World136 Logo  
Home>> Biography >>Syed Amjad Ali Qadri

Syed Amjad Ali Qadri

Syed amjad qadri name is the top of the list of Pakistani Naat Khuan. He was born in 5 April 1980 in Karachi. His father belongs to Delhi. They migrate from Delhi after Pakistan. Syed Amjad Ali Qadri completed his graduation education from the school. Alhaj Owais Raza Qaadri, Siddiq Ismail aur Faseeh-ud-Din Seharwardi are favorite personality.

Syed Amjad Ali Qadri Madinay Walay:

Raza-e-elahi aur ishq-e-rasul (SAW) kay jazbay say sar sahr maaroof naat khawan Syed Amjad Ali Qadri Madinay walay ka naam Pakistan mein naat khawan hazraat mein sar fehrist hai. Jinhon nay apni khubsurat aur mahsur kun aawaz kay sath naat khawani kay zareeye be shumar mahafil milad mein Ishq Muhammadi kay jazbay ko bedar kia. Syed Amjad Ali Qadri Madinay walay ka shumar in hazrat mein hota hai jinhain Nabi Kareem (SAW) say walhanah muhabbat hai isi sharf ki badolat naat goyi aur naat khawani mein aap ka aik muatbar naam hai.

Syed Amjad Ali Qadri 5 April 1980 ko Karachi mein paida huye. In ka aabayi talluq dehli say hai. Qiaam-e-Pakistan kay baad in kay aaba-o-ajdad Karachi aagaye. City College say Graduation ki sanad hasil ki. Inhain naat khawani ka shoq apni bari behan ko deikh kar hua. Who bhi naat khawani kay maidan mein apna sani nahi rakhtin. Naat parhnay ka aaghaz sab say pehlay inhon nay anay elaqay North Karachi say kia. Is waqt say in ki naat goyi ka silsilah jari hai. Is say bari aur kia sayaadut ho sakti ha keh in kay jazbay nay izhar kay liye naat goyi ka jo roop dhara who mahaz lazzat guftar aur wasaf lub-o-rokhsar say mushkil nahi hota balkeh jazbay ki shiddat, fikar ki sachayi aur ahsaas ki shaguftagi say ebarat hai. Syed Amjad Ali Qadri nay apnay funny safar kay liye Sayadat Abdi ka who rastah muntakhab kia hai jis par chalnay wala musafir kabhi bhi gum kardah rah manzil nahi qarar pa sakta.

Inhon nay naat goyi ko apni zindagi ka maqsad bana lia. Syed Amjad Ali Qadri nay stage par sab say pehlay jo nat parhi who naatyah ashyar kuch yun the


Aarzu hai yahi meray Dil mein
Mot aaye to is tarah
Dhoom say niklay mera Janazah
Meri Maiyat Madinay jaye

Is naat say inhon nay naat khawani ka aaghaz ki aur bari kaamyabi kay sath inhon nay apna moqaam banaya.
Jub insaan mein lagan sahi ho. Niyat saaf aur sub say bari baat agar Dil mein ibaadat aur ishq Mohammadi say muhabbat ka jazbah ka hai to Kudha Wand Kareem madad fermata hai aur kaamyabi ki manazil khood ba khood tai hoti chali jati hain. Woh 18 saal say naat khawani kar rahain hain aur in saalon mein inhon nay be shumar naatain parhi hain.

Inhon nay do saal Madinah Manauwarah mein naat khawani ki sayadat hasil ki aur sath hi Umrah-o-Haj karnay walon ki khidmat karnay mein bhi pesh pesh rahay, is kay elawah inhon nay do martabah haj ki sayadat hasil ki aur bay shumar umrah key liye, inhon nay jama-ul-madinah say 6 saal ka dars nizami ka course kia. Inhon nay madinah manaowara mein jannat-ul-baqee aur rozah aqdas kay samnay inhain madah sarayi ki sayadat hasil huyi.
is kay baad 2008 mein Pakistan wapis aagaye. Syad Amjad Ali Qadri nay ab tak Urdu, Punjabi aur Arabic language mein naatain parh chukay hain. 18 saal kay arsay mein inhain bay shumar mahafil mein naat parhnay ki sayadat naseeb huyi.

Alhaj Owais Raza Qaadri, Siddiq Ismail aur Faseeh-ud-Din Seharwardi in kay pasandidah naat khawan hazrat hain. Aaj kal who Karachi mein imama-o-Katabat kay faraiz anjam day rahay hain aur sath hi talimi silsilah bhi jari hai.

Biography
Saeed Anwar
Shahid Afridi
MQM in Urdu
Asma Jahangir
Abdul Razzaq
Misbah-ul-Haq
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved