World136 Logo  
Home>>Celebrity>>Mehwish Hayat Biography

Mehwish Hayat Biography

Pakistani young talented actress, model and singer Mehwish Hayat was born on January 6, 1983 in Karachi. She has three elder brothers and one younger sister. She completed her graduat and then started modeling. She is very good looking. She started her career from modeling and then in television as an actress. She has proved her talent in both sectors modeling and acting. Her popular dramas are chand ahum dramon mein char chand, chand par dastak, bin tere, masi aur malka, mirat ul uroos, mere qatil mere dildar, rubaru, ishq mein tere, kitni girhain baqi hain, parchaiyan, kami reh gayi, ik zara si baat, shehr e dil key darwazay aur kabhi kabhi etc. mehwish hayat, mehwish hayat biography, mehwish hayat interview, mehwish hayat khan

Mehwish Hayat Interview

Mehwish Hayat ka shumar television ki maaroof adakaraon mein hota hai lekin in ki shanakht sirf adakari hi nahi hai balkeh vo modeling, comparing aur singing bhi kar chuki hain. Multinational product ke kayi commercial bhi kar chuki hain. Agar yeh kaha jaye keh mehwish hayat is waqt Pakistan television ki sab se hot actress hai

mehwish hayat in urdu
to ghalat na hoga is khoob surat zeheen aur basalahiyat adakarah ne aik biscuit ke ishtehar se apne modeling career ka aaghaz kia aur dekhte hi dekhte televition ki mqbool tareen adakarah ban gayi . Buhat se dramas mein mukhtalif kirdaron ke zariye nazreen ke dilon mein khas jagah bana chuki hain. In ke career ke chand ahum dramon mein char chand, chand par dastak, bin tere, masi aur malka, mirat ul uroos, mere qatil mere dildar, rubaru, ishq mein tere, kitni girhain baqi hain, parchaiyan, kami reh gayi, ik zara si baat, shehr e dil key darwazay aur kabhi kabhi shamil hain.

Apne bare mein kuch batayein?

Meri tareekh paidaish 6 January 1989 hai. Karachi mein paida huyi, Graduate hon, two sisters aur four brothers hain.

Aap ne modeling se apna career shuru kia aur phir acting ki janib chlai aayin, kia aap ko adakari se ziadah dilchaspi thi?

Show business mein yeh sonch kar aayi thi keh mujhe aik munfarid moqam banana hai kha woh modeling ho ya acting jahan bhi ache mawaqa milein gay mein kaam karon gi aur apni behtareen salahyaton ko istemaal karte huye numayan moqaam hasil karne ki koshish karon gi. shuru mein modeling se acha moqa mila to mein ne wahan se kaam ki ibteda ki, agar is se pehle adakari mein koi acha chance mil jata to wahin se shuru kar deti mera maqsad to acha aur meyari kaam karna tha.

Show business mein aane se pehle aap ne koi planing kar rakhi thi?

Hameshah se hi show business mein aane ke bare mein socha karti thi, mein ne bachpan se hi yahi mahol dekha tha, meri ammi aur bari behan donon hi acting ki field mein thi lehaza inhein dekh kar mere dil mein bhi khuahish jagi keh un ki tarah screen par nazar aaon magar mujhe koi jaldi na thi. Pehle apni study mokammal karna chahti thi, mera manna hai keh taleem ke be ghair aap ki shakhsiyat adhuri hai. Taleem hamari shakhsiyat ko nikharti hai aur zindagi kuzarne ka shaur deti hai, achayi burayi mein farq batati hai, is liye mein ne bhi doran e taleem koi kaam nahi kia albattah kuch logon se qaribi talluq hone ki wajha se mujhe aik do project karna pare lekin woh koi khas kaam nahi tha . Taleem mokammal hone ke baad mein baqaidah tor par is field mein aagayi pehle se soch rakha tha keh sirf ache aur meyari kaam ko tarjeeh dongi , chahe mujhe saal mein aik hi paroject mile magar kahin bhi samjhota nahi karon gi aur behtar andaz mein aage barhne ki koshish karon gi.

vo kon sa ishtehar tha jis se awami mqboolyat hasil huyi?

Mein ne ibtedayi dinon mein biscuit ka ishtehar kia tha vo be had popular hua aur is se mujhe logon mein buhat pehchan mili.

Modeling shuru karne ke ketne arse baad acting ki janib aana hua?

Biscuit ke ishtehar ke baad mujhe acting ki kay offer huyi, mein ne tv one se gulabi saree ke naam se aik play kia jis mein mera leading aur power full roll tha is ke zariye mujhe apni salahiyatein dekhane ka bhar poor moqa mila is kirdar ke kayi shades the jis ki wajah se mujhe apne aap ko sabit karne mein aasani huyi. Mein ne is character par buhat mehnat ki aik tarah se yeh mere liye imtehan tha aur mein is mien kamyab rahi.

Kisi kirdar ko qabool tarjeehat kia hoti hain? kirdar script, director, team ya budget ?

Sab se pehle kirdar phir team aur us ke baad budget jahan tak script ki baat hai to jab aap apna kirdar dekhte hain to script khood ba khood discus hojata hai lehaza use alag se dekhne ki koi zaroorat nahi lekin kirdar aur team ke baad budget ki baat lazmi tor par karti hon kiun keh aap jab din raat mehnat karte hain to zahir hai keh us ka acha muawza bhi milna chahiye.

Kabhi koi drama sign karne ke baad afsose bhi hua?

Aisa to nahi hua kiun keh mein sonch samajh kar hi drama sign karti hon , log ise kis nazar se dekhte hain, yeh in par munhasar hai albattah mein acha kaam karne ki hi koshish karti hon.

Aaj kal dramon mein buhat bold mozuaat bhi pesh kiye ja rahe hain ise aap kis nazar se dekhti hain.

yeh shayad channels ki majboori hai. Nazreen ko qaabo karne ke liye aise mozooyat pesh kiye ja rahe hain. Aise darame dekh kar mujhe ziada khushi nahi hoti . Afsos ki baat yeh hai keh buhat se senior funkar bhi in dramon mein kaam kar rahe hain jo kisi baat par ahtejaaj bhi nahi karte. Mein samjhti hon keh TV drama hamare culture se buhat door hota jaraha hai kiun keh ab international dramas ka moqablah karne ke liye buhat si ghair haqiqi chezen bhi shamil kar li jati hain.

Kis tarah ke kirdar karna ziada acha lagta hai.

Vo kirdar jis mein koi nayi baat ho. vo kirdar jin par log bhi tanqeed karein hit hota hai. Jab mein ne “mere qatil mere dildar” kia tha to jo log bhi milte the vo kirdar ke bare mein zaroor poochte the. Isi tarah “ishq mein tere” aur “kabhi kabhi”ka kirdar bhi psand kia gia.

Aap ke naam kayi funkaron ke sath jora gia jin mein Ahsan Khan aur Zafar Rehman bhi shamil hain is bare mein kia kaheingi?

Mein apne sab sathi funkaron ki buhat izzat karti hon lekin agar koi mere bare mein baat karta hai to mein is ki zuban nahi pakar skti. Is ke elawa vo agar koi mujhe pasand karta hai to yeh is ka haq hai. Showbiz mein scandal aur aisi batein aam hoti hain magar mein in ki parwah nahi karti kiun keh mujhe patah hai keh in mein ketni haqiqat hai.

Shohrat kaisi lagti hai?

Shohrat bilkul aik nashe ki tarah hoti hai. Hazaron nahi balkeh lakhon log aap ke fan ho jate hain. Log aap ko psand karte hain. jis se kisi bhi artist ka dimagh kharab ho skta hai lekin mein ne shohrat ko sar par sawar nahi kia balkeh mein samajhti hon keh yeh sab Allah ka karam hai aur har insan ki qismat mein yeh nahi hota is par khuda ka jetna bhi shukar kia jaye vo kam hai.

Aap ne singing bhi ki hai yeh tajurba kaisa raha.

Buhat acha mein ne jetne gane bhi gaye logon ne pasand kiye. Dar asal mein apna talent tamam shobon mein istemaal karna chahti hon. Drama serial manchali mein title song “pani barsa" talkhiyan mein waqar ali ke sath mera chota sa ik sapna aur “meri behan maya” mein fariha pervez ke sath gane pasand kiye gaye.

Pasandida funkar kon se hain?

Hamare mulk mein aik se barh kar aik funkar mojood hain jin ke talent ki taareef na karna ziatti hai. Mein ne seniors ke kaam se buhat sikha hai mojoodah dor mein Ahsan Khan, faisal quraishi, buhat acha kaam kar rahe hain. In ke elawah mujhe sania saeed aur samina peerzada ka kaam buhat psand hai. Nayi larkiyon mein sajal ali acha kaam kar rahi hai.

Mojoodah moqam tak puhachne mein kis cheez ka amal dakhal ziadah hai?

Mehnat aur niyat ka. is ke sath waldein ki duayein buhat zaroori hoti hain.

Production ka koi iradah hai?

Ji nahi, filhal mera aisa koi iradah nahi hai kiun mein mein adakari aur doosre kamon mein hi buhat masroof hon.

Farigh waqt mein kia karti hain?

Mujhe music aur kitabon ka janoon ki had tak shoq hai. Pasandida music sunti hon aur kitabein parhti hon.

Nayi zindagi ki shuruyaat karne ka kab tak iradah hai?

Pehle is zindagi se achi tarah lutf andoz to hone dein abhi zindagi meri apni hai aur rab ne mujhe be shumar nematon se nawaza hai, aap kiun chahti hain keh mein kisi aur ko apni zindagi mein shamil karke apni aazadi kho don behar haal yeh to mazaq ki baat hai jab qismat mein hoga to shadi bhi ho jaye gi, fil hal to sirf apne kaam par towajjah dena chahti hon.

Veena Malik
Aaaminah Haq
Hiba Ali
Malika Pukhraj
Natasha Ali
Mehdi Hassan
Sajal Ali
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved