world136
Home >> Beauty and Fashion >>Weight Loss in Urdu
 
Article
Beauty and Fashion
Biography
Bollywood
Celebrity
General Knowledge
Health Care
Horoscope
Islam
Jokes
Milli Naghmay
Poetry
Totkay
Recipes
 

 

Weight Loss in Urdu

There is no way to lose weight except dieting and exercises. You should take a balance diet and take exercise once or twice in a week. Sleep little. Do act these formula you can looks smart and beautiful. Balanced diet along with an effective exercise can help reduce excess fat. Boosting your metabolism helps your burn excess fat stores. A 30 minutes walk at maximum pace in the morning and 20 minutes walk at moderate pace in the evening is recommended. For breakfast, a bowl of corn flakes with skimmed milk is sufficient. For main meals, some whole wheat product and vegetable curry along with fresh vegetable salad will be enough. For snacks, pop corn with honey is recommended. All kinds of sweet dishes and soft drinks are totally banned.

In this page we will discuss about some tips of weight lose in home tips, wazan kam karnay ka tarika, Beauty Tips for Weight Loss, weight loss diet, how to lose weight, tips in hindi, motapay ka ilaj, beauty tips for weight loss in urdu and Hindi.

Wazan Kam Karne Ka Tareeqa(Tarika)

Wazan km krne ke liye buhat se nuskhe istemaal kiye jate hain maslan nehar munh neem garam pani mein lemon daal kar pi lena, kalonji phank li jaye ya garam sehad pi lia jaye waghira waghira. Dar asal is qisam ke nuskhe wqti tor par faida dete hain aur is faide ki noiyat jo kisi had tk nfsiyati bhi hoti hai, in se na hi charbi pikhalne mein madad milti hai na hi Muscles ki koi wrzish ho pati hai, aksar is qisam ke noskhon se aantein aur medah mutasir ho jata hai ya kisi qisam ki allergy ka andesha hota hai, wazan km karne ke liye ghiza mein ahtiyat aur warzish ka sahara lein takeh wazan ki kami sehat mand tarike par ho aur is ke der pa asraat bhi hon.

weight loss

Boqraat ka qol hai keh "zaroorat se ziada ghiza amraz paida karti hai. "Diet cantrol yani ghiza par qaaboo ke zarye agar aap ne wazan km karne ka program mokammal kar lia to aap khood apne andar aik nayi shakhsiyat payein gi. jo sehat mand bhi hogi aur chaq o choband bhi.

Diet chart par amal karne ke liye chand ahum baton ka zehan mein rakhna zaroori hai. Maslan yeh keh diet plan mein di gayi ghizaon ke elawa kisi bhi qisam ki ghiza aap key liye bilkul mamnu hai aur aap ko yeh ahtiyat is andaz se sakhti aur zummah dari ke sath karni hai keh diet plan ke doran ghizayi chart se hat kar aik sonf ka dana bhi na lein, rozana tqreeban 15 glass pani piyein aur koshish karein keh pani sada ho kiun keh thanda pani jism mein charbi pighalne ke amal ko sust karta hai, raat ka khana sone se km az km 3 ghante qabal khayein ta keh sone par tbyat bhari na ho aur khana hazam hone ke marahil mein dakhil ho chuka ho, rozana km az km 20 minute chehal qdam bhi karein, raat ke khane ke baad chehal qdmi aik ghalat tariqa warzish hai kiun keh khana khane ke baad jism ke nizam hazmah ko khoon ki zaroorat hoti hai jbkeh chahal qdmi ke doran khoon dil ki janib rawan hota hai, behtar hai keh is qisam ki warzishon se qabal mahirana raye hasil kar li jaye, aam warzishon ke liye sahi waqt ka taiyun kia jata hai, tahum din mein kisi bhi waqt warzish ki ja skti hai. Basharte keh khana khaye huye 3, 4 ghante guzar chuke hon, aik ghizayi chart aap ke liye darj ki jaraha hai jis par puri tarah aur mokammal tor par amal kar ke aap buhat jald fazil charbi se nijaat hasil kar skti hai.

Days Nashta (pura haftah yaksan) Dopehar ka khana Raat ka khana(pura hfta)
Monday 1/2 chakootra, aik dabal roti ka tukra, tea ya coffee beghair chini. fruit, slalad, munasib mqdar (mango, banana, grapes se parhez) 1 pao machli ya murghi, hari salad ke sath (machli ya murghi ka istemaal sirf boil ya aag par senk kar karein, chiknayi bilkul istemaal na karein).
Tuesday
" "
2 boil egg, bread slice 1 piece
" "
Wednesday
" "
1 pao palak boil khayein.
" "
Thursday
" "
1 pao milk ki pannier ya bazar se dsteyaab isi mqdar ka cheez
" "
Friday
" "
fruit salad
" "
Saturday
" "
1 pao machli, 1 salad ka pyala (patte)
" "
Sunday
" "
2 boils egg, 3 tomatos, 2 salad patte
raat ka khana(pura hfta)
" "

Tea ya coffee ka istemaal din mein do martaba ki ja skte hai lekin doodh balayi se paak aur shkkar ki jagah sweetener istemaal karein.

Ghiza mein par heiz ke elawa warzish bhi wazan ghatane ka acha zariya hai. Agar aap kitchen mein sara din kaam kaaj mein msroof rehti hain to is mafrooze mein na rahein keh aap ki warzish ho chuki, aap sara din sirf khari rahein ya bistar par soti rahein , barabar harare zaya hote hain yani donon kamon mein Calories ka istemaal yaksan hai is liye aksar kitchen ke kaam ke sath sath bartan dhoyein, jharo dein, zameen dhone aur kapre se saman saaf karne jaise kaam bhi to behtar hai.

Hamare han khawateen warzish ke liye khas tor par waqt nahi nikal patien aur ghiza mein ahtiyat ke zariye ghalat tariqe se wazan km karne ki koshish karti hain jaisa keh dopehar mein khana na khana ya subah ka nashtah chor dena. Aisa karna aap ke msle ko mazeed barha skta hai kiun keh is tarah aap ke jism par soojan aajati hai. Ya jism pani banane ke amal ko tez kar deta hai. 3 wqt mokammal ghiza lena buhat zaroori hai. Albattah chiknayi mithayi waghira se parhez ikhtiyar karna munsib hai, agar aap ghee ya muraghhan ghiza ko achi ghiza samjhti hain to yeh bhi ghalat hai, achi ghiza se murad hai aisi ghizayein hain jo sehat ke liye muzir asraat se paak hon, mslan doodh, phal, taza sabziyan aur ghosht mein murghi ya samndri gosht (hfte mein sirf do martaba) phalon ke juice aur doodh ki mqdar barha dene se aap khod mehsoos karein gi keh aap andarooni tor par kisi qdar sehat mand aur chaq o choband ho chuki hain. Butter, mithayi aur muraghan ashya ya bakery ka saman tbyat mein susti paida karta hai aur aap warzish se door bhagne lgti hain.

Wazan kam karne ke aasan gur

1-plate mein bar bar kahna na lein
2-newale chote lein.
3-drmiyan mein kuch khayein to sirf fruit lein.
4-khood ko msroof rakhein aur ghiza ke bare mein na sochein.
5-ziadah resha wali khorak lein is se pait bharta hai.
6-apni psand ki ashya fridge mein jama na karein.

Motapa Kam Karne ka Tarika in Hindi

Jadeed dor mein motapa na sirf zehmat banta jaraha hai balkeh jism kay khad-o-khal pur kashish nahi rehtay aur aap ki shakhsiyat jazib e nazar bannay ki bajaye mazah ka nishanah ban jati hai. Yahi wajah hai keh motay mard-o-zan ko apna wazan (weight) kam karnay ki fikar daman geer hoti hai. Tamam tibbi mahereen ka is baat par ittefaq hai keh sirf warzish(exercise) say hi motape ko control nahi kia ja sakta balkeh apnay khanay ki item aur is mein tabdilyan zaroori hain. Is silsilah mein doctors ka kehna hai keh

Diet Plan for Weight Loss in Urdu

  • Chawalon ka istemaal kam ki jaye.
  • Salad ko khorak ka jazu banaya jaye.
  • Fry khanay say ijtanab barta jaye.
  • Mithayi(Sweets), ice cream ka chaska bhi aap ko mota kar sakta hai.
  • High blood pressure ki surat mein aap 10% tak blood pressure ko control kar lete hain to aap ki kayi bimaaryon say nijat hasil kar saktay hain.
  • Nampak(salt) ka istemaal kam kia jaye.
  • Cake aur chips bhi istemaal na karein.
  • Fruit, vegetable aur dalein khayein.
    Aap ko chahiye keh aik chart banayein aur is mein har roz baqaidgi say apna wazan (weight) likhein is kay elawah din bhar jo khati hain woh likhti jayein.
  • Kisi friends ko khorak kay zariye aap say muhabbat zahir karnay ki ijazat na dein.
  • Wazan(weight) karnay ki machine sarhanay kay pas rakye takeh is ko roz deikh sakein.
  • Apnay wazan kay hadaf ko ahistah ahishtah tabdeel karein.
  • Maslan 40 ponds ghatana ho to pehlay 10 pond hadaf baniye aur aahistah aahistah is mein izafah karti jayein.
  • Rozanah 8 once walay 8 glass sadah pani pijye.
  • Jab aap pareshan ho to khanay ki bajaye warzish ya garam bath lijye yani garam pani say naha lijye takeh aap relax kar sakein.
  • Calories ka har waqt dheyan rakhye har khanay wali cheez mein chini ki moqdar par hameshah dheyan rakhaien.
  • Fish aur chicken ka gosht khaya kijye.
  • Wazan barhanay aur ghatanay mein waqt darker hai lehaza sabar o tahmmul say kan lein.
  • Jab dieting ka iradah karein to koshish ka lafz istemaal karnay ki bajaye mein zaroor karungi par amal karein.
  • Khanay mein waqt ki pabandi kijye. Rozanah waqt par khana lijye. Yeh nahi keh nashtah chor dein lunch bhi nah karein aur phir raat ko sari kasar poori kar dein.
  • Cafeen walay mashroob say ijtenab kijye.
  • Parti mein janay say pehlay aaram karein aur khana hameshah aahishtah aahistah khaye. Kam az kam 20 minute mein khana khatam kijye.
  • Namkeen (salty) khanay ziadah mat khayein kiun keh yeh ziadh moqdar mein kha liye jatay hain.
  • Aisay khanon say par haiz karein jin kay sath ketchup waghairah khana parein kiun keh mukhtalif qisam ki ketchup mein makhan , namak chini, maidah waghairah shamil kia hota hia jis ki wajah say in mein ziadh calories payi jati hain.
  • Jab aap ko bhook lagi ho to aisi jagah mat jayein jahan khanay pinay ki cheezein farokht ho rahi hon.
  • Motay hazrat ko baqaidgi say apna moyainah karana chahiye kiun keh mota pa banjh pan say bhi do char kar sakta hai. Rozanah 45 say 60 minute tak tezi say chehal qadmi mota pay say nijat ka bais ban sakti hai.
  • In tamam ahum baton kay sath warzish na sirf aap ko wazan (weight) ko kam karay gi balkeh blood pressure ko bhi control kar sakti hai.
  • Banjh pan say bachnay kay liye motapa control karein motapay ki surat mein aurat maan bannay say bhi mehroom ho jati hai is liye is kay liye apnay wazan (weight) ko control karna hota hai kiun keh mashrqi muashray mein aulaad na honay par shadi kay bandhan toot jatay hain

Ghar ke kamon se thora buhat waqt nikal kar khood par tawajjah dein aur mandar jaha bala tariqon se motape ko door karne ki koshish karein to buhat jald apne andar aik khush gawar tbdili mehsoos karein gi.

Tags: wazan kam karne ka tarika, wazan kam karne ka totka, weight loss tips in urdu, weight loss karne ke tarike, Weight Loss in Urdu, Wazan Kam Karne Ka Tareeqa(Tarika), Motapa Kam Karne ka Tarika in Hindi, Diet Plan for Weight Loss in Urdu

 

Eyes Care Tips
Eye Care Tips
Shining and Attractive Eyes
Care of Leg
Care of Arms and Elbow
Craked Leg Skin
Hands and Nails Care
Weight Loss Tips in Home
Weight Loss
How to Increase Height 
Beauty Tips For Weight Loss
 

counter for tumblr

@Copy Rights 2011 world136.com All Rights Reserved