World136 Logo  
Home>> Biography >>Pir Pagara in Urdu

Pir Pagara in urdu

Pir Pagara was the spiritual leader of Hurs and president of political party Pakistan Muslim League (F). He was born in Pir Jo Goth, Sindh in 22 November 1928. His father, Syed Sabighatullah Shah Rashdi, was hanged on March 20, 1943, in Hyderabad Central Jail by the colonial government for his struggle against British rule. Pir Pagara spent a major part of his life being actively engaged in Pakistan's politics. He died in 10 January 2012. pir pagara in urdu, history of pir pagaro in urdu, pir pagara biography, pir pagara birthday

History of Pir Pagaro in Urdu

Syed Mardan Shah Mirani Pir Pagara hftum, 22 November 1929 ko pir jo goth mein Hazrat Pir Syed Sibghatullah Shah urf Sorya Badsha kay ghar mein paida huye. In kay walid sheed Sorya Badsha ne angrezon kay khelaf Mutahda Hindustan kay liye taweel jaddo jehad ki aur isi jaddo jehad kay doran inhein 20 March 1943 ko angrezon ne phansi de kar shaheed kar dia.
history of pir pagaro in urdu
Shaheed Sorya ki maiyat bhi in kay wursa kay hawale nahi ki gayi. Sorya badsh kay ahl e khana bhi zbar dast atab ka shikar rahe, Syed Sabghatullah Shah ko phansi dene kay baad angrezon Pir Pagara aur in kay bhayi ko bartanya le gaye, jahan inhon ne taleem hasil ki. Major Davis School Liverpool, bartanyah mein apni poori taleem kay doran pir pagara haqiqatan qaidi bane rahe. Vo bartanya kay khelaf baghawat karne wale khandanon kay 1213 tulbah mein se aik the. Taleem kay naam par angrezon ki qaid kay doran inhein farsi aur latini zubanein sikhayi gayin. Pakistan kay qayam kay baad mulk kay pehle wazeer aazam liaquat Ali Khan ne inhein Pakistan aane ki dawat di, jis kay baad hur jamayat dobarah munazzam huyi aur 4 February 1952 Pir Pagara kay tor par dstar bandi ki gayi. Angrezon kay zamane mein jin logon ne hur jamayat kay khelaf angrezon ka sath dia tha, Pir Pagara ne in se inteqaam lene ki bajaye in kay liye aam muafi ka elan kia.

Gaddi sambhalne kay baad pir pagara ne wafaqi siasat mein hissah lena shuru kar dia aur Pakistani siasat mein aik waqt aisa bhi aaya jb inhein badsha kar kaha jane laga. Pir Pagara ne field marshal Ayub Khan kay Shahdadpur mein hone wale jalsah aam mein pehli martaba khetab kia aur qomi siasat mein dakhil ho gaye.

Yeh jalsah aam Municipal High School Ground Shahdadpur mein munaqad hua tha. Mohtarma Fatmah Jinah ki Ayub Khan kay moqable mein sadarti intekhab mein shikast kay baad Mohtarmah ne Muslim league functional kay qayam ka elan kia aur Pir Pagara ko Muslim league ka sarbarah banane ka elan kia. Inhein Mutahda Muslim League ka pehla sadar bhi namzad kia gia tha.

Pir Pagara Pakistan mein sb se ziada ba asar aur motaram siasi shakhsiyat bhi the. vo mulki siasat kay hawale se ki jane wali apni pesh goiyon ki wajah se bhi mashhoor the. mulk kay senior siasatdan aksar beshtar in se mulaqaat kar kay rehnumayi lete rehte the, lehaza vo sb se ziada rawabit rakhne wale siasadan tasawwar kiye jate the. Peoples party kay bani chairman Zulfiqar Ali Bhutto, Pir Pagara kay gehre dost the lekin jb Bhutto marhoom ne Ayub Khan kay khelaf tehreek shuru ki to Pir Pagara aur Bhutto kay raste ho gaye.

Pir pagara roshan kheyal rujhanat rakhte the. inhon ne 2004 mein pir jo goth mein apne perokaron aur muridon se khetab karte huye inhein tlqeen ki keh vo apne betiyon aur beton ko taleem dilayein, purane rasoom o rawaj se gurez karein aur apni betiyon ki shadi in ki marzi kay khelaf na karein. in mein insanyat ki khidmat karne ka zabar dast islami jazba mojood tha, yahi wajah hai keh in kay muridan in kay liye apni jaan bhi dene kay liye tyar the.

Huron kay ruhani peshwa aur Pakistan Muslim league functional kay sarbarah Syed sha Mardan Shah sani, Pir Pagara Haftum, mangal(Tuesday) 10 January 2012 ko London kay moqami hospital mein 83 saal ki umer mein inteqaal kar gaye. Vo Lungs kay arze mein mubtila the. in kay lawahqeen mein aik bewa, char bête, teen betyan aur mutaddud pote potyan aur nawase nawasiyan shamil hain pir pagara ko 5 January ba-roz jumeraat ilaj kay liye khasoosi air ambulance kay zariye London le jaya gia tha, is se qabal vo tqreeban derh mah tk Karachi kay aik nijji hospital mein zer ilaj rahe the. Pir Pagara kay inteqaal ki khabar milte hi in kay mureedain ki aik bari taadad Karachi mein in ki rehaish gah kangri house puhanch gayi jahan log dharein mar mar kar ro rahe the. In kay inteqaal se Pakistan mein aik munfarid dor e siasat ka khatmah ho gia hai.

Marhoom ki tdfeen in kay aabayi gaon Pir jo Goth mein karne ka elan kia gia. Pir Pagara kay inteqaal ki khabar Khairpur puhanchte hi Pir jo Goth sog mein doob gia aur log gharon se nikal kar drgah ki janib rawana ho gaye. Andaroon e sindh kay mukhtalif shehron aur qsbon mein bhi pir pagara kay inteqaal ki khabar punchi to in kay mutaqadeen gham se nidhal ho gaye.


Biography
Saeed Anwar
Shahid Afridi
MQM in Urdu
Syed Amjad Ali Qadri
Abdul Razzaq
Misbah-ul-Haq
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved