein aur is ke liye aise rung ka intekhaab karein. Jo aap ki skin toon se halka ho, kiun keh halka rung lagane se halqe chup jayein gay, jab keh gehre rung ke concealer se ziadah numayan hon gay. Make up ke liye foundation se pehle loose powder ka istemaal karein. Yeh chehre ko buhat zadah chamak dar hone se bachata hai. Drmiani umer ki khawateen translucent powder lagayein to is se in ke chehre par acha asar pare ga. Aankhon par buhat ziadah maskara ya kajal ka istemaal na karein, balkeh halke peach ya pink rung ki eye shade pencil aankh ke andar nichli line mein lagayein aur is ke sath soft brown rung ka eye shade istemaal karein. Lipstick ke liye dark rung istemaal na karein, khas tor se brown ya phir dark red colour yeh aapko ziadah umer ka dekhate hain. Honton par halke rung jaise pink, jamni ki lipstick pencil se out line banayein aur lip gloss se honton ko bhar lein.

Kapron ka Intekhab

Drmiyani umer ki khawateen umer barhte hi is qisam ke kapron ke andaz ko apnane lgti hain, jo in par bilkul bhi nahi jachta, balkeh inhein aur ziada burha bana kar pesh karta hai. Misal ke tor dhile dhale aur dhari dar kapre, jin ki koi banawat bhi nahi hoti. Mote kapron jise khaddar ya pure cotton se bane huye kapre inke liye bilkul bhi munasib nahi, drmiani umer agar silk, jorjet, cotton jorjet ke kapron ko apni munasbat se silwa kar pehnein to apni umer kafi choti nazar aayein gi. Buhat dhile dhale lambe kurte aur khuli lambi aastinon wale malboosat apna kar khood ko umer rasidah zahir mat karein. Yeh baat hamesh zehan mein rakhein keh jaisa aap khood ko dekhana chahengi, log aap ko waisa hi dekhein gay. Is liye doosron ko apne oper tnqeed karne ka moqa har giz na dein. Lebaas ke intekhab mein sirf aik makhsoos qisam ke pehnawe tak khood ko mehdood na rakhein, buhat si khawateen shalwar qameez ke elawa kuch aur pehanna pasand nahi karti. Agar woh jiddat ke sath apne lebas mein thori si tbdili jiddat ke sath le aayein, to in ki shakhsiyat par is ka acha tasur qaim hoga. Misal ke tor par long shirs aur trouser, tights ya phir aline shirt ke liye acha intekhab sabit ho skte hain. Yeh soch kar khood ko kabhi na rokein keh ab meri umer ziadah ho gayi hai aur mujhe is qisam ke fashion ko nahi apnana chahiye. Yaad rakhein umer ka talluq dimagh se hota hai. Aap khood ko jetna burha mehsoos karein gi, utna hi lagein gi. In tamam baton aur nikat mein rungon ka intekhab sb se ziadah ahmiyat ka hamil hai. Rungon ka chunao aap ki umer par buhat ziadah asar andaz hota hai. Adher umer wali khawateen woh hi rung istemaal karti rahein, jo woh hamesha se karti aayi hain, kiun keh is umer mein halka peech, gray, sufaid ya phir brown inhein mazeed umer rasidah zahir kare ga. Is ke bar aks nile aur laal rung ke be shumar aise shade hain, jo aap is umer mein bila jhijhak istemaal kar skti hain.

Chashma ka Intekhab

Nazar ke chashme ka durust istemaal aap ki shakhsiyat par masbat asar dalta hai. Yeh aik qudrati amal hai keh umer barhne ke sarh sath baaz auqaat hamari basarat kamzor ho jati hai. Is kami ko nazar ki ainak ki madad se door kia jata hai. Ziadah umer ki khawateen ba waqt zaroorat chashmah istemaal karti hain, lekin agar inhein mustaqil ise apnana hai, to gale mein dori bana kar hargiz na ltkayein aur na hi chashme ko hammah waqt hath mein rakhein. Ise apne bag mein rakhein. Bazar mein buhat se nazuk aur nafees rungon ke frame daste yaab hain. Apni umer ke hisab se purple, halka kathai ya phir pink rung ke chote frame lagayein, to apni umer se kam nazar aayein gi.

Balon ka Rung

Yeh baat durust hai keh gray rung ke balon se shakhsiyat mein kashish paida hoti hai, lekin yeh barhti huyi umer ka tasur bhi dete hain. Is liye drmiyani umer wali khawateen ko chahiye keh woh apne balon ko gray colour ka tasur dene ke bajaye halka brown ya phir golden tuch dein, to in par yeh rung jachein gay, jab aap 60 se ziadah umer ki hon, tb gray colour aap par theek lag skta hai. 40-50 saal ki khawateen apne jild ki rungat ke mutabiq balon ka rung istemaal karein, to yeh in ki shakhsiyat mein dil kashi ka bais bane ga.

Shoes ka Sahi Intekhab

Shoes ka sahi intekhab bhi aap ki shakhsiyat par gehra asar dalta hai. Bare bare band juton aur bhadde qisam ke sliper ke bajaye achi, meiyari aur khoob surat nazuk strips wali sandal istemaal karein. Agar aap sandals istemaal nahi karna chahtin, to flat chapel ki bhi kayi aqsam bazar mein dasteyaab hain. Jaise khusa, kolha puri ya pumpi waghairah ka lebas ki matching ke sath istemaal aap ki shakhsiyat ki khoob surti mein izafah kare ga. Aise jute pehnne se aap ki puri shakhsiyat par chaya adher umri ka tasur zail hoga aur aap khood ko tawana aur pur aitmaad mehsoos karein gi.

Pars ka Intekhab

Hand bags aur pars ka istemaal bhi apni pasand aur shakhsiyat ke mutabiq karein, na keh umer ke hisab se, kiun keh aap jahan kahin bhi jati hain. Aap ki zaheri shakhsiyat aur pehnawon ke sath sath aap ke zer istemaal ashya ka bhi baghor jaizah lia jata hai. Ab aap bare bare hand bags ko kherbaad keh dijye aur halke phulke drmiyane hajam ke chamre ke bag ya phir dedah zeb cluch ka istemaal karein. Yaad rakhein in ki kharidari mein meyari ke sath sath rungon ke intekhab ko nazar andaz mat karein.

Beauty and Fashion  

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved