World136 Logo  
 Home>>Bollywood>>Genelia D'souza Biography

Genelia D'souza Biography in Urdu

An Indian film actress, model, and host Genelia D'Souza is born August 5, 1987 (age 25).
Her mother Jeanette D'Souza was formerly a managing director of the Pharma Multinational Corporation (MNC) and her father Neil D'Souza, is a senior official with Tata Consultancy Services. Nigel D'Souza is Genelia D'Souza's Siblings. When Genelia was 15 years she did her first modeling assignment. Genelia D'Souza started his career from Tujhe Meri Kasam in 2003. She has worked in four different languages film. Basically she is athlete, she take race compitition and played in national football team.

Genelia D'souza History in Hindi:

Genelia D'souza ne Jaane Tu Ya Jaane Na se logon ko apni mojoodgi ka ahsaas dilaya go keh yeh Aamir Khan k bhanje Imran Khan ki debut film thi aur puri industry ki nigahein usi par jami huyi thi aisi surat mein Genelia D'souza ko kon poochta lekin jis tarah khushboo apna asar dekhaye begheir nahi jati isi tarah acha kaam bhi apna rung zaroor dekhata hai so aisa hi kuch Genelia D'souza key saht hua aur ordinance k sath sath critics ne bhi use aik achi adakara tasleem kar liya kehne wale kehte hain keh Genelia D'souza raaton raat stars ban gayi lekin woh ab bhi yahi chahti hai keh use star ki bajaye aik achi adakara samjha jaye go keh us ki halyah release Chand Pe Dance kamyab na ho saki lekin who apni salhiyaton ka behtareen muzahira karti hai Genelia D'souza ko aik aizaaz yeh bhi hasi hua keh us ne aik saal mein char mukhtalif zuban mein char supper hit fimlmein dein.

Genelia D'souza Interviews in Hindi:

Kia wajah hai keh tum hameshah aik jaisi nazar nahi aatein aur mukhtalif mowaqa par tumhare mukhtalif roop dekhne ko milte hain?

Aap ko yeh sun kar hirat hogi keh mere andar teen mukhtalif qisam ki Genelia D'souza ne derah jamaya hua hai jab south mein hoti hon to south Indian girl ka roop dhar leti hon, Mumbai mein aane key baad meri shakhsiyat kuch aur ho jati hai jab keh asal Genelia D'souza in donon se bil kul mukhtalif hai isi liye kabhi kabhi in tinon ko apne apne moqam par rakhna mushkil ho jata hai.

Kia tum is se ittefaq karti ho keh profeshion key dabao ki wajh se actors ko aik khas image par project karna hota hai aur is ki wajah se woh apni asl shakhsiyat ko bhula baithte hain?

Actors par is tarah ka pressure to hota hai lekin mein ise aik call se ziadah ahmiyat nahi deti aur mein ne kabhi bhi yeh soch kar glamour’s nazar aane ki koshish nahi ki keh mujhe aisa hona chahiye. Log yeh tawaqqa karte hain keh aap gown aur Cocktail Dresses pehnein lekin aksar auqaat ise zaroori nahi samjhti mujhe waisa nazar aane mein aasani mehsoos hogi jaisi keh mein hon kiun keh apne make up mein aur hear person par bharosah karti hon aur aise logon ko kabhi qareeb nahi aane deti jin par mujhe aitmaad na ho.

Tum ne aam zindagi mein aik star aur Bandra mein rehne wali larki ko kis tarah alag alag kia hua hai?

Filmi back ground nahi rakhti aur mokammal tor par gharilu larki hon mere ziadah tar qareebi doston ka talluq bhi is industry se nhi hai aur meri zindagi sirf filmon key gird hi nahi ghoomti Charch bhi jati hon aur ghar se jym tak ka faslah bhi aaram se tai kar leti hon.

Jaane Tu Ya Jaane Na se tumhare liye kamyabi key raaste khulne shuru hogaye the?


Jaane Tu Ya Jaane Na release huyi to us key teen hafte baad log jage aur inhon ne is film mein meri mojoodgi ka notice lena shuru kia warnah is se pehle to Imran Khan ki hi hype bani huyi thi hala keh log agar chahte to teen hafte baad bhi mujhe nazar andaz kar sakte the lekin mein ne aahistah aahistah in ki tawajjah apni janib mabzool kar wali janti hon keh abhi mera behtareen kaam aana baqi hai lekin yeh amal buhat aahistagi se aage barh raha hai. Is profession ki aik khoob surti bhi hai keh yahan aap ko thra sa intezaar karna parta hai keh log kab aap ka notice lete hain aur kab kamyabi aap ka moqaddar banti hai mein ne Jaane Tu Ya Jaane Na jaisi film key liye 5 saal tak intezaar kia aur mera sabar rung laya.

Jaisa keh tum ne Chance pe Dance key silsile mein kia aur aik aise wqt is film mein shamil huyi jab yeh film 80% mokammal ho chuki thi aur producer Jiah Khan ki jagah kisi doosri heroine ko lena cha rahe the?

Aik actor key liye sirf itna hi kafi hota hai keh woh kis film mein kam kar ha hai, is film ki kamyabi mere hath mein nahi thi, mein ziadah se ziadah apna kam behtareen salahiyaton key mutabiq kar sakti hon aap ko yeh dekhna hoga keh film ki nakami ki kia wajoohat hain yaqinan apni ghltiyon se sabq sikhna chahiti hon lekin mujhe kisi faisle par pachta wa nahi hai aur nah hi kisi doosre ko is ka ilzam dena chahti hon.

Tumhein bollywood south mein se kon si industry apne liye monasib lagti hai?

Agar aap achi filmein karna chahte hain to pir yeh intekhab karna buhat mushkil hai mein ne kabhi bhi in donon industry ka tajziyah ya mawazna nahi kia mujhe jo offer milti hain un se mutmain hon aur samjhti hon keh wqt se buhat pehle yeh moqam hasil karne mein kamyab hogayi hon.

Kia tum samjhti o keh Jaane Tu Ya Jaane Na key baad tum raton raat star ban gayi ho?


Ab bhi apne aap ko star nahi samjhti aur aur nahi stars jaise nakhre karna ate hain, mein buhat simple larki hon.

Bollywood mein buhat sakht moqabla hai aur yahan har koi peeth piche aik doosre ki burayi karta nazar aata hai, tum is mahol mein apne aap ko kis tarah adjust kar ski ho?

Sirf bollwood ki baat kiun karte hain yeh sab kuch to har profession mein hota hai. Zati tor par mein moqable key haq mein hon lekin is ki bunyadi apni kar kardagi honi chahiye agar aap doosre ki kamyabi key bare mein soch kar apna wqt zaya karein gay to kabhi bhi apne kaam par tawajjah nahi de skte.

Haqiqi zindagi mein tum kis tarah ki insan ho?


Aik aisi hashash bashash aur khush mizaj larki jo zindagi key har lamhe se enjoy karna cahhti hai lekin is key sah sath apni aqdar rawayat aur family ko bhi ahmiyat deti hai mujhe pechidah baton se nafrat hai.

Tum ne hindi key elawa doosri mukhtalif zuban ki filmon mein bhi kaam kia hai yeh tajurbah kaisa raha?

Ji han, mujhe fakhar hai keh char zubanon yani Hindi, Tamil, telugu aur Canada ki filmon mein kaam kar chuki hon. Mera kheyal hai keh wahid heroine hon jis ne aik saal mein char supper hits filmon char zubanon mein di.

Kis zuban ki film mein kaam karne ko tarjeeh dogi?


Mein sabhi zubanon ki film mein kaam karne chahti hon aur mere liye script ki ziadah ahmiyat hai agar 5 minute ka role bhi ho to kar lon gi bsharte keh is mein jaan ho doosri shart yeh hai keh jis director ya producer key sath kaam karon us key sath mujhe comfortable bhi hona chahiye mein ne zuban ko kabhi meyar nahi banaya.

Apne aap ko fit rakhne key liye kia karti ho?

Bunyadi tor par athlete hon mein ne qomi khelon mein race key moqablon mein hissa lia aur qomi foot ball team mein khelti rahi. Jab tak apne aap ko fit samjhti hon us wqt tak khane mein koi ahtiyat nahi karongi, mein to biryani bhi shoq se khati hon khua is mein kitni hi chiknayi kiun na ho?

Riteish Deshmukh kaise mulaqaat huyi?

Riteish Deshmukh se meri sab se pehle Tujhe Meri Kasam ke set par mulaqaat huyi. Mein ne shuru mein ise aik amir ghamandi samjha tha kiun keh woh Chief Minister ka beta tha. Mein us ki taraf dekhne se bachti thi. Lekin woh sach mein muktalif tha. Woh buhat pyari, aam batein karta aur buhat ache kheyal ka malik tha. Hamari pehli mulaqaat gair maamuli kuch bhi nahi tha. Woh aik shy person hai to mein ..........

Tags Genelia D'Souza, Genelia D'Souza Biography, Genelia D'Souza Biography Hindi, Genelia D'Souza in Urdu, Interviews.

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
Veena Malik
Saira Bano
Sonam Kapoor
Ekta Kapoor
Ajay Devgan
 
 


counter for tumblr

@Copy Rights 2011 world136.com All Rights Reserved