World136 Logo  
Home>>Celebrity>>Noor Jahan Biography

Noor Jahan

Noor Jahan was born in Kasur, Punjab, British India on 21 September, 1926. She was one of the eleven children of professional musicians Madad Ali and Fateh Bibi. She began to sing at the age of five or six years old. She was also more interested in acting in films. She made a remarkable record of more than 10,000 songs in various languages in India and Pakistan. She sung in Urdu, Hindi, Punjabi and Sindhi languages.

Noor Jahan Biography in Urdu


Barre sagir mein jin aawazon ne karoron samaiton mein ras ghola aur kaan ke raste dilon mein ghar kar lia, in mein Madam Noor Jahan ki surili aur mutarn’num aawaz ko numayan moqaam hasil hai inhon ne Filmi Naghme, Milli Tarane, Geet aur Ghazlein kuch is tarah doob kar gayein keh inhein amar kar dia.

noor jahan
Noor Jahan ne 21 September 1926 ko Punjab ke qasbe Qsoor ke aik aise khandan mein aankh kholi jis ka orhna bichona hi mosiqi thi. In ka naam Allah Wasayi rakh gia tha. Noor Jahan ne funny safar ka aaghaz apni bari behnon Edan Bayi aur Haidari Bandi ke sath Kolkata mein stage performens se kia wahin inhein ibtadayi shuhrat naseeb huyi aur woh Allah Wasayi se Noor Jahan bani.

Baby Noor Jahanne apne filmi safar ka aaghaz bator child star kia. Hidayat kar K.D mehra ne inhein Punjabi film “Pind di Guri” (1935) mein cast kia tha aur Noor Jahan ne pehla naghma bhi isi film ke liye gaya tha. Do saal baad in ki film “Gul Bikaoli” ne box office par zabardast kamyabi hasil ki. 1940 mein Noor Jahan ne “yamla jat” mein kaam kia aur agle saal film “Chaudhary Films” mein apni aawaz ka jadoo jagaya. Isi saal Film Saaz Dilsukh Pancholi ne Noor Jahan ke sath Urdu film “Khandan” banana ki thani jis ke liye inhon ne Shokat Husaain Rizwi ki khidmaat bator director hasil ki. Yeh pehli film thi jis mein Noor Jahan ne heroine ka role nibhaya. Is waqt in ki umer mhaz 15 saal thi. Yahi woh moqa tha , jab in ke naam se Baby ke lafz ko hadaf kar dia gia. 1942mein release hone wali yeh film be had kamyam sabit huyi, jis ke baad Noor Jahan aur Shaukat Hussain Rizvi Lahore se Mumbai chale gaye aur shadi karli.

1942 se 1946 ke doran Noor Jahan ne Nokar, Dost, Duhayi, Nadan , Laal Haweli, Bhai Jan, Gaon ki Gori, Bari Maan, Zinat, Anmol Ghadi, Dil aur Hamjoli jaisi filmon mein apni salahiyaton ke johar deikhlaye. Zinat bator khas buhat kamyab sabit huyi jis ki qawali “Aahen na Bharin, Shikwe na Kiye” aaj tak logon ko yaad hai. Ise khawateen ki aawaz mein record ki jane wali pehli qawali samjha jata hai, jise Noor Jahan aur degar gulukaraon ne gaya tha. 1947 mein Noor Jahan ki do filmein “Mirza Sahiba” aur “Jognu” release huyi, jo box office hit sabit huyi. Jugnu mein Noor Jahan ke muqabil hero ka kirdar Dilip Kumar ne nibhaya, is film ke geet Yahan Badla Wafa ka………., Be Wafayi ke Sewa Kia hai, ko be panah maqboolyat hasil huyi.

Qayam e Pakistan ke baad aur Shokat Hussain Rizvi Mumbai se wapis Lahore aagaye, yahan in ki pehli film “Chan wey” kafi kamyab rahi. Film Dupatta ke gane “Chandi Ratein” ne mqboolyat ke naye record qaim kiye. Isi asna mein ikhtalafat ki bina par Shokat Hussain Rizvi aur Noor Jahan mein talaq ho gayi. 1969 mein Noor Jahan ne adakari tark kar ke sirf singing jari rakhne ka faislah kia tha. Yeh faislah ghalat sabit na hua aur jald hi Noor Jahan Malkah Tarannum ban kar sangeet ki dunya par raj karne lagi. Bator adkara gulukara in ki aakhri film Mirza Ghalib (1961) thi.

Noor Jahan ne filmi giton ke elawa buhat se namwar shora ka kalam bhi gaya. Faiz Ahmad Faiz ki ghazal “Mujh se Pehli si Muhabbat Mere Mehboob na Mang” aaj bhi dilon ko cho jati hai. 1965 ki jung ke moqa par Noor Jahan ke gaye huye Milli Naghme aur taranon ne puri qom ke andar goya nayi ruh phoonk di thi. 1968 mein nor jahan ke gaye huye dhamal “Dmadam Mast Qlandar” ne aisi mqboolyat hasil ki keh jin ki koi nazeer nahi milti.

1971 ka saal Pakistan aur Noor Jahan donon ke liye buat bhari sabit hua. Watan azeez ko mashraiq Pakistan se hath dhone pare jab keh Noor Jahan ko apne shohar aijaz se alihdgi ka sadmah uthana para. Shokat Hussain Rizvi aur Ijaz se Noor Jahan key 2 bête aur 4 betiyan hain.
1980 aur 1990 ki dayaion mein Noor Jahan ka gana har Pakistani film bilkhasoos Punjabi film ka lazmi juz hua karta tha. Lekin girti huyi sehat ne malkah tarannum par asar andaz hona shuru kar dia tha, inhein apni gaiki ko batadreej kam karna para. Noor jahan ne aakhri filmi naghma 1998 mein “Insaf Ho To Aisa” ke liye record karya tha. Madam Noor Jahan ke gaye huye naghmaat ki kul taada das hazar ke lag bhag batayi jati hai.

Madam Noor Jahan ki aawaz khuda daad atyah thi. Woh almiyah geet gatein to sur, siskiun mein badal jate aur bol aahein………… bn jate the. Jab tarbiya geet gatin to musarrat o shadmani ke dhare phootne lagte the…………!

23 December 2000 ko dunyaye mosiqi ka yeh Aarakhshan Aaftab Karachi mein doob gia magar kia zehnon mein pheli huyi roshni bhi kabhi mand parti hai, kia sinon mein mehfooz in ki aawaz ke khazane koi chura sktahia? Jab tak ba zoq samain zindah rahein gay Noor Jahan ki aawaz ki goonj madhim hogi na madoom.

Tags: madam noor jehan biography, noor jehan singer biography, pakistani singer noor jahan, noor jehan pakistani actress, biography in urdu, biography in hindi, noor jahan hindi.

Mehwish Hayat
Ahmad Rushdi
Madiha Shah
Resham
Reema Khan
Nusrat Fateh Ali Khan
Nazia Hassan
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved