World136 Logo  
 Home>>Celebrity>>Amjad Fareed Sabri Biography in Urdu

Amjad Fareed Sabri Biography in Urdu

Amjad Sabri was born in Karachi on 23 December 1976. Amjad Fareed Sabri was son of famaous qawal Ghulam Farid Sabri and nephew of Maqbool Ahmed Sabri. His father was born in the Kalyana village of Rohtak in East Punjab India and emigrated in 1947 to come back to Pakistan. Amjad Sabri has 8th position among his 5 brothers and 6 sisters. Amjad Sabri trained qawali from the age of 9 years and continued until intermediate. During those days he participates in school and college programs and attends the qawali programs in the country and outside of the country with his father. He wanted to become a chartered accountant but unfortunately he could not complete his study because of his father death in 1994. He had to return in Pakistan and started his career in 1996.

Amjad Sabri was very cheerful person. Amjad Sabri was married to his liking in the Pashtun families. They have two sons and two daughters. He lived at Liaquatabad with his mother at the end of the age. He born in this area and he passed his childhood and the days of his youth in the street. Amjad Sabri was shot dead in Karachi June 22, 2016, Wednesday afternoon, after unknown assailants fired at his vehicle in the city's Liaquatabad area. Amjad Sabri to be buried in Paposh Nagar graveyard alongside his father's grave.

amjad sabri tajdar e haram, amjad sabri biography, amjad sabri bio, amjad farid sabri biography, amjad sabri family, amjad sabri life history in urdu, amjad sabri life story, amjad sabri life history, amjad sabri wife, amjad sabri wife name,

Amjad Fareed Sabri Biography

Amjad Fareed Sabri 23 December 1976 ko Karachi mein paida huye. Soofi silsilah sabriya se talluq rakhne wale Amjad Fareed Sabri, mashoor qawal Ghulam Farid Sabri ke farzand aur Maqbool Ahmed amjad sabri biography
Sabri ke bhatije the. Un ke walid mashraqi Punjab ke zilah Rohtak ke gaon Kalyana mein paida huye aur phir wahin se 1947 mein hijrat kar ke Pakistan chale aaye the. Hijrat ke baad is qawal gharane ko degar muhajireen ki tarah buhat se masaib ka samna karna para. Jism o jaan ka rishtah bar qarar rakhne aur poore kumbe ke liye Ghulam Farid Sabri ko kuch arse ke liye qawali se kinara kash hu kar intein(brick) uthane aur sarkein kootne jaisi mazdoori bhi karna pari. Liaquatabad ke elaqe mein unhon ne apna makan khood tameer kya. Sakht mehnat ke bais woh bimar par gaye. Un ke 5 bete aur 6 betiyan thin. Behan bhaiyon mein Amjad Fareed Sabri ka aathwan number tha, jinhon ne apne walid ki warasat aage barhate huye qawali ko baam e urooj par punchaya.

Amjad Sabri ka shumar mojoodah uhad ke ahum qawalon mein hota tha. Ghulam Fareed Sabri un ke walid aur Maqbool Ahmed Sabri un ke chacha the. Andaza lagaya ja skta hai keh un ki tarbiyat kin khatoot par huyi thi. Unhein aise kala karon ki tawajjah hasil thi, jo apne fun mein yakta the. Baron ki tarbiyat hi ka natijah tha keh unhon ne na sirf fun qawali ko apnaya balkeh is ke liye apna sab kuch taj di. Bachapan se unki funy tarbiyat ka aaghaz hua, yeh silsilah Intermediate tak chalta raha. Is doran School aur College ke function mein Amjad Sabri gane gate aur walid ke sath qawali ki mahafil mein shirakat ke liye mulki aur ghar mulki doron par jate. Woh chartered accountant banne ke liye Australia gaye wahan do semester diye the keh 1994 mein in ke walid ki wafat ho gayi. Chunan chah taleem adhoori chor kar unhein Pakistan aana para. 1996 mein unhon ne funi career ka aaghaz kia. Unhon ne sabri baradran ki mashoor qawali "Taj Dar Haram" is andaz mein pesh kia keh sameen jhoom uthe.

Amjad Sabri ne qawali mein mukhtalif tajurbaat kiye, khas tor par apne walid aur chacha ki gayi mashhoor zamanah qawali "Bhar Do Jholi" ko inhon ne naye andaz mein awam ke samne pesh kia aur dheron daad sametin. In tajrubaat ki bina par uhein qawali ka rockstar kaha jata tha. In ki qawaliyan nojawan tabqah bhi shoq se sunta tha aur woh TV ke morning shows aur ramzan transmission mein buhat mqbool qawal the.

Inhon ne fun e qawali ke hawale se aik tarbiyati adarah bhi qaim kia, lekin woh ziadah fayal na ho ska. Woh qawal ke sath classical aur filmi gane bhi gate the. In ki shohrat beroon e mulk, khaoosan Hindustan mein bhi in ka naam sunayi dene laga. Unhon ne is fun se jure aqeedat ke jazbe ko kabhi kam zer na hone dia. Is ke taqazon ko pesh nazar rakhte the. Sabri baradran ki mqbool qawali "Bhar do Jholi Meri ya Muhammad" ko aik Hidustani film mein shamil ki gayi thi, jis ka unhein buhat qalaq tha. Un ka kehna tha keh beghair ijazat kisi ki qawali ko film mein shamil karna ikhlaqi aur qanooni tor par ghalat hai, unhon ne is silsile mein shadeed ahtejaaj kia.

Amjad Sabri ne pashtoon gharane mein apni pasand se shadi ki thi. In ke do bete aur do betiyan hain. Woh apni walda ke sath aakhir umer tak Liaquatabad mein rehaish pazeer rahe. In ke makan ki aas pas ki galyon mein un ke khandan ke degar afrad rehte hain aur yeh galyan Sabri qawal ke naam se mashhor hain. Woh is elaqe mein paida huye aur in galyon mein un ka bachpan, larakpan, aur jawani ka ayam guzre the. Dolat aur shohrat milne ke bawajood unhon ne posh elaqe mein rena pasand nahi kia.

Amjad Sabri aik sidhe sadhe aur khush mizaj insan the. Inhein Karachi ke elaqe Liaquatabad number 10 mein firing kar ke halaq kia gia. Amjad Sabri ki gari pul se guzar rahi thi, aise mein na maaloom moter cycle sawaron ne firing shuru kardi. Firing se gari mein sawar Amjad Sabri sameit teen afrad shadeed zakhmi ho gaye, jinhein fori tor par Abbasi Shaheed Hospital muntaqil kia gia, jahan woh zakhmon ki taab na late huye chal base. Amjad Sabri ko hazaron sogawaran ki mjoodgi mein ahon aur sisikiyon ke sath Paposh Nagar Qabristan mein walid ke pehloo mein supard khak kar dia gia.
Veena Malik
Hiba Ali
Malika Pukhraj
Natasha Ali
Mehdi Hassan
Moin Akhtar
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved