World136 Logo  
Home>>Celebrity>>Natasha Ali Biography

Natasha Ali Biography

In showbiz there are some people who are successful in more than one sector. The name of Natasha Ali is one of these names. She is acting on TV from several years ago. She is successful in hosting sector. Natasha Ali reaches in this position after hard work. Nitasha Ali is very bussy actress. Natasha Ali works from Lahore and Karachi at a time. She belongs to Lahore but always she stay in Karachi for work. You can read in this page pakistani actress, pakistani actress natasha pics, famous actress natasha, famous actress biography, birthdays.

Natasha Ali Interview

Show biz ki dunya mein chand chehre ais bhi hain jo aik se ziadah shobon mein kamyab nazar aate hain jin mein aik naam Natasha Ali ka hai woh guzashtah kayi barson se television dramon mein acting key johar dekha rahi hai. Host

key tor par bhi kamyab hai is moqam tak puhachne key liye is ne mosalsasl jado jahad ki hai is waqt Natasha un chand masroof artist mein se hai jo Karachi aur Lahore donon jagah kaam kar rahe hain, bunyadi tor par Natasha ka talluq Lahore se hai lekin kaam key silsile mein us ka ziadah waqt Karachi mein hi guzrta hai.


Career ka aaghaz kab aur kaise hua?

Aaj se taqreeban 10, 12 saal pehle drama series misfits se career ka aaghaz kia tha, yeh aik comedy series thi aur is mein mera character buhat acha tha jis se mujhe kafi mqboolyat mili. Mein ise apni khush qisamti samjhti hon keh pehli series se hi kamyabi mil gayi aur is ki bunyadi wajah yahi thi keh achi team se mujhe support mili agar writer, director aur sath kam karne wale actor ache hon to hamein bhi aage barhne aur perform karne ka moqa milta hai.

Show biz mein aane key baad yahan adjustment hone mein koi mushkil to nahi huyi?

Kisi bhi mahole mein adjustment hona insan key apne ikhtiyar mein hota hia aur yahi us ki khoobi hoti hai keh woh har mahole mein apni shakhsiyat aur image key sath kam kar key moqam bana le, mein aik taleem yaftah larki hon aur achayi, burayi ki parakh kar sakti hon mere andar halat aur mahol ko samjhne aur us key mutabiq chalne ki salahiyat hai. Agar aap andar se mazboot hon to phir koi bhi aap ko noqsan nahi punhcha sakta hai. Is liye mujhe to is field mein apne aap ko adjustment karne mein koi problem nahi huyi .

Jitney serials kiye hain un mein apne kis character se buhat ziadah mutasir ho?

Ab tak Safaid Posh, Sukhan, Kaisi Nind ke Khwab, Dulhan, Khawab Nagar, Kali Ghatayein, Tip Tap, Kismat, Hera Pheri and Company, Dilruba, Roshni ki Dastak waghira mein kaam kar chuki hoon wise to jab tak mujhe kirdar mein mazbooti aur infaradyat nazar na aaye koi bhi offer qabool nahi karti, isi liye apna har kirdar mujhe acha lgta hai albatta chand character aise bhi hote hain jo hameshah aap key dil mein naqsh ho jate hain aur dekhne wale bhi inhein yaad rakhte hain Sufaid Posh Sukhan, Roshni ki Dastak aur Dulhan mein aise hi character mujhe mile khas tor par Dulhan aur Sukhan key kirdar mujhe buhat psand hain.

Kis tarah key kirdar pasand hain?

Mein ne kabhi yeh nahi socha keh kis noiyat ka character karna chahiye kiun keh ab tak har tarah key character kar chuki hon in mein negative, positive aur comedy sabhi character shamil hain, mein sirf yeh dekhti hon keh jo kirdar mujhe offer kia ja raha hai woh serial ya drame mein kitni ahmiyat rakhta hai aur is mein performance ki kitni gunjaish hai .

Acting key sath sath hosting ka silsilah kaise shuru hua?

Mujhe hosting ka bhi shoq tha aur jab is ki offer huyi to mein ne inkar nahi kia phir yeh silsilah bhi chal nikla ab mein acting key sath sath hosting bhi kar rahi hon waise bhi mere kheyal mein thori buhat tabdili hoti rehni chahiye aur hamein aoqaat khood bhi pata nahi hota keh hamare andar kia salahiyatein hain aur kaam karne key baad hi woh jorhar samne aata hai.

Modeling bhi karti ho?

Mera rujhan shuru se hi acting ki taraf raha hai is liye modeling key bare mein kabhi nahi socha hala keh offers hoti rehti hain aur kayi bar khyal keh is field mein bhi kuch karna chahiye ab soch rahi hon keh commercials karna shuru kar don.

Filmon mein kaam karne ka irada hai?


Nahi, mujhe filmon mein kaam karne se koi dilchaspi nahi hai aur hamare han film industry ka jo haal hai woh sab key samne hai, is tarah ki filmon mein kaam karne key bare mein koi kaise soch sakta hai.

Is field mein scandal banta aik aam si baat hai kabhi tumhare sath bhi aisa hua?

Yahan to yeh haal hai keh agar aap kisi key sath baith kar aik cup chaye bhi pi lein to doosre din akhbar mein khabar aajati hai lekin pure career mein abhi tak aik hi scandal bana jis ne mujhe kafi arse tak pareshan rakha. Ahsan Khan mera co stars hai aur us ke sath kafi kaam kar chuki hon us se achi dosti aur under standing hai lekin hamari dosti ko ghalat rung de kar khabron ki zinat bana dia gia.

Real life mein kisi se dil ka rishtah jorne ki nobat aayi?

Yaqinan woh din buhat jald aaye ga shadi aik haqiqat hai lehaza mein bhi apne mn-psand sathi se hi shadi karon gi mgar abhi us ka naam batane ka waqt nahi aaye jab shadi hogi to sab ko pata chal jaye ga.

Tags: pakistani actress, pakistani actress natasha pics, famous actress natasha, famous actress biography, birthdays

Veena Malik
Aaaminah Haq
Hiba Ali
Malika Pukhraj
Mehdi Hassan
Moin Akhtar
Sajal Ali
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved