World136 Logo  
Home>> Biography >>Syed Munawar Hassan

Syed Munawar Hassan

Syed Munawar Hassan was born in Delhi, August 1944. He is the President of Jamaat-e-Islami, Pakistan. His family migrated to karachi in 1947. His mother had active political affiliations. He matriculation from Government Secondary School Nazimabad, and he did his Intermediate and Bachelors from Central Government College Nazimabad. He obtained Masters in Sociology (1963) and Islamic Studies (1966) from Karachi University. He became member of Jama’at-e-Islami Pakistan in 1967. In 1974 he married with Ayesha Munawar, who is also a general secretary of jamait e Islami. They have one son and one daughter. He has good relationship with children.

 

Syed Munawar Hassan in Urdu:

Siasat ka wasi tajurba rakhne wale Syed Munawar Hussan ne 5 August 1944 Delhi mein aankh kholi. Walid Syed Ikhlaq Hussan shoba tadrees se wabista the. Waldah Saghri Begum Muslim League ki sargarm rukun thin.

Fasadat shuru hone ke baad un ke khandan ne purane qile mein pana li. Aik mah baad ba zariyah train Karachi punche. Jacob lines mein dera dala. 15 ke qareeb makanat tabdeel kiye bala aakhir Nazima Aabad mein apna makan bana lia. 1 behan, 4 bhaiyon mein woh sab se chote hain.

syed munawar hussain
Hijrat ki alam naak kahanyan sunte huye parwan charhe. Government Secondary School Nazim Abad se Metric karne ke baad Central Government College Nazim Abad ka rukh kia . 1960 mein Graduate ki sanad hasil ki. Badminton ke behtareen khelari rahe, cricket bhi khoob kheli. Algharz khase mutah’rik the jis ke pesh nazar jamiyat ne inhein College Union ke intekhabat mein apna numaindah naam zad kar dia, lekin baad mein ghir sanjidah qarar dete huye naam zadgi mansookh kardi. Rad-e-amal mein inhon ne College mein National Student Federation ko monazzam karne ka faislah kia.

Martial law lagne ke baad jab tulba tanzimon par pabandi aaid kardi gayi, NSF student circle ke banners tale zer zameen kaam karne lagi. Woh student circle ke sadar rahe isi zamne mein in ke kheyalat-o-nazaryat tabdili ke amal se guzare jis mein aik kitab “Dawat e Islami aur us ke mutalbaat” ka kalidi kirdar raha. Is kitab ka mutaddid bar mutala kia. Bala aakhir bayein bazo se alag ho gaye aur 1960 mein islami jamiat talba ka hissah ban gaye.

1962 mein Molana Modoodi se pehli mulaqaat huyi. Inhon ne jama Karachi se imranyat mein masters kia. University ki satah par jamiyat ke nazim muntakhab huye. Phir Karachi ki satah par yeh uhda sambhala. Jamiyat ki central executive council ka bhi hissah rahe. Ayub hokumat ke khelaf har tehreek mein barh charh kar hissah lia. 1964 mein mulki satah par jamiyat ke Nazim aala muntakhab huye. Usi saal aik ahtejaji tehrik ke doran mazar e quaid se giraftar huye. Is doran mashraqi Pakistan ke bhi dore kiye. 1965 mein hokumat mukhlif sargarmiyon ki padash, mein shehar badari ka samna karna para. Anti taash-qand movement mein bhi pesh pesh rahe. 1967 tak jamiyat ke nazim aala rahe. Isi zamane mein Islamic studies mein masters mokammal kia.

1963 mein Maulana Maududi ki khuahish par Karachi mein qaim hone wali Islamic research academy se bator research assistant wabista ho gaye. Kuch arse baad research scholar ho gaye. Phir secretary general ka uhdah sambhala. 1967 mein jamat e islami ke rukun ban gaye. 1969 mein baqaidah jamayat ki majlis sura ka hissah bane.

1973 mein apposition jamaton ki janib se united democratic front tshkeel dia gia jis ke parcham tale khase sar garam hai. UDF 1977 ke intekhabat mein Pakistan national alliance mein tabdeel ho gia. Syed Munawar Hassan Malir se khare huye aur record donon se kaam yabi hasil ki lekin yeh fatah assembly ke bajaye jail le gayi. Bala aakhir mulk mein Martial Law lag gia.

1992-93 mein jamat e islami ke hum nawa group ki janib se Pakistan Islamic front ke qiyam ka khyal pesh kia gia jis ka moqsad jamayat ka manshoor tabdeel kiye beghair member ship ke marhale ko sehal banana tha. Is zaman mein Manawar saheb ka kirdar kalidi raha jis par chand halqon ki janib se inhein tanqeed ka bhhi nishana banaya gia .

Tanzimi uhdon ki baat ki jaye to Manawar Saheb Karachi ki satah par Jamat Islami ke general secretary rahe phir inhon ne ba tor secretary zumme daryan nibhayin. Is ke baad naib Ameer moqarrar huye. 1986 mein woh Karachi ke ameer moqarrar huye. 1992 mein jamat islami ke assistant secretary general ka mansab sanbhala. 1993 mein secretary general ke uhde par faiz huye. April 2009 mein ameer jamait islami ka uhdah sanbhala.

1974 mein un ki shadi huyi. Zojah Ayesha Munawar bhi jamat ke plate form se siasat mein sargaram hain. 9 saal Jamait Islami ki khawateen wing ki secretary general rah chuki hain. Is waqt woh khawateen ki political wing ki incharge hain . Aik beta, aik beti hain, bachon se khush gawar rabtah hai. Sairi mein Ghalib aur Iqbal ka kalam in ke mutale mein rehta hai.

Tags:syed munawar hussain, jamaat islami, syed munawar hussain biography, syed munawar hassan profile, bio, photos, jamaat e islami.

Biography
Saeed Anwar
Shahid Afridi
MQM in Urdu
Syed Amjad Ali Qadri
Abdul Razzaq
Misbah-ul-Haq
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved