World136 Logo  
Home>>Celebrity>>Malika Pukhraj

Malika Pukhraj

Malika Pukhraj was born in 1912 in village Mirpur. She was a highly popular ghazal and folk singer of Pakistan. She was known as Malika meaning The Queen. She married with Government officer Syed Shabbir Hussain Shah in 1946. She had two daughter and four sons. Malika Pukhraj died in 2004. More detail read in Urdu.

Malika Pukhraj in Urdu

Malika Pukhraj Jammu se 16 miles door, Darya e Akhnoor Mirpur gaon 1912 mein paida huyi. Malika Pukhraj zindagi ka ahum mor woh tha, jab woh 9 saal ki umer mein apne khandan ke sath wapis Jammu aayein. Maha rajah kashmeer Hari Sing ki taaj poshi ke moqa par malkah ko darbar mein gana sunane ka moqa mila. 9 saal ki yeh
malika pukhraj

bachi maha raja ke darbar mein goya aik gazetted officer moqarrar kardi gayi. 500 Rs mah war wazifah moqarrar hua. Wahin inhein Thumri, Daad aur Ghazal gane mein maharat hasil hone lagi. Inhein maharaja patyalah jise mosiqi ke shedayi ko bhi apna gana sunane ka moqa mila taqriban 18 saal ki umer mein inhon ne darbar ko kher bad keh dia. Darbar ko kher baad keh kar woh radio par gane gayein, yun all India radio par in ki aawaz gunjne lagi. In ke record Kolkata, Delhi, Lahore aur Lucknow ke radio station se nashar hone lage.

1946 mein woh Lahor aayein to inhon ne aik Government officer Syed Shabbir Hussain Shah se shadi kar li, jinhein woh izzat aur pyar se shah ji kehti thin. Shah ji art ki qdar karne wale insane the aur aik ache musannif bhi. Shah ji ne Malika Pukhraj ki buhat hoslah afzayi ki aur is tarah in ke gane mein aik nayi wusat aur roshni aagayi. Woh apne husband ke sath buhat se mamalik mein gayin aur be shumar concert mein hissah lia. Jab bharat ne aik music conference mein inhein madu kia to in ki hunhar beti jo khood buhat bari funkara hai Tahira Syed bhi in ke sath thien.Woh apne aabayi shehar Jammu bhi gayi, jahan dogri, pahari geet sunaye, jinki har taraf dhoom mach gayi. Inhein wahan legend of Voice award bhi mila, jo Lata, Noor jahan aur Khursheed ko mil chukka hai.

Malika Pukhraj ko Mumbai mein filmon mein kaam karne ki buhat si pesh kash huyi. Woh aik film mein kaam karne ke liye wahan gayin bhi lekin wahan in ka dil bilkun nahi laga. Albaatah inhon ne film saaz ke tor par kuch filmein zaroor banayein jin mein Indian film Kajal aur Pakistani film Shimmy shamil hain.

1979 mein inhon ne beti Tahira Syed ke sath Laore TV se music ka aik khoobsurat program Sur ka SAFAR pesh kia. Is mein inhon ne apni 52 ghazlein aur nazmein aur pahari geet pesh kiye. Kayi dogane Tahira Syed ke sath bhi is mein shamil hain.

Inhon ne Baba Guru Nanak portrait bhi needle work mein banaya tha aur 1990 mein Canada se aaye sikh yatriyon ko woh itna psand aaya keh inhon ne malkah se request ki keh woh yeh portrait inhein ata kardein.

In ki aik buhat bari khoobi yeh thi keh woh zaroorat mandon ki dil khool kar madad kia karti thein. Yun to bari tez mizaj khotoon thi, lekin agar kisi ki majboori ka pata chal jata to in ka dil mom hojata.

Malika ki Masha Allah 2 betiyan aur 4 bete bari beti Tasnem Momtaz Qanoon dan hain aur Sab se choti Tahirah Syed hain jinhon ne wirse mein apni maan ka fun bhi paya hai beton ke naam yeh hain Tariq Hussain, Toqeer Hussain, Tanweer Hussain.

Shohar ke inteqaal ke baad Malika apne aap ko buhat tanha mehsoos karne lagi thin aur kuch din to woh bilkul gum sum ho gayin aur apne hosh o hawas tak kho baithi. Aakhri umer mein woh buhat taweel alalat se guzrein buhat kam zor bhi ho gayi thin. 4 February 2004 mein is dar e fani ko chor kar khaliq haqiqi se ja meilin aur apne maddahon ke liye sirf apne gaye huye lafani naghme chor gayin.

Veena Malik
Aaaminah Haq
Hiba Ali
Natasha Ali
Mehdi Hassan
Moin Akhtar
Sajal Ali
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved