World136 Logo  
Home >> Beauty and Fashion >>Motapa Kam Karne ke Upay

Motapa Kam Karne ke Upay

People does not understand that why and how to increased weight. Interesting things that some people have healthy food but they became fat. They do not understand that they are not eating junk food are still fat. The reason is that significant numbers of calories and fat found in the useful and healthy food. So these foods should be eaten in large quantities, our body gets fat naturally. So that never eats large amounts of these foods that have more fat and calories. Please read about these things briefly in following in Urdu and Hindi.
You can find motapa kam karna, motapa kam karne ke upay, motapa kam karne ke liye gharelu upay in hindi, motapa kam karne ke liye tips in hindi, motape se nijat, motape se nijat ka tarika, motape se nijat in urdu, motape se chutkara, motapa kam karne ka totka in urdu, motapa kam karna in urdu

Motape se Nijat
Motapa kiun aur kaise ho jata hai yeh logon ko samajh nahi aati hai. Dilchasp baat yeh keh kuch log bazahir mufeed ghizayein kha kar bhi farbah ho jate hain. Inhein samajh nahi aati keh woh junk ghiza nahi kha rahe aur na hi farbahi paida karne wale khane phir motapa inhein kiun chimat jata hai? Wajah yeh hai keh kayi
mufeed aur tndurusti ata karne wali ghizaon mein chiknayi (fat) aur hararay (calories) khasi taadad mein milte hain. Lehaza in ghizaon ko bari moqdar mein khaya jaye to hamara jism qudratan farbah ho jata hai. Is liye in tamam ghizaon ko kaseer moqdar mein kabhi na khaiye jo chiknayi ya harare ziada rakhti hain. In ka mukhtasar tayaruf darj zel hai.

Omelette Khana

Buhat se log breakfast mein omelette kahte hain. Anday behtareen ghiza hain. Woh protein aur vitamin se bhar poor hote hain. In mein choline vitamin bhi milta hai jo buhat kam gizaon mein dsteyaab hai. Yeh vitamin yaaddasht aur aasab ke control se mutalliq kayi jismani afaal mein kaam aata hai. Maslah yeh hai keh namak mirch ki shamoolyat aur tel mein pakne ke baad omelette hararo ka muraq ban jata hai, isi liye ise mutadil moqdar mein khaiye.

Coffee ka Istemaal

Aik pode, coffea ki phalyon se yeh mashoor zamana mashroob tiyar hota hai. Coffee ka aik bara pyalah hararon aur chiknayi (fat) se bhara hota hai. Pyalah 300 harare aur 15 gram chiknayi rakhta hai. Isi liye rozana 3-4 cups coffee pine wale amooman baithe bathaye mote ho jate hain aur inhein pata bhi nahi chalta. Mahereen ka kehna hai keh black coffee nosh kijye, is mein buhat kam harare mojood hote hain. Nez coffee mein chiknayi se pak doodh aur 1 spoon chini dalye. Yun mehaz 40 hararon wali aap ki man pasand coffee tiyar ho jaye gi.

Chocolate ka Istemaal

Coca beej se chocolate banti hai. Coca magnesium, tanbe aur manganese jaisi madenyaat ka khazana hai. Lekin yeh beej harare bhi wafir rakhte hain. Mslan mehaz aik once (28 gram) chocolate 155 harare rakhti hai. Isi liye jo bache aur student ziada chocolate khane ke shoqeen hon, woh jald mote ho jate hain.

Burger

Student Burger mein sabziyan mslan tomato, onion, coriander leaves, mint waghirah dlwa kar samjhte hain keh woh sehat afza khana kha rahe hain. Baaz auqaat to kabab bhi vegetable se bana hota hai. Lekin yeh in ki kham kheyali hai. Wajah yeh keh catch-up, mayonnaise, chatniyan aur paneer ke bais burger hararon ka pahar ban jata hai. Is mein 1000 tak harare mojood ho kste hain.

Paneer ka Istemaal

Kayi nojawan larkay larkiyon ka man bhata khana Paneer hai. Paneer protein aur calcium farahum karne ka umdah zariyah hai. Magar yeh ghiza chiknayi aur harare bhi khoob rakhti hai. Misal ke tor par mehaz aik once paneer 113 harare aur 9 gram chiknayi rakhti hai.

Dry Fruits

Badam, akhrot, chilghoze, mong phali waghirah mein omega 3 fatty acid, protein, vitamin E aur fiber milte hain. Yeh sabhi hamein tndurust karte hain magar dry fruits mein harare bhi wafir hote hain. Mslan mehaz 10-12 badam ya akhrot khane se hamein 132 harare mil jate hain. Dekha gia hai keh kayi students popcorn ya chanon ki tarah dry fruits khate rehte hain. Chunan chah zaid harare pakar woh mote ho jate hain. Lehaza dry fruits ka zaroorat se ziadah istemaal inhein farbah bana dalta hai.

Khushk Phal

Angoor, khajoor, khoobani, aaloo bukhara aur ghari wasi paimane par khushk halat mein bhi istemaal hote hain lekin jab in phalon se pani nikal jaye to woh shakar aur hararon ka makhzan ban jate hain. Misal ke tor par ½ pao tazah angoor mein 60 harare milte hain magar ½ pao kishmish "460" harare rakhti hain. Isi liye khushk phal kam se kam khaiye aur inhein mehaz koi khana sajane ki khatir istemaal kijye.

Fruits

Phal maslan aam, injeer, angoor aur kele shakar se bhare hote hain. Isi bais woh harare bhi ziadah rakhte hain. mslan sirf 3 kele 200 harare farahum karte hain. Isi liye ziada shakar wale phal mutadil moqdar mein khaiye aur in ke bhar poor fawaid hasil kijye warnah inhein ziada moqdar mein khane se aap mote ho skte hain.

Beauty and Fashion  
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr
@Copy Rights 2011 world136.com All Rights Reserved