World136 Logo  
Home >> Beauty and Fashion >>Shoes Fashion Tips

Shoes Fashion Tips

Shoes protect and care is essential. First, the fancy shoes and sandals protect from the sun and water as possible. After using shoes clean them with muslin cloth. Do not ever clean the shoes with wet cloth. After the use of shoes and sandals, put into transparent plastic and put into a shoes box. Protect from the sun and dust around. Thus, to use every time you will find new shoes. This should take care that the shoes you wear tight or swollen legs feel tired and give up use of these shoes because that shoes are good which are comfortable for you. In this page you can find shoes in pakistan, shoes for girls, shoes design and shoes fashion tips.

Shoes in Pakistan

Yeh haqiqat hai keh lebaas key rung aap ki shakhsiyat ko numayan karte hain to shoes, sandle bhi aap ki shakhsiyat key bare mein baat karte hain. Bhala yeh kaise mumkin hai keh aap kisi taqreeb mein mehnga tareen lebaas zeb tan karein aur achi si jewelries bhi pehnein phir lebas key rung ki munasbat se make up bhi karein leekin is baat ko nazar andaz kar dein keh shoes ya sandal kaisi pehni hai? yeh haqiqat hai keh aap chahe jitna bhi achcha lebas pehnein lekin agar shoes key muamle mein aap ka intekhab ghalat hai to aap ki poori taiyari raigan gayi, yahi nahi logon par bhi aap ka tasur kuch acha nahi pare ga. Kia aap jante hain, aise log jo doosron ki shakhsiyat ka jaizah lene key mahir hon woh sab se pehle naye shakhs ka tayaruf lete waqt iske peron aur shoes key intekhab ka jaizah lete hain. Aur foran koi na koi raye qayem karte hain.
Flate Shoes:  
flate shoes
Pumps yeh shoes flate aur aaram dah hote hain. Yeh aise afrad in shoes ko psand karte hain jo pur sakoon rehna psand karte hon, practical hon, waqt key sath khood mein lachak lane ki salahiyat rakhte hon.

Yeh shoes Jo aaj kal pomps bhi kehlate hain apne design aur aaram dah hone key bais har khas o aam mein mqbool hain. Ise jeans, trouser key sath pehna jaye to yeh buhat ache lagte hain, woh khawateen aru larkiyan jo mulazmat peshah hain ya parhti hain in shoes ka istemaal aasani se kar sakti hain. Is key elawah picnic par friends ya family key sath bahir lunch par jana ho ya phir aakhri lemhat mein aap ko meeting ki call aajaye to aise mein ye aaram dah shoes aapa buhat sath dein gay.
Cotton Heel Shoes:  
Yeh shoes jo kam heel ka hota hai ise pasand karne wali khawateen rawayat psand aur qadamat psand hoti hain jo commitment kar lein ise poora karti hain.

Yeh shoes group trouser, pant aur office soot key sath ache lagte hain. Yeh bhi aaram dah shoes hain is liye working women key liye be had mozon hain khaas kar in khawateen key liye jinhein public dealing karni ho lekin ise choti shirt aur tung trouser key sath nahi pehna ja sakta woh log jo office mein chalte phirte ziadah hon in key liye yeh shoes mozon tareen hain.
High Heel Shoes:  
high heel shoes

Yeh shoes har khawateen mein khasa maqbool hai. Dunya bhar mein high heel key shoes ki selling sab se ziadah tasawwar ki jati hai.

Ise psand karne wali khawateen fashionable pur josh aur chak o choband nazar aai hain.

Ise har umer ki khawateen pehan sakti hain lekin har jagah phenna munasib nahi khas kar agar aap public transport istemal karti hain to high heel pehanne se gureiz kijye. Is ko pehnne key baad chal ko motwazan rkhna parta hai. Shuru se ise istemal karne wale ba aasani pehan sakte hain ise smart khawateen istemal kar sakti hain. Ise party dress key sath pehna ja sakta hai. Bare paimane par hone wali meeting dinner ya phir shadi ki tqreebat key liye bhi yeh mozon hain.
Bright Color Shoes:  

Aise shoes jin key color buhat shokh (bright) hon.Inhein psand karne wali khawateen muhim jo pur asrar aur tajurbe karne wali shakhsiyat ki malik hoti hain. Yeh shoes sirf hum rung lebas key sath

pehne ja skte hain. Lekin black color key sath bhi yeh jachte hain. Yeh shoes fur, velvet aur cloth key bane huye bhi milte hain. Garmiyon mein white color jabkeh sardiyon mein purple, blue aur orange shoes aapke peron ki shan barha dein gay. Is key sath key rung ka lebas aur jewelry ka istemal aap ki shkhsiyat ko aur bhi numayan kare ga.
Pattern Shoes:  
Pattern shoes se murad aise shoes hain jin par koi print ho ya aik se zaid color ka istemaal hon. Amooman yeh skinning skin ya animal ki dharyon par mabni shoes hote hain.Kuch shoes par flower bhi bane hote hain.

Aise shoes psand karne wali khaateen intehayi joshisli aur inteha psand samjhi jati hain. Yeh aise lebas mein pehne jate hain jin par design bane hon aisi dreses jin par flowers print ya animal skin print hon, block print aur natural colors key deress key sath in shoes ki perfect maching kar key hi pehna ja sakta hai aise shoes amooman aam istemal key liye nahi hote fashion industry se talluq rakhne wali khawateen inhein istemaal karti hain phir bhi aap ise kapron ki maching kar key istemaa kar sakti hain.Is baat ka lazmi kheyal rakhte keh jo shoes aap ko tight ho ya is key pehnne se peron mein soojan aur thakawat ka ahsas ho aise shoes ka istemaal foran chor dein kiun keh shoes wahi ache hote hain jo peron ko aaram dein.

Beauty and Fashion  
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr
@Copy Rights 2011 world136.com All Rights Reserved