World136 Logo  
Home>> Biography >>Asma Jahangir

Asma Jahangir

Asma Jahangir was born on 27 January 1952, into a prosperous and politically active family. Her father, Malik Ghulam Jilani, was a civil servant. Her mother, educated at a co-ed college. She has 1 son and 2 daughters. She completed her B.A from Kinnaird College. After then she receive law degree in 1978 from Punjab University. She also holds an honorary doctorate from University of St. Gallen in Switzerland, Queens University, Canada and Cornell University. Asma Jahangir is a Pakistani lawyer. She is a founding member of the Human Rights Commission of Pakistan. She is a former President of the Supreme Court Bar Association of Pakistan. Asma Jahangir receive several awards including Martin Ennals Award for Human Rights Defenders, the UNESCO/Bilbao Prize for the Promotion of a Culture of Human Rights and was awarded an Officier de la Légion d'honneur by France in 1995. Freedom Award, Hilal-i-Imtiaz, Sitara-i-Imtiaz, Ramon Magsaysay Award received in 2010 and Right Livelihood Award received in 2014. You can read in this page asma jahangir education, asma jahangir award, asma jahangir biography, asma jahangir biography in urdu, asma jahangir in urdu, asma jahangir in pakistan, asma jahangir son, asma jahangir father, asma jahangir family, asma jahangir history, asma jahangir life history.

Asma Jahangir Biography

Mohtarmah Benazir Bhutto kay baad jo khatoon bahir ki dunya kay liye aik roshan kheyal aur taraqqi pasand Pakistan ki alamat hain, vo Asma Jahangir hain. Yeh farq albattah ahum hain keh Asma Jahangir na to koi siasi rehnuma hain aur na hi vo iqtedar ki misand par kabhi baithi hain.
asma jahangir in urdu

Vo apni zaat mein aik anjuman bhi hain aur aik tehreek bhi. Jb bhi hum insani haqooq kay liye ki jane wali jaddo jehad ka ziakar karte hain to zehan kay parde par aik aisi khatoon ki tasweer ubharti hai, jo rob o dabdabe se ziadah sadgi aur khaloos ki akkasi karti hain. Na vo daraz qad hain aur na in ki shakhsiyat mein koi aisa glummer hai keh log inhein mur mur kar dekhein lekin aik neem tareek aur samaji na insafi se maamoor muaashre mein in ki jaddo jehad umeed ki shama ki tarah numayan hai.

Asma Jahangir 27 January 1952 ko Lahore mein paida huyin, inhon ne Kinnaird College se graduation karne ke baad Punjab University Law College se 1978 mein qanoon ki degree hasil ki , baad azan Switzerland ki University of St. Gallen ki janib se inhein doctorate ki aaizazi degree bhi ata ki gayi. Woh shadi shudah hain aur in ka aik beta aur do betiyan hain.

Asma Jahangir ki zinagi ki kahani inhein apne tbqe ki doosri khawateen se alag karti hai. Asma jahangeer Lahore kay aik prhe likhe, muazziz gharane mein paida huyein. Zulm aur jabirana nizam kay khelaf sar kashi ka mizaj inhein wirse mein mila. In kay walid Malik Ghualm jilani ne government service se retired hone kay baad aik siasi karkun ki haisyat se jamhoori iqdar kay liye ehtejaj ka rastah ikhtiyar kia. Mashraqi Pakistan mein foj kay hathon hone wali (mubaiyana) ziadtiyon kay khelaf ehtejaj karne kay jurm mein inhein giraftar kar lia gia. Apne walid ki rehayi kay liye Asma ne jo is waqt Asma Jilani thin, jo mqaddama dair kia, is ka faislah Pakistan ki tareekh mein aik sang mail ka drjah rakhta hai . Ise hum Asma Jilani case ke naam se jante hain aur agar Asma Jahangir apni bqyah zindagi mein koi aur karnama anjam na deti’n tb bhi in ka hawalah kitabon mein mojood rehta.

1980 mein inhon ne apni behan Hina Jilani ke jo khood bhi insani haqooq ki aik sar garam khatoon hain, muashre ki satayi huyi khawateen ki muft qanooni imdaad ke liye aik tnzeem ki bnyaad rakhi. Is tnzeem mein doosri khatoon wokla aur samaji karkunan bhi shamil hain. Is tnzeem ke tehat “Dstak” ke naam se insaf ki talib aurton aur bachon ke liye aik panah gah bhi qaim ki gayi. Asma Jahangir ka aik khasoosi rishta insane haqooq ke Pakistani commission ke sath qaim hai, yeh ghair sarkari tnzeem 1987 mein qaim ki gayi, Asma Jahangir is ke bani arkan mein shamil thin aur ab vo is ki ruh o rawan hain aur is ki sarbarahi bhi karti rahi hain. Yeh commission Pakistan mein insani haqooq ke liye aawaz uthane wali aisi tnzeem hai, jise apne kaam aur aaitbar ki bunyaad par na sirf mulk balkeh dunya mein qdar ki nigahon se dekha jata hai. Insani haqooq ka dafa karne wali moqtadar shakhsiyat is commission mein raza karana haisyat mein shamil hain mulk mein insani haqooq ki surat haal par is ke jaize aur salana reports ko ahmiyat di jati hai

Asma Jahangir ki khidmaat ka na sirf mulki balkeh aalmi satah par bhi aitraaf kia jata raha hai. Yahi wajah hai keh inhein milne wale aaizaaazt ki fehrist khaasi taweel hai. 2010 mein hokomat Pakistan ne inhein hilal imtiaz se nawaza . International level par bhi woh Martin Ennals Award ( haqooq insani), Ramon Magsaysay Award (public service), Leo Eitinger Award (Haqooq insani) hasil kar chuki hain. Asma Jahangir August 2004 se July 2010 tk aqwam e mutahda ki khasoosi mandoob baraye mazhabi aazadi rahin jabkeh is se pehle woh mawraye qaanoon halakaton ke hawale se bhi aqwam e mutahda ki Special Reporter rah chuki thin.

Asma Jahangir ka shumar in khush qisamt afrad mein hota hai, jo jis maidan mein bhi utre, wahan anmit naqoosh chor gaye. Woh wakalat ke maidan mein utreen to na sirf aik wakeel ke tor par naam kamaya balkeh wokla siasat mein bhi sargaram rahin aur supreme court bar association ki sadar ke mansab tak ja punchi, haqooq insani ke tahaffuz ki jado jehad mein shamil huyi to human rights commission of Pakistan ki shareek baani ka aaizaz paya. Inhon ne jis shobe ko bhi apnaya, is ki choti tak punchein.

Asma Jahangir ke baaz kheyalat aur nazaryaat se ikhtelaaf yaqinan kia ja skta hai, in ke kuch bayanaat aur iqdamat ko motnaza samjha jata hai lekin in tamam baton ke bawajood yeh manna hoga keh yeh khtoon apni dhun ki pakki aur apne mission ke sath mukhlis hain. Inhon ne apne liye jo rastah awail umer mein chuna tha, aaj bhi isi par mahoo safar hain. Apne mqsad aur mission ke sath jaisa commitment in ka hai, woh in dinon zara kam hi dekhayi deta hai. Is raaste mein pesh aane wali tamam mushkilaat ka moqablah inhon ne mardana war kia hai aur jbar ke samne kabhi sar tsleem kham nahi kia, is lehaz se woh bila shubah khatoon aahan kehlaye jane ki mustahaq hain. 60 saal ki umer mein bhi asma ka azam pehle ki tarah jawan hai, in ki jad o jehad jari hai.

Biography
Quaid e Azam Muhammad Ali Jinah
Benazir Bhutto
Nawaz Sharif
Altaf Husain
Yousaf Raza Gillani
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved