World136 Logo  
Home>> Biography >>Altaf Hussain

Altaf Hussain

The Founder and Leader of Muttahida Quami Movement (MQM) Mr Altaf Hussain was born in Karachi on 17 September 1953. his father Nazir Hussain was a station master in Indian Railsways and mother Khurshed Begum (d. 1985) both belonged to Agra, after partition his parents were immigrants from India. he founded All Pakistan Muhajir Students Organisation (APMSO) in June 11, 1978. Altaf Hussain is currently in exile at London.

Muttahida Qaumi Movement (MQM):

Muttahida Qaumi Movement ke Qaid Altaf Hussain 17 September 1953 ko Karachi mein paida huye. In ke walid ka naam Nazeer Hussain ka talluq Agra se tha aur woh tqseem ke baad Pakistan muntaqil hue. Altaf Hussain ne apni ibtadayi taleem Government School se hasil ki. Inhon ne jamia Karachi ke shoba pharmacy se 1979 mein Graduation ki sanad hasil ki. Altaf Hussain ki siasi zindagi ka
altaf hussain
aaghaz Jamia Karachi se hua, jahan woh aur in ke sathi talib ilm Azeem Tariq ne mil kar all Pakistan muajir students Organization (APMSO) ki bunyad rakhi.

1978 mein tashkeel di jane wali is tanzeem ne mukhtasar arse mein nehayat mqbullyat hasil karli. Agar che 1980 tak yeh Jamia Karachi mein umda kar kardagi ka muzahira na kar saki ta hum 1981 mein munaqada tulba tanzimon ke intekhabat mein (APMSO) ne dugne vote hasil kiye, jis ka sabab Zia Mukhalif United Student movement ka in ke sath ishtirak amal tha. Is doran (APMSO) ko jamat e islami ke tulba wing islami jamiyat tulbah ki shadeed muzahimat o mukhalfat ka bhi samna raha. Inhein Bangladesh mein mehsoor Pakistaniyon ko Pakistan lane ke haq mein muzahira karne par giraftar kia gia.

1984 mein Altaf ne mohajir qaumi movement ko bator siasi jamyat is ke Quaid Altaf Hussain ne 1986 mein Karachi ke Nishtar Park mein munaqada aik jalsah aam mein mutaruf karaya. MQM nehayat tezi se Karachi aur andaroon sindh Ke shehri elaqon mein mqbool huyi. (MQM) nehayat tezi se Karachi aur andaroon sindh Ke shehri ilaqon mein mqbool huyi. MQM ne 1987 Ke baldiyati intekhabat mein tareekhi kaamyabi hasil kar ke siasi tjziya karon ko hairan kar dia. Baad azan 1988 ke intekhabat mein MQM Sindh ke shehri ilaqon mein mokammal kaam yabi hasil ki aur sube ki tisri sab se bari siasi jamayat ban kar ubhri . MQM ne Pakistan people’s party ke sath muahidah kia aur hokumat mein shamil ho gayi aur 1989 mein MQM ne hokumati ittehad se alihdgi ikhtiyar karli.

1990 ke aam intekhabat mein MQM aik bar phir sube ki tisri sab se bari siasi jamayat bn kar samne aayi. Is martaba is ne is wqt ki sab se bari jamayat Muslim League (N) ke sath ittehad kia. Makhloot hokumat ki yeh sharakat dari 1992 mein toot gayi. Pakistan People’s Party ho ya Pakistan Muslim League (N), Altaf Hussain aur MQM ki himayat khatam hone ke baad donon ki hokumatein khatam hone ke dahane tak puhanch chuki thi. Altaf hussain ki jamayat ne 1993 mein bator ahtijaaj Qsumi assembly ke intekhabat ka boycott kia tahum subai assembly ke intekhabat mein hissa lene par raza mand hogayi. Jis ke natije mein woh Karachi ki taqat war jamayat bn kar samne aayi.

1997 meinjamayat ka naam muahir qaumi movement se badal kar muttahida qaumi movement rakh dia gia.

1990 mein MQM ne Benazir dor hokumat mein badtareen riyasti operation ka samna kia . Apne kar kunan ke israr par Altaf Hussain London chale gaye aur jila watni ikhtiyar kar li. Kaha yeh gia keh Karachi operation, dehshat gardon aur jaraim peshah afrad ke khelaf hai ta hum MQM ke khelaf nehayat sakht karwaiyan ki gayi jis ke bais Karachi qanoon nafiz karne wale adaron aur MQM Ke drmiyan muhaz jung ki surat ikhtiyar kar gia. Is pur-tashaddud dor mein khood Altaf Hussin ke bare bhayii Nasir Hussain aur bhatije Arif Hussin bhi qatal huye.

London mein jila watan rah kar Karachi se apni jamayat ko control karne wale Quaid ka kehna hai keh agar inhein aane wale intekha mein moqa mila to woh Pakistan ko musawat par mabni nizam dein gay. Woh yeh bhi dawa karte hain keh khawateen ki taqdeer badal dein gay aur Pakistan ke dehi ilaqon mein rehne wali khawateen ki halat behtar banana ke iqdamat karein gay. MQM Ke Quaid baldiyati intekhabat ke inneqad mein hokumat ki nakami par Sindh ki tqseem ka rad e amal zahir karne par bhi khbaron mein chaye rehe. In Ke biyan ko baaz siasi halqon ki janib se tanqeed ka nishanah bhi banaya gia.

December 2012 mein Adliyah ke khelaf baaz kalmat karne par Altaf Hussain ko supreme court ki janib se toheen adalat ka notice bhi jari hua. Baad azan inhon ne aala adliyah se apne kalmat par ghari mashroot muafi mangi jo qabool kar li gayi.

1- Altaf Hussain ko kayi aitbar se Pakistani siasat mein manzar muqam hasil hai.

2- Motawast tabqe fard ki haisyat se in ka numayan siasat dan ke tor par ubhrna

3- Kisi bhi mansab ke intekhab mein khood bator umeed war pesh na hona

4- Taweel jila wtni ke bawajood apni jamayat ki qiadat aur is par mazboot giraft

5- Telephonic khitab ke zariye awam aur karkunan se rabte jaisi khasosyat inhein Pakistani siasat danon mein munfarid moqam ata karti hain.

Tags: altaf hussain history in urdu, biography of altaf hussain in urdu, altaf hussain biography, altaf hussain profile, altaf hussain bio, altaf hussain birth day, altaf hussain life in urdu, mqm history in urdu.

Biography
Shah Mehmood Qureshi
Syed Munawar Hassan
Bilawal Bhutto Zardari
Fazal-ur-Rehman
Chaudhry Shujaat Hussain
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved