World136 Logo  
Home >> Beauty and Fashion >>Summer Makeup Tips in Urdu

Summer Makeup Tips in Hindi

Skin problem is very common in the summer season. Especially women are worry about their beauty and health.  Health and skin has too much trouble due to heat of the sun and sweat in the summer season. All of you know that in this season should drink a lot of water and eat such vegetable and fruit in which you get a lot of water, for example watermelon, cucumber, tomato etc. Women have also a problem in summer. Which product use for beauty? Which is keep their skin soft and beautiful? Here we are discuss about all those beauty product which is keep you makeup long time. Detail read in following in Urdu and Hindi.You can find party makeup tips in hindi, pakistani makeup tips in urdu, makeup tips in hindi, Summer Makeup Tips in Hindi, urdu, face makeup tips in hindi, urdu

Summer Makeup Tips in Urdu

Garmi ka mausam apnay jild mein kayi tarah kay masail liye apni jhalak dikhla raha hai. Khawateen ko is mosam mein khas tor say apnay husn, sehat ki fikar rehti hai. Kiun keh dhoop ki shiddat aur pasinay kay bais kaam kaaj kay doran jahan tabiyat bezar si rehti hai, wahin inhein jild say mutalliq masail ka samna bhi rehta hai. Tahum in masail say nimatna to vo janti hai hain keh ziadah say ziadah pani piyein aur aisi sabziyan aur phal khayein jin mein pani ki moqdar ziadah hoti hai maslan tarbooz aaru khira aur tamato waghirah lekin garam mousam mein khawateen ko aik aur ahum maslah bhi dar pesh rehta hai keh vo apni jild ki hifazat aur make up kay liye kon si beauty product istemaal karein jo na sirf in kay liye mowassar sabit hon balkeh vo ziadah say zidah khoobsurat bhi dekhayi dein. Yahan aap kay liye kuch aisi beauty products kay istemaal ki tajweez pesh e khidmat hai jin ki badolat aap khoobsurat to dekhayi dein gi hi lekin mousam ki hiddat aur gard o ghubar say bhi apni jild ki hifazat kar sakein gi.

Exfoliator

Gard o ghubar aur pasinay ki chipchipahut mausam garma ka khas tohfah hai. Yeh tamam awamil, jild kay masamat ko band kar detay hain jis ki wajah say buhat say masail paida ho saktay hain. Lehaza exfoliator ka baqaidgi say istemaal karein. Kha yeh ghar par tiyar kia jaye ya baazar say khareeda jaye. Kiun keh jild kay beshtar masail par qaaboo panay aur chehray ko tabnak rakhnay ka yahi tariqa sab say behtar hai keh exfoliator ki madad say khal kay murdah khalyon ko utar dia jaye takeh doran e khoon mein behtari aaye aur chehray ki jild sans lay sakay.

Waterproof Mascara

Yeh to aap janti hi hon gi keh garmi kay mausam mein jab suraj ki hiddat har shai ko pighlaye deti ho, tab aisa maskara istemaal karna chahiye jo garmi aur pasinay kay bais behnay na paye. Lehaza aisay mausam mein samajhdari ko glamour par tarjeeh dein aur hamesha water proof maskara istemaal karein jo na chipakta hai aur na hi pasinay kay pehlay qatray kay sath behna shuru hota hai.

Lip Baam

Hont hamaray chehray ka nazuk aur hassas tareen hissah hain. Lehaza ziadah der tak dhoop mein rehnay kay bais suraj ki muzir banafshi shuayein foran in par asar andaz hoti hain aur lip cancer ka bais ban skti hain. So, is mausam mein apnay labon ki nazuki ka khas kheyal rakhye jinhein shairon nay gulab ki pankhari say tashbih di. Honton ko sirf sardiyon mein hi lip baam ki zaroorat nahi hoti balkeh mausam e garma mein bhi lip baam ka istemaal isi qadar zaroori hai. Lehaza apnay honton ki hifazat ke liye suraj say tahffuz dene wala aisa lip baam lagayein jis mein SPF ki khasoosyaat aur Bvex kay elava shiya betar jaisay ijza shamil hon. Is lip baam kay istemaal say aap kay hont narm o mulaim aur shadab rahein gay.

After Sun Gel


Sakht garmi aur tez doop mein sirf sun block ka istemaal jild kay masail ka aakhri hal nahi. Kiun keh is kay istemaal kay bawajood bahir guzaray gaye din kay asraat behar haal waqu pazeer hotay hain. Lehaza is ka behtareen hal yeh hai keh mousam e garma kay doran after sun gel apnay pas rakha jaye. Is ka aik nahi balkeh buhat say faiday hain. Yeh gel na sirf sun burn yani dhoop ki shiddat say jhulas janay wali jild ko aaram punchata hai balkeh jild ko thandak denay kay elawah isay nami farahum karta aur jhurriyan o shiknein bannay kay amal ko rokta hai.

Shampoo and Conditioner

Khushk be ronaq, rukhay aur patlay baal kisi bhi khatoon ke liye aik daraunay khawab say kam nahi. Lehaza aisay shampoo aur conditioner istemaal karein jin mein U V protection ki khasoosyaat shamil hon. Takeh aap kay baal sehat mand aur chamakdar nazar aayein.

Deodorant

Garmi kay mausam mein bar bar aanay walay pasinay ki chipchipahut say nijat hasil karnay kay liye acha deodorant istemaal karnay say behtar koi tajweez nahi. Yeh jannay kay liye keh kon sa deodorant aap ke liye mozun hai, teen baton ka kheyal rakhna zaroori hai. Pehli baat yeh keh ap ko kis qadar pasinah aata hai, is kay baad yeh dekhein keh kis qisam ki khushboo ap ko psand hai aur aakhir mein apnay psandeedah deodorant kay ajza ko achi tarah janch len keh in say aap ko allergy ya hasasyut to nahi.

Cream Eyeshadow

Jab garmi ki shiddat aur doop ki hiddat apnay urooj ki janib gamzan dekhayi day to aisay mein powder eyeshadow ki bajaye creamy eyeshedow istemaal karna behtar hai. Yeh laganay mein aasan aur ta der qaim rehtay hain. Elawah azeen in mein rangon kay intekhaab ki bhi kami nahi. Lehaza kisi bhi uljhan say mubarrah yeh make up item mausam e garma ke liye aap ka lazmi intekhab bun jata hai.

Face Mist

Chubhnay wali garmi....... jild ko chedti suraj ki shuyain aur ghanton air conditioner kamron mein waqt guzarnay kay bais sehat mand jild bhi kumla kar rah jati hai. So aisi kaifyut mein face mist aap kay chehreay ko fori tazgi bakhshta hai. Iskay istemaal say furhat tazgi kay ahsaas kay sath sath cehray ki shadabi aur chamak aap kay liye goya izafi inaam hai.

Hair Mask

Garmi kay mausam mein hair mask ka istemaal buhat zaroori hai kiun keh yeh mausam e garam hawaon, suraj ki tapish aur fizayein mein mojood nami kay bais balon kay liye sakht noqsaan dah sabit hota hai. Agar aap swimming pool kay pani mein shamil chlorine balon par khasay buray asaraat marattab karti hai. Lekin hair mask ka istemaal balon kay beshtar masail ka hal sabit hota hai. Ghar mein taiyar kiye gaye mask kay liye zaitoon ka tail, anday ki zardi aur dahi behtareen ajza hain.

Sun Screan

Aap hazar ha martabah yeh baat sun chuki hon gi aur aaindah bhi sunti rahein gi keh sun screan mausam e garma ka vo lawazim hai jis kay beghair guzarah na mumkin hai. Is mausam kay doran bahir nikalnay say pehlay khasoosan har aik ko kam az kam 15 SPF par mushtamil sun screan istemaal karna chahiye. Isay ghar say bahir janay say 15-20minute qabal lagayein takeh yeh pehlay say aap ki jild mein jazb hokar apna kaam shuru kar sakay lekin chun keh ziadah tar sun screan kuch ghanton kay baad apna asar kho detay hain is liye har chand ghantay baad isay dobarah istemaal karnay ka mashwarah dia jata hai.

Blotting Paper

Jild kay ghair zaroori roghan say pak rakhnay ke liye blotting paper aap ki beauty cut ka lazmi hissah hain kiun keh yeh kaghaz apni jazbiyat ki bina par chehray ki izafi chiknayi aur pasinah saaf kar kay isay ghair chamakdar rakhnay mein muawin sabit hotay hain. Iskay elawah aap ka make up bhi apni jagah rah kar pheilnay say bacha rehta hai.

Foot Scrub

Yeh khoobsurat aur nazuk fiton wali sandals pehannay ka mausam hai. Lehaza kisi tqreeb ya mail mulaqaat kay moqa par eriyon aur talway ki ghurduri aur kharab jild aap ka sara tasur mand kar skti hai. Is kay liye foot scrub behtareen hal hain. In ki madad say aap khushk aur khurduri jild utar kar apnay pairon ko narm o mulaim aur humwar bana skti hain. Khushboodar tazgi ka ahsaas iskay elawah hai.

Moisturizer

Mausam ki tbdili ka matlab lazmi tor par moisturizer ki tbdili hai. Garam aur martoob mausam kay doran light weight moisturizer ka intekhab behtareen sabit hota hai kiun keh yeh chamak say mubrra, chehray par tader qaim rehnay walay aur izafi chiknayi ko jazb karnay kay ahal hotay hain. Mazeed yeh keh in mein suraj ki muzir shuyain say tahaffuz bakhshnay ki salahiyut badarjah atum mojood hoti hai.

Beauty and Fashion  
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved