World136 Logo  
 Home>>Bollywood>>Bollywood Wedding

Bollywood Wedding

bollywood weddings

Bollywood mein shuhrat hasil karne key liye filmi shakhsiyatein kuch bhi kar sakti hain yahan har shakhs shohrat aur kamyabi key piche dorta hai aur ise kisi bhi tarah hasil karna chahta hai. Shohrat hasil karne karne key liye woh koi na koi publicity assistant pheilata rehta hai.

Ziadah tar filmi shakhsiyat ne shadi ko bhi shohrat ka zariyah bana lia hai, pehle to shadi se pehle romance ki khabrein pheila kar akhbarat mein jagah hasil ki jati hai aur jab un se is romance key bare mein pucha jaye to jawab milta hai keh hum sirf ache dost hain. Aisi filmi shakhsiyat mein John Ibrahim, Bipasha Basu, Saif Ali Khan, Karina Kapoor, Shahid Kapoor, Prianka Chopra, Deepika Padukone, Ranbir Kapoor, Soha Ali Khan aur Kunal Khemu key naam qabil e zikar hain. In mein se chand aise hain jo shadi bhi karli hain aur in ki shadi ki bhi khoob charche hote rahein hain aur inhein shohrat mili hain. Is tarah ka missal Deshmukh aur Genelia D'souza ki shadi, Abhishek Bachchan aur Aishwarya Rai ki shadi, Karina Kapoor aur Saif Ali Khan ki shadi hain.

Aam tor par yeh samjha jata hai keh filmi shadiyan paaidar nahi hotein aur thore arse baad hi faraqeen key beech alihdgi ho jati hai. Bollywood mein aisi kayi misalein hain jin mein adakaron ki azdawaji zindagi tulkhiyon se bhari huyi hai aur ziada tar ko shadi raas hi nahi aayi lekin doosri janib kuch jore aise bhi hain jin ki azdawaji zindagi buhat achi guzar rahi hai. Barson beet jane key bawajood woh aik doosre key sath nehayat khaloos o muhabbat se rah rahe hain, aise adakaron mein Dilip Kumar aur in ki shareek hayat Saira Banu sar e fehrist hain ji ki shadi aaj se 47 saal qabal huyi thi Saira Banu Dilip Kumar se 22 saal choti hain, is key bawajood yeh donon payar muhabbat se apni zindagi basar kar rahe hain.

Isi tarah ki aik aur missal Amitabh Bachan aur Jaya Bachan ki hai, in ki shadi ko bhi taqreban 40 saal ho chuke hain, yeh shadi Amitabh Bachan key liye lucky rahi kiun keh is key baad hi inhein be panah kamyabi aur shohrat hasil huyi.

Tisri missal Rishi Kapoor aur Neetu Singh ki hai jin ki shadi ko 33 saal ho chuki hain inhon ne kayi filmon mein aik sath kaam kia aur shadi key baad bhi kamyab azdawaji zindagi guzarte rahe go keh in donon key beech aik maslah hameshah mojood raha aur woh yeh keh Rishi Kapoor had se ziada sharab noshi ka aadi hai, is key bawajood yeh jori aaj tak aik sath zindagi guzar rahi hai.

Sharukh Khan aur Gouri ki shadi 22 saal pehle huyi thi kamyabi mile key bad bhi donon ki azdawaji zindagi mein koi darar nahi aayi.

Malaika Arora aur Arbaz Khan ki shadi ko bhi 15 saal ho chuke hain aur yeh donon kamyab azdawaji zindagi guzar rahein hain.

Kajal aur Ajay Devgan ki shadi 14 saal qabal huyi go keh shadi key baad bhi Kajal ne doosre filmi heroes bil khasoos Shahrukh Khan key sath kafi jazbati seine kiye tahum is se in ki azdawaji zindagi mein koi farq nahi para.

Hrithik Roshan aur Susan ne 12 saal se kamyab azdawaji zindagi guzar rahe hain. Isi tarah Akshay Kumar aur Twinkle Khanna ki shadi ko bhi 12 saal ho chuke hain aur in key darmiyan kabhi koi maslah paida nahi hua. Yeh woh khush qismat joray hain jinhein oper wale ne muhabbat ki dolat se nawaza hai warnah bollywood mein to shadi key kuch arse baad alihdagi ki khabrein milne lagti hain.

Lehaza in filmi jori ko jo shohrat hasil karne key liye shadi karte hain inhein pehle senior funkaron ki azdawaji zindagi par aik nazar daal leni chahiye.

Tags:BollywoodRomance, Bollywood Wedding, Bollywood Shaadi, Sharukh Khan aur Gouri, Kajal aur Ajay Devgan, Hrithik Roshan, Amitabh Bachan, Saif Ali Khan, Karina Kapoor

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
Karishma Kapoor
Genelia D'souza
Chitrangada Singh
Ragni Khanna
Rekha
 


counter for tumblr

@Copy Rights 2011 world136.com All Rights Reserved