World136 Logo  
Home>> Biography >>Josh Malihabadi

Josh Malihabadi

Josh Malihabadi was a Pakistani Poet born United Provinces, British India 5 December 1894. He was started early education from Sitapur Hussainabad high school. He enrolled MAO College Ali Gharh in 1913. One year later he went to Saint Peter's College Agra. In 1907, only 11-year-old said he was the first poem. His poetry and publications include
Shola-o-Shabnam , Junoon-o-Hikmat, Fikr-o-Nishaat, Sunbal-o-Salaasal, Harf-o-Hikaayat, Sarod-o-Kharosh, Irfaniyat-e-Josh and Yaadon ki baraat (autobiography).

You can read josh malihabadi poetry, josh malihabadi poetry in urdu, josh malihabadi biography, josh malihabadi family, josh malihabadi ghazal, josh malihabadi books in Urdu and Hindi.

Josh M alihabadi Biography

josh malihabadi
Josh Malihabadi ko shair shabab bhi kaha jata hai aur shair inqlab bhi. In ka shumar biswin sadi ke akabir shura mein kia jata hai.
Josh 5 December 1896 mein paida huye, in ka asal naam Shabbir Hasan Khan rakha gia .
josh malihabadi poetry
Ibtedai takhallus “Shabbir” tha magar baad mein “Josh” rakah lia. 1907 mein yani 11 saal ki umer mein inhon ne pehla sheir kaha tha. Ibtdai taleem Sitapur Hussainabad high school se hasil ki. 1913 mein MAO College Ali Gharh mein dakhlah lia, aik saal baad 1914 mein Saint Peter's College Agra chale gaye. 1918 mein Shantiniketan se taleemi silsilah jora taleem ke sath sath sheir o sakhan ki aabyari bhi jari rahi. Pehla majmua kalam “Rooh e Adab” ke naam se 1921 mein shaya hua. Fikar ki aazad, husn e takhayul aur lutf goyi in ke kalam ki wo kahsoosyaat hain, jinhon ne jald hi in ki shairi ko qubooliyat e aam ka darjah de dia.

Is zamane mein Hyderabad Deccan Hindustan ke mashoor ulma shura ka markaz bn raha tha, us sehat mand ilmi fiza ne Josh ko bhi apni taraf kheinch lia. Wahan 1924 tk Osmania University ke darul tasneef o tarjuma ” mein mulazmat ki aur wahan apne qeyam ke doran sher o sakahan ke maidan mein bhi khoob daad o tehseen smaette rahe. Josh ke is dor ke kalam mein in ki tarz e zindagi aur fikr ki ranaiyon ka aks milta hai. Yeh Josh ke ghanai naghmon aur kaif o msti ka dor shabab tha. Phir Josh, Hydrabad Deccan chor kar Dehli aagaye, jahan se inhon ne apne risale kaleem ka ijra kia. Mulazmat ki bandishion se aazadi ne in ki fikri parwaz ko tez kia aur in ki shairi ne goya naya janam lia. Josh ka mizaj roz e awal se baghyanah aur inqlabi tha inhon ne taraqqi psand mussannfeen ke sath amli tor par kaam karna shuru kar dia. Doosri jung e azeem ke doran josh ne apni nzmon , rubaiyat aur qataat mein jabir hukmaran ke khilaf baghawat ka par cham buland kia.

Rozi kamane ke liye josh ko kabhi Mumbai kabhi Poona aur kabhi Lucknow ya Kalkatte ki bhi khak channi pari. 1943-1948 tk wo Shalimar pictures, Poona se bhi wabistah rahe. 1949 se 1955 tk risalah Aajkal aur Basat e Aalum ki adarat ke faraiz anjam diye balaakhir 1955 mein Hindustan ko kheir baad keh kar Pakistan chalay aaye magar yahan in ke nazaryaat aur kheyalat ko ziadah pazeerai na mili. Josh ne taweel arse tk angrezon se pnjah laraya tha magar apne hi logon ke tassubaat se larna in ke bs ki baat nahi thi, inhon ne kum o besh 58 saal ki umer mein Pakistan hijrat ki thi. Josh ke Pakistan aate hi Hindustan ne in par ghaddari ka label laga dia tha aur Pakistan mein aik halqay ne yeh aawaz uthai keh Josh ne isi mulk mein panah dhoondi jis ke qeyam ke wo mukhalif the.

Josh Maliabadi ne adab ki jis sanaf mein qadam rakaha , apni azmat ka loha mnwaya. Shairi mein apni rubaiyat se degar shoraa ko itna mutasir kia keh kuch hum asar bare shair bhi rubai ki tarf mail ho gaye. Josh mein ghazal goi ka bhi bara saliqah tha. In ki ibtedai shairi mein ghazal ka clasicy hussn badarjah atam mojood hai tahum baad mein inhon ne nazam ko apna khas maidan bana lia tha. Inhon ne marsiyah nigari bhi aik khas jazbe aur fikar ke sath ki, jis ka mqsad mar tabe mein tbdili lana tha. Is se qabal marsiyah nigari mein mehaz matmi fiza ko qaim rakha jata tha. Josh ne apni marsiyah nigari ka mqsad soye huye logon ko bedar karna qarar dia. Inhon ne jadeed marsiye ko jo maaniyat di , is ki jhalak kisi aur shair ke han dekhai nahi deti . Josh ne nasar ke maidan mein qadam rakha to yadon ki barat likh kar adbi dunya mein thehalkah macha dia.

1947 tk Josh ke 16 shairi majmuye chap chuke the jin mein “shola o shabnam, shair ki raatein, fikar nishat, saif o sboo, junoon o hikmat, Harf-o-Hikaayat, arsh o farsh” waghirah shamil hain. Pakistan aane ke baad jo mjmooye manzar aam par aaye , in ki tadd 5 hai jin mein “tulu fikar, mojado mizraab, alham o afkar, najoom o jawair , mehrab o mazraab” shamil hain. In ki aakhri majmoa kalam mehrab o mazraab jung publisher ne 1993 mein shaya kia tha. Josh ke nasri majmooyon mein “moqalat zareein” “isharat” aur khood nosht sawanah umeri “yadon ki barat” shamil hain. Mutnaza hone ke bawajood “yadon ki barat” ki tareekhi adbi, siasi aur sawanahi haisyat apni jagah musllamah hai.

Josh ka nikah 1907 mein kmsni mein hi ho gia tha, rukhsati bawjoo 1916 mein amal mein aayi. Josh ne apni begum Ashraf Jahan ki burdbari, salika shuari aur muamlah fehmi ka barmala aitraf apni sawanah umeri mein kia hai. Josh ke romani aur bilanoshi ke mashaghil ne in ki azdawaji zindagi ko kabhi mutasir na kia. In ke do bache the, bête ka naam Sajjad, Hyder aur beti ka Saeedah Khatoon rakha gia. Josh bilaakhir 22 February 1992 ko Islamabad ke shehar khomoshan mein chup ki chadar urh kar abdi neend so gaye.

Quaid e Azam Muhammad Ali Jinah
Benazir Bhutto
Nawaz Sharif
Altaf Husain
Yousaf Raza Gillani
Pervez Musharraf
Pir Pagara
Imran Khan
Fahmida Mirza
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved