World136 Logo  
Home>>Celebrity>>Madiha Shah Biography

Madiha Shah

Madiha Shah was born in 1970. From late 1980s to early 1990s she was the top-ranking heroine of Pakistani cinema. Madiha Shah's father is a senior government official and he disapproves of Madiha's career while her mother accepted her daughter's decision to be an actress. Madiha Shah's friends introduced her to the television world and she began her career as a model in 1989. She Worked with senior artist Afzal Ahmad, Qawi Khan, Aabid Ali, Mustafa Quraishi, Uzma Gilani wagirah se sikha tha, Naseem wik , Jan Rembo and Sohail Ahmad. She worked at a time TV, Stage and Film. Madiha Shah notable films are Chahti Hoon, Laat Sahib, Main Ne Pyar Kiya, Munda Kashmiri, Main Jeena, Majajun, Nargis, Nagina, Nangey Paoon, Pyasa Sawan and Zameen Asmaan. Nowadays, she is mostly seen on stage shows performing mujras.

Madiha Shah Biography in Urdu

Film industry mein yun to buhat se artist aaye aur raton raat shuharat ki bulandiyon par puhanch gaye lekin buhat so ne sakht mehnat se apna moqaam banaya, inhi mein se aik Madiha Shah bhi hain. In ka asal naam Madiha Shah hi hai lekin ibtadayi dinon mein in ke hawale se aik kahani mashhoor ki gayi, jis mein inhein, Robina But ka naam se
madiha shah
mutaruf karaya gia tha, halan keh Madiha Shah ne show biz ki dunya mein isi naam se qadam rakha tha. 1989 mein PTV Lahore markaz se producer Rashid dar ke drame suraj ke sath sath mein is basalahiyat adakara ne aik mazoor larki ka kirdar khob nibhaya jise nazreen aaj tak bhula nahi sake isi tarah inhon ne PTV ke senior producer Yawar Hayat ke sath “Guddi Gudda” aur Nusrat Thakur ke sath “Aik aur Darya ka Samna” jaise mashhoor dramon mein bhi kam kia.

Madiha Shah ka choti screen se shuru hone wala fani safar silver screen tak kis tarh puncha is ki tafseel bhi dilchasp hai. 1989 mein hidayat kar javed fazil (marhoom) apni film “Bulandi” ke liye naye funkaron ka aaudition le rahe the, buhat se larke larkiyan qismat aazmayi ke liye mojood the. Audition ke doran aik khoobsurat larki ne tamam marahil ko bari khush asloobi se tai kia aur ise film ke markazi kiradar ke liye muntakhab bhi kar lia gia lekin kuch hi din baad ise is waqt buhat mayusi ka samna karna para jab film ke hidayat kar ne ailan kaia keh bulandi ki heroine Reema ho gi. Yeh khabar us larki par, jo koi aur nahi…………… Madiha Shah thi bijli bn kar giri. In ke liye yeh lamhaat buhat mayus kun the. Woh samjh nahi par rahi thi keh aakhir in ke sath aisa kiun hua? Behar haal inhon ne himmat na hari aur isi din yeh faislah kar lia ke ab woh heroine bn kar rahe gi. Inhi dinon film saaz Arif Chowdhury ki film “naginah” (1990) mein Madiha Shah ki jandar performance ne film ko kamyabi se humkinar kar dia, yun film industry ko Reema aur Madiha ki surat mein baik waqt do nayi heroine mil gayi.

Madiha Shah ne Shan ke sath kayi filmon mein kaam kia aur Reema ke baad Madiha ke sath Shan ki jori ko inhtehayi mqboolyat hasil hui. Isi asna mein Madiha Shah ke Shan aur Babar Ali ke sath afaire ki khabrein bhi manzar aam par aane lagein lekin Madiha Shah ne in ki parwa na karte huye sirf apne kaam par tawajjah di aur hum asar adakaron ke moqable mein aik munfarid style apna ya. Madiha Shah ne film saz Arif Chowdhury ki 22 filmon mein kam kia blakeh agar yun kaha jaye to ghalat na hoga keh in ki har film ki heroine Madiha Shah hi hua karti thi. Jab Madiha Shah ki filmein “Naginah aur Nigahein” kamyabi se hamkinar huyi to kaha jata hai keh Javed Fazil ne Bulandi ke hawale se apne faisle par tasuf ka izhar karte huye Madiha Shah ko film “Aawargi” mein Shan ke moqabil heroine lia, yeh film supper hit sabit huyi aur Madiha Shah ke liye filmi kamyabiyon ke taweel silsile ka noktah aaghaz bhi…………… Zameen aur Aasaman, Nailah , Laat Saheb, Nargis, Chowdhury Badsha, Ziddi, Benam Badsha, Nagan Sapera aur Ishq Diwana jaisi kamyab filmein Madiha Shah ki maqboolyat aur funny salahiyaton ka munh bolta sabot hain. Nazr ul Islam se le kar altaf hussain tak har bare directore ke sath kaam karne wali is adakarah ke cradet par 200 se zaid filmein hain.

Filmi dunya par zawal aaya to Madiha Shah ne stage ka rukh kia aur wahan bhi khob rung jamaya. Afzal Ahmad ke theater mein Janam Janam ki Maili Chadar, jaise markah aara darame mein ahum role ada karne wali Madiha Shah ne stage par bhi apna aik moqam bana lia, yeh drama 5 saal tak chalta raha. TV, Stage aur Film tinon maidanon mein baik waqt kaam karne ka fun inhon ne apne senior Afzal Ahmad , Qawi Khan , Aabid Ali, Mustafa Quraishi, Uzma Gilani wagirah se sikha tha, Naseem wik , Jan Rembo aur Sohail Ahmad ke sath kaam karne wali Madiha Shah ne achanak hi stage ko khairbad keh dia aur sirf chunida kaam karne lagin.

Kayi baras taweel wqfe ke baad Madiha Shah ko hidayat kar syed nor ki film Mjajan ke aik ahum kirdar ke liye sign kia gia is film mein Madiha Shah ne aik martabah phir Shan ke moqabil shandar performance de kar sabit kar dia keh in mein aaj bhi wahi dam kham hai. Yeh film bhi kamyabi se humkinar huyi lekin is ke baad Madiha ko kisi doosre film saz ne apni film mein cast nahi kia , Jo kisi alamye se kam nahi. Madiha Shah ke andar ka janoon arties, aaj kal ke filmi mahol se katrata hai aur shayad yai wjah hai keh woh in dinon filmon se door hain. In ka kehna hai keh agar achi film bane gi to woh zaroor is ka hissah hon gi. Madiha Shah saqafti taifon ke hamrah beroon mulk bhi jati rahi hain aur inhon ne ghair mamalik mein Pakistan ki safer ka kirdar nibahya hai. In ke paristar mulk mein to hain hi……… diyar ghir mein bhi in ki koi kami nahi.

17 September 1979 ko Lahore mein aankh kholne wali Madiha Shah filmon mein mushkil se mushkil role ko bhi khoob achi tarah nibhaya. Inhein television per morning show ki offer bhi ki gayi hain, tahum tadam tehreer inhon ne is hwale se koi hatmi faislah nahi kia tha, waise inhon ne apna production house bana lia hai, jis ke bennar tale woh TV Drame produce karne ka iradah rakhti hain. Madiha Shah khood ko siasat se door rakhti hain aur hameshah se in ka manna hai keh artise ko siasat mein malaowas nahi hona chahiye. Adakara ne aik national award bhi hasil kia hai jabkeh film mujajan ki kamyabi par inhein 70 ke lag bhag mukhtalif award se nawaza gia.

Madiha Shah ki amoomi shohrat “wade ki pakki aur waqt ki paband” adakar ki hai. Woh nehayat bold tabyat ki malik hain aur ghalat baat har giz bardasht nahi kartin. Sachi aur khari baat karne wali Madiha Shah film industry mein hamesha baron ki izzat ki hai aur in ka kehna hai keh baa dab, ba murad jabkeh be adab, be murad hota hai. In ka yeh bhi kehna hai keh jore aasmanon par bante hain aur woh jab bhi shadi karein gi to sab se pehle media ko batayein gi. Aur apni zindagi ke is ahum tareen faisle ko chupane ke bajaye chapwana pasand hai.

Tags: madiha shah, madiha shah hot, madiha shah actress, madiha shah photos, madiha shah profiles, pakistani actress, biography in urdu, photo gallery

Veena Malik
Aaaminah Haq
Hiba Ali
Malika Pukhraj
Natasha Ali
Mehdi Hassan
Moin Akhtar
Sajal Ali
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved