World136 Logo  
Home>>Celebrity>>Reema Khan Biography

Reema Khan Biography

Pakistani Lollywood film actress, director and producer Reema Khan was born in Lahore. Khan started her film career starring in Javed Fazil’s Bulandi in 1990. She has appeared in more than 200 films since making her debut in 1990. On November 16, 2011 Reema Khan married with American cardiologist surgeon S. Tariq Shahab in Virginia. Rukhsati took place on November 18, 2011 and her Walima was held on 27th May, 2012 in Pearl Continental Hotel Lahore.

Reema Khan

Pakistani Lollywood film actress, director aur producer Reema Khan October 27, 1971, Lahore mein paida huyi. Reema khan ne apni career ka aaghaz 1990 mein Javed Fazil ki film Bulandi se kia. Reema ne 1990 se lekar ab tak takreeban 200 filmon mein adakari ki hain.

Reema ne jab apni pehli film Bulandi sign ki to us key waham o guman mein bhi na hoga keh woh sirf apne
career mein hi buland tareen moqaam hasil nahi kare gi balkeh taweel intezar key baad us ki zati zindagi ka safar bhi bulandi ki janib barhna shuru hoga is mein koi shak nahi ki Reema ne buhat kam umri mein apne fanny career ka aaghaz kia aur dekhte hi dekhte number one key rutbe par faiz ho gayi.

Qudrat ne