World136 Logo  
Home>> Biography >>Quaid e Azam Biography in Urdu

Quaid e Azam Biography in Urdu

A lawyer, politician, and the founder of Pakistan Muhammad Ali Jinnah was born in 25 December 1876. His father Jinnahbhai Poonja was a prosperous Gujarati merchant and mother Mithibai. Jinnah was the second child he had three brothers and three sisters, including his younger sister Fatima Jinnah. When Muhammad Ali Jinnah was 6 years old, his father placed him in the Sindh Madrasatul-Islam School. In August 1896 Jinnah moved to Bombay with his law degree in hand. Jinnah attended a meeting of the Indian National Congress in 1904. He joined the congress himself in 1906. During 1940, meeting of the Muslim League at Lahore, Jinnah proposed the partition of India and the creation of Pakistan, . Pakistan became an independent state in 14th August, 1947. Jinnah was sworn in as Pakistan’s first governor-general. He died on 11th September, 1948 at Karachi.

quaid e azam biography in urdu, quaid e azam history in urdu, quaid e azam life history in urdu, history of quaid e azam in urdu, baba e qaum quaid e azam, quaid e azam life story in urdu, quaid e azam biography

Quaid e Azam History, Urdu

Ufuq par chamaknay walay buhat say taron mein say aik tara aisa bhi hota hai jis par nazar thehr jati hai kiun keh is ki chamak baqi sitaron say kahin ziadah hoti hai. Isi tarah qomon ki tareekh mein guzarnay walay buhat say quaideen mein say koi aik Quaid aisa bhi hota hai jis par qom ko sab say ziadah fakhar hota hai. Quaid E Azam hamaray aisay hi leader hain. Vo 25 December 1876 ko Karachi mein jinnah punja kay

quaid e azam in urdu

Quaid e Azam Muhammad Ali Jinnah

Ghar Paida huye. Mithibai vo khush qismat maan thi jinhon nay is azeem leader ko janam dia. In kay bachay nay aisa karnama sar anjam dia jisay rehti dunya tak bhulaya nahi ja skta. Inhon nay aik sar zameen ko aazad karaya aur is kay bani kehlaye. Quaid e Azam ko pyar say ghar mein Hamid kaha jata tha. Walid chahtay the keh aap baray ho kar in kay karobar mein hath batayein. Aap nay ibtedayi taleem Sindh Madrasa Tul Islam say hasil ki.

1896 mein London mein barrister ka imtehan pas kia aur Karachi mein wakalat shuru ki. 1897 mein Mumbai chalay gaye aur teen baras jad o jehad mein guzaray. 1900 mein Mumbai presidency magistrate kay uhday par faiz huye. Baad azan aap ka shumar Mumbai kay choti kay wuqla mein honay laga. 1906 mein congress join ki. 1909 mein Mumbai say markazi qanoon saaz council kay bila moqablah rukun muntakhab huye. Is doran Quaid e Azam nay apnay faraiz bari be khofi aur nehayat danish mandi say ada kiye aur apnay taddabbur ka sikkah baitha dia. Muslim league kay 1913 kay salanah ijlas (Nagpur) mein shareek huye. Molana Muhammad Ali Johar aur Syed Wazeer Hassan ki tehreek par Muslim League mein shamulyat farmayi. Is kay sath congress kay bhi member rahay donon tnzimon ki rukniyat say vo dar haqiqat hund o muslim ittehad qaim karna chahtay the . 1938 mein Al Aman Delhi kay madeer Maulana Mazhar Ud Din nay karoron musalmanon kay jazbaat ki tarjumani kartay huye mister Jinah kay liye Quaid e Azam ka laqab tajweez kia. Yeh khetab milnay kay baad Quaid e Azam musalmano kay liye mazeeed fikar mand rehnay lagay kiun keh in par hindu leaders kay rawaiye say yeh baat waza ho gayi thi keh Hindustan mein musalmanon ko doosray number ka achoot banana chahtay the. Is baat ka adrak hotay hi inhon nay 1920 mein congress say elaidgi ikhtiyar kar li thi. Inhon nay musalmano ki juda ganah tanzeem ki zaroorat par sirf zor hi nahi dia balkeh is mein amlan gehri dilchaspi li aur Muslim League ko fayal siasi jamayat banaya. Allama Iqbal ko Quaid e Azam ki qaidana salahiyaton ka bakhoobi andazah tha jis ka izhar in kay is qol say kia ja skta hai keh “Mister Jinah ko Allah tala nay aik aisi khoobi ata ki hai jo shaz o nadir kisi shakhs mein nazar aati hai.”

Hazireen mein say kisi nay poocha keh vo khoobi kia hai? to Allama Iqbal nay English mein kaha.

“He is uncorrupt able and un purchasable” (inhein na to bad unwani par amada kia ja skta hai aur na hi khareeda ja sakta hai) apni makhsoos siasi waza dari aur asool parasti say Quaid e Azam nay vo buland moqaam hasil kia keh Pandit Madan Mohan Malaviya kay alfaaz kay mutabiq “ Mister Jinah mein apni baat par dat janay ki khasyat thi. Inhein dalail say bhi zer karna mumkin na tha.”

