World136 Logo  
Home >> Beauty and Fashion >> How to Make Facial Mask at Home in Urdu, Mask Banany ka Tarika

How to Make Facial Mask at Home in Urdu-Hindi

1/2 ripe banana, 1/2 cup of yoghurt, 1 teaspoon of honey. Peel the banana, keep in a bowl and mash it. Banana is very important because it contain vitamin C and antioxident. Now pour the yoghurt and mix well. At last mix honey. Now face mask is ready. Before use face mask your face should be clean.  Apply face mask on your face and keep for 20 minutes, wash with lukewarm water and at last sprinkle cold water. This mask use for dry skin.

homemade mask in urdu, mask banany ka tarika in urdu, mask banane ka tarika, multani mitti mask in urdu, how to make facial mask at home in urdu

 

Mask Banany ka Tarika

Qudrati ajza se bane facial mask se jild par nikhar aajata hai lekin agar mask ka intekhaab jild ki sakht ki mutabqat se na kia jaye to yeh jild ke liye noqsaan dah ho skta hai. Khushk jild ke liye aise mask sahi rehte hain jo chehre ko hydrate aur nam karein, jab keh chikni jild ke liye banaye gaye mask mein chiknayi jazb karne ki salahiyat honi chahiye. Isi tarah hassas jild ke liye mask ka intekhab bhi ahtiyaat talab hai.

Jaifal ka Mask

Jaifal ko ghis kar doodh mein mila kar is ka gharha sa mixture bana lein aur chehre par lap karein. Yeh mask dagh dahbbe mitane aur chehra nikharne ke liye mufeed hai.

Multani Mitti Dahi ke Sath Mask

1 tbsp multani mitti, 3 tbsp dahi, 1 tsp shehad mila kar mask tiyar karein aur chehre par lagayein.Yeh jild ki safayi karta hai, band masam kholta hai aur jild ko saaf suthra banata hai.

Doodh ka Mask

1 tbsp doodh ki malayi mein 6 drops lemon juice mein mila kar lagayein is se jild narm o mulaim hoti hai.

Kharbooze ka Mask

Kharbooze ke beej 1 sp le kar is mein bareek pisay badam mila lein 4-8 drops Lemon juice aur paste banane ke liye doodh istemaal karein. 8-12 minute laga rehne dein. Is ke baad geeli coton se chehra saaf kar lein.

Chane ke Aate ka Mask

Chane ka aata, 2 tbsp, lemon juice 1/2 tsp, haldi 1/4 sp aur doodh hasbe zaroorat lekar ubtan ki tarah lagayein. aahistah aahistah mila kar battiyan bana kar utar lein.

Chehre ki Ronaq Barhane ke Liye

1 tbsp kakri ke juice mein lemon ke ras ki chand drops daal dein aur chehre par lagayein.

Narangi aur Lemon ke Chilkon ka Face Mask

Orange aur lemon ke chilkon ka khusk powder. 2 tbsp, gandum ka aata-2 tbsp, shehad -1/2 sp, doodh hasbe zaroorat. In tamam ajza ko pyale mein mila kar paste bana lein. nehane se pehle is scrub ka poore jism aur chehre par masaj karein. Is se buhat jald aap ka chehra aur jism saaf suthra aur tar o taza ho jaye ga.

Gehon aur Shehad ke Mask

2 spoon gehon ka aata le kar pani mein garha paste tiyar kar lein isay halka sa garam kar kay is mein 1 spoon shehad mila kar chehre par lagayein gehon mein paaye jane walay fiber jild ke murdah khalyon ko saaf kar deta hai shehad jild mein khechaon paida kar ke jild mein khoon ka dorah barha deta hai, yeh nuskha istemaal karne se jild tandururs aur khoobsurat bani rehti hai.

Maida ka Mask

2 spoon maiday ko doodh mein mila kar garam kar lein thanda kar ke is mein arq gulab mila kar chere par lagayein 10 minute baad chehre ko neem garam pani se dho lein, mada jild mein kheinchao paida kar ke khoon ke doraanye mein izafah karta hai aur murdah khalyon ko achi tarah se nikalta hai doodh achi qisam ka cleansing hai arq e gulab mein paye jane wale anasir jild ko ghizaiyat dete hain is mein mojood vitamin E antioxidant ka kaam karta hai.

Loki ka Mask

2 spoon loki ka ras, 2 spoon papite ka gooda, 1 baadam, 8-10 angoor in sb ko achi tarah pees kar mila lein is mein 1 spoon arq e gulab mila kar chehre par lagayein 10 minute ke baad chera dho lein loki, papita, baadam aur angoor mein paaye jane wale anasir aam jild ko ghizaiyat farahum karti hain jis se jild khoobsurat bani rehti hai.

Kheere ka Mask

1/2 kheera, lemon juice 1/2 tsp, rose water 1/2 tsp aur aloe vera gel 2 tsp. Kheere cheel kar is mein aloe vera gel lemon juice aur khalis rose water mila kar blander mein daal kar pees lein. Yeh mask apne chehre par laga kar 20 minute ke liye chor dein aur phir chehre ko thanday pani se dho lein. Yeh amal hafte mein do se teen bar karein. Kheere ka face mask un jhurriyon ke liye behtareen hain jo keh waqt se pahele chehre par jhurriyan zahir hona shuru ho jati hain.

Beauty and Fashion Party Makeup Tips
Hair Fall Solution Hatho aur Pairon ki Hifazat
Hair Washing Tips White Hair Tips in Urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved