World136 Logo
 Home>>Bollywood>>Ekta Kapoor Biography in Hindi
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

 

Ekta Kapoor Biography in Hindi

Ekta Kapoor is an Indian TV and film producer. Ekta was born on 7th June, 1975. She was born and brought up in Mumbai. She is the daughter of superstar Jetendar, his wife Shobha and sister of current Bollywood hero Tusshar Kapoor. Her serials were aired on Sony, Star Plus and Zee. Her famous serials include "Kahaani Ghar Ghar Ki", "Kahiin To Hoga", "Kavyanjali", "Kyaa Hoga Nimmo Kaa", "Kasamh Se", "Kahin Kisii Roz", "Kasautii Zindagi Kay", "Kusum", "Kutumb", "Kalash", and "Kundali". She ventured into Bollywood movie production in 2001 beginning with Kyo Kii... Main Jhuth Nahin Bolta. Her upcoming productions include Ek Thi Daayan, Shootout at Wadala. You can read in this page ekta kapoor interview, ekta kapoor biography in hindi, ekta kapoor in urdu.

 

Ekta Kapoor Interview in Urdu

Ekta kapoor se bhala kon waqif nahi hoga. Vo TV nagri ki be taaj malkah tasawwar ki jati hain. In kay production house Balaji kay tehat banaye gaye TV dromon ka charcha bache bache ki zuban par rehta hai. Ekta ne khasi kam umri se production kay maidan mein apne career ka aghaz kar dia tha aur phir vo aik kay baad aik kamyabyan hasil karti chali gayein. Mashhoor film star Jitender ki beti hone haisyat se vo bila shubah in ka naam uncha rakhne mein kamyab sabit huyein. TV programs kay baad ab vo filmein bhi produce kar rahi hain . In kay bare mein aam tasawwar yeh paya jata hai keh vo khai sakht geer tbyat ki malik aur asool parast waqa huyi hain nez qismat par in ka yaqeen buhat pokhtah hai. In baton mein kis had tk sadaqat payi jati hai, is bare mein Ekta Kapoor se behtareen kon bata skta hai. ekta kapoor in urdu

Aap ko kb is baat ka andazah hua keh aap kay andar kon kon si salahiyatein hain?

Mera kheyal hai keh mujhe buhat jaldi is baat ka andaza ho gia tha kiun keh 17 saal ki umer mein, mein TV producer bn gayi thi aur 18 saal ki umer mein Indian TV per number one show pesh karne mein kamyab ho chuki thi. Is tarah mein ne buhat km umri se hi apne safar ka aaghaz kar dia tha aur mera kheyal hai apne aap ko mustahkam rakhne kay liye yeh janna buhat zaroori hai keh zinadagi mein kamyabi aur nakami se barh kar bhi buhat kuch hai. Aap ko apni kamyabi aur apne image se be neyaz rehna chahiye. Mera yaqeen hai keh oper wale ne is amal ki bina par meri buhat madad ki.

Aap apne kis amal par oper wale se sb se ziadah darein gi?

Kisi ka dil dukhane par. Meri nazar mein har insane buhat ahum hai, mein zati khoobyon par yaqeen rakhti hon aur kisi insan ko is kay zahiri amal se nahi parakhti keh vo kia khata hai, kia pita hai aur apni zindagi kaise guzar ta hai kiun keh yeh is kay zati afaal hain.

Aap ko apne kis amal par afsos hua?

Chand martaba mujhe waqai afsos hua. Dar asal mera ghussah buhat tez hai jis par qaboo pane ki mein ne hameshah koshish ki lekin mera kheyal hai keh 30 saal ki umer ko puhanchne par, 20 saal ki umer kay moqable mein mera ghussa kafi had tk kam ho chukka hai. Tahum yeh behar hal mera mizaj hai aur mujhe aitraf hai keh mein kabhi bhi ghusse se phat parti hon. Keh apni is khami ko door karon.

Buhat km khawateen aisi hon gi jo aap ki tarah is baat ka aitraaf kar sakein keh vo 30 saal ki umer ko puhanch chuki hain kasoosan show biz mein…….. lekin aap ko is baat se koi farq nahi parta?

Imandari ki baat hai keh mujhe bhi si baat se farq parta hai. Mein aam tor se logon ko apni umer nahi bataya karti lekin is waqt aap kay samne zikar aahi gia to batane mein koi harj nahi tha.

Suna hai keh aap kay sath kaam karne wale afrad aap se drte hain?

Vo sb mujh se buhat darte hain aur mujhe yeh acha lgta hai.

Kiun?

Bs yeh aik burayi hai mujh mein………..(hanste huye)

Kia stars bhi aap se drte hain?

Nahi stars mujh se nahi drte. Lekin meri khuahish hai keh vo mujh se darein kiun keh hamari industry mein yeh chalan hai keh sari ahmiyat stars hi ko hasil hai. Producers aur directors kay pas koi ikhtiyar nahi, khuah in ka talluq TV se ho ya film se. Lehaza meri khuahish hai keh meri poori creative team, stars kay moqable mein ziada taqtwar aur ba ikhtiyar ho jaye.

Aap kay aur bala ji kay naam se wabistah K ward ki kia kahani hai?

Baat yeh hai keh astrology ki ro se K word mujhe soot karta hai lekin panch salon kay arse mein jahan mere buhat se serials hit huye wahan nakaam bhi huye. Magar hua yeh keh letter “K” goya mere liye aik brand association ki surat ikhtiyar kar gia. Log kisi serial ka naam K se dekhte hi yeh farz kar lete hain keh vo bala ji ka hi hoga.

TV soap queen ka laqab hasil karne ke baad vo kia baat thi jo aap ko filmo ki janib lane ka sabab bani?

Mein ne is waqt tv ke liye kaam kia jb ziada tar log filmein produce kar rahe the. Tb TV par goya mere production house ki hukmrani thi lekin yeh hukmarani hameshah to qaim nahi rah skti thi. Lehaza 10, 12 saal baad jb mere liye munafa ki sharah buhat km rah gayi aur acha kaam karne ke mawaqa bhi nahi rahe jo aik producer ke liye sb se ahum baat hai, tb mein ne filmon ka rukh kar lia."

Film producer ki haisyat se ap ko kin challenges ka samna raha?

Aik bari TV producer hone ki haisyat se meri shohrat ne ulta mujhe noqsaan punchaya. Logon ka kheyal tha keh mein kapron, jewelry aur sho sha wale daramon ke elawa kuch karna nahi janti. Mujhe maaloom tha keh ibteda mein mujhe snjeedgi se nahi lia jaye ga. Lehaza film " Love Sex aur Dhokha " ke liye mein ne basalahiyat film maker Dibakar Banerjee ka tayawun hasil kia. Is ke elava industry ke bare adakar aam tor par kisi naye producer ko ghas dalna pasand nahi karte. Mein ne buhat se adakaron se rabtah kia, inhon ne meri haslah afzayi to ki lekin film mein kaam karne ke liye kisi ne hami nahi bhari."

Kia tb aap ko yaqeen tha keh filmon ke mahaz par bhi numayan kamyabi hasil kar payein gi?

Mein ne Bala Ji ke liye is waqt kaam shuru kia jb meri umer mahaz 18 saal thi Balaji motion pictures ne kayi filmein paroduce kein lekin mein in ka hissah nahi thi. Magar teen saal pehle mein ne thaan lia keh is silsile mein apni behtareen koshish karon gi. Dar asal TV awam ke leye hai lehaza is ki puhanch to har jagah hai lekin yahan pabndiyan bhi buhat hain aap apni marzi ke mutabiq naye naye tajurbaat nahi kar skte . Jaise keh kisi aurat ka bura roop TV per pesh nahi kia ja skta. Inhi pabandiyon se ukta kar mein ne filmon ka rukh kia aur zara hat ke mozooaat ka intekhab kia. Koshish mein ne isi umeed ke sath ki keh meri filmon ko pazerayi mile aur natijah aap sb ke samne hai.

Aap ke TV show kitchen ki siasat ke gird ghoomte the jbkeh aap ki filmein be baak aur munfarid mozooaat par hoti hain?

Mein ne koshish ki keh apni filmon mein wahi kuch pesh karon jo muashre mein hamare ird gird ho raha hai. Film “Love Sex aur Dhokha “ is ki misal hai. Is ke baad "Once Upon a Time in Mumbaai" gangster film thi aur "Shor in The City" mein aik bar phir bold subject pesh kia gia jabkeh film "Ragini MMS" mein khof ka ansar numayan tha. Guzashta saal mein ne aik comedy film "Kya Super Kool Hain Hum" banayi aur ab jald hi film binon ke liye "Ek Thi Daayan" aur "Shout Out Wadala" pesh karne wali hon.

Aap ne buhat se adakaron ko star bana dia, kia is se aap ko apni taqat ka ahsaas hota hai?

Nahi bhayi mein kisi ko star banane wali kon hon. Har aik ka apna naseeb hota hai. Is liye mein apna dimagh aasman ke bajaye zameen par hi rakhna psand karti hon.

Kamyabi aap ke nzdeek kia hai?

Mein kamyabi ko wasi maainon mein leti ho. Lehaza kamyabi ka matlab sirf acha career nahi kiun keh yeh zindagi ka mehaz aik hissah hai. Hamein poori zindagi ko kamyab banane par tawajjah deni chahiye. Is ke liye zindagi ko hansi khushi aur shukar guzari ke jazbe ke sath guzarna zaroori hai."

Tags: ekta kapoor interview, ekta kapoor biography in hindi, ekta kapoor in urdu


counter for tumblr
@Copy Rights 2011 world136.com All Rights Reserved