Raj Gopal Acharya nay inhein Asia ki ahum tareen shakhsiyat qarar dia. Quaid azam nay hamesha haq ki himayat ki jis ka aitraaf in kay siasi harifon nay bhi kia hai. Pandit Nehru nay Quaid e Azam ki qiadat ko tasleem kartay huye kaha “ Muslim League kay pas 100 Gandhi aur 200 Nehru aur Abul Kalam Azad hotay aur congress kay pas sirf aik Muhammad Ali Jinah hota to Hindustan kabhi taqseem na hota .”

Jinah aksar o beshtar amoor mein Gandhi kay bilkul baraks they. Tarz e muashrat, lebas aur rakh rakhao mein vo aik awami leader ki waza qata say koson door thay. Is kay bawajood in ki awami maqboolyat ki misal milna mushkil hai. Inhon nay kabhi mazhabi aadmi honay ka dawa nahi kia. Is kay bawajood in kay kirdar per mazhabi rehnuma bhi ungli nahi utha skatay thay. In ki dianat shak o shubah say bala tar thi. In ki guftagoo pech o kham say paak, mukhtasar aur jama hoti thi. Talsah basyar kay bawajood in ki guftar mein koi doosray manay nahi milein gay. Vo jo kuch zuban par latay wahi in kay dil mein hota . Mukhalfon kay sath kabhi kabhar in ka lehjah durust hota tha balkeh is ki wajah yeh hoti thi keh vo samnay walay ki reya kari bardasht hi nahi kar sktay thay. Quaid e Azam kay qol kay mutabiq qomiyat ko kisi bhi tarah tabeer kia jaye, musalman aik juda ganah qom ki haisyat rakhtay hain, yeh in ka istehqaaq hai keh in ka alaihda khittah ho, in ki alaihda hokumat ho jisay khood mukhtar riyasat kaha ja skay. Aik aur jagah aap farmatay hain “ Musalman jhuknay kay liye paida nahi hua. Agar isay jhukanay ki koshish ki jaye to babar ban jaye ga lekin mehkoom ki mahkoomi qabool nahi karay ga. Yeh is ki fitrat kay khelaf hai keh ghulam ka ghulam banay.

1940 ki qarar dad Lahore kay 7 saal baad hi Hindustan kay musalman aik alag watan hasil karnay mein kamyab ho gaye. Yeh aap azeem siasi qiadat ka hi natijah tha. Mistar jinah Muslim League ko munazzam karnay ka aaghaz kar chukay thay jis kay natijay mein qarar dad Lahore aksaryat say pas huyi aur 1945-46 kay intekhabat aap par awam kay bhar poor aitmaad kay izhar ki akasi kartay hain. In intekhabat mein Muslim League ki shandar kamyabi nay Qeyam e Pakistan par tasdeeqi mehar sabat kar di aur bala aakhir aap ki koshishon aur be panah mehnat kay samraat kay tor par Pakistan 14 August 1947 (27 Ramzan ul Mubarak) ko moraz wajood mein aa gia Quaid e Azam nay apni peeranah Sali aur kharabisehat kay bawajood shabana roz arq rezi ki badolat qom ko aik wasi saltanat bakhshi aur qom ko zinda rehnay ka raaz samjha ya. Is kurrah arz par jab tak aik bhi Pakistani zindah hai. Aap zindah rahein gay, aur yeh walwalah angez naray fiza mein gunjtay rahein gay. Dilon ko garmatay rahein gay . Quaid e Azam zindah Baad, Pakistan Zindah Baad” apni wafat say pehlay 1948 kay qom kay naam apnay paigham mein jo kuch faramaya tha, hamein is paigham ko yaad rakhna chahiye. Quaid e Azam nay farmaya. Aap ki mamlakat ki bunyad rakh di gayi hai. Ab yeh aap ka farz hai keh is ki tameer Karein aur jis qadar jald mumkin ho is farz ko amli jama pehnayein.

Pakistan ka qeyam aik mojzay say kam nahi tha. Quaid e Azam nay 21 March 1948 ko Dhaka kay khetab mein farmaya mein chahta hon keh aap Bangali, Sindhi, Balochi aur Paithan ki istalahon mein baat na karein hum sab musalman hain. Hamein vo sabaq nahi bhoolna chahiye jo 1400 saal pehlay sikhaya gia tha.

Pakistan ka khawab jo Allama Iqbal nay dekha tha aur is ka tasawwar khutbah Allahabad mein pesh kia tha, vo Quaid e Azam ki anthak koshishon say aik haqiqat ban gia. Lekin kia hamein quaid kay farmo data aur Allama Iqbal kay afkar yaad hain? Aur agar yaad hain to kis had tak in par amal pera hain, yeh aik doosray say, aur apnay aap say gahe gahe zaroor poochtay rahye. Apnay gird o pesh par nazar daal kar yeh andazah laganay ki bhi koshish kijye keh kia kisi ko fikar hai keh quaid kay wirsay ka hum nay kia haal kar dia hai?

Biography
Saeed Anwar
Javed Miandad
Asma Jahangir
Shahid Afridi
MQM in Urdu
Syed Amjad Ali Qadri
Abdul Razzaq
Misbah-ul-Haq
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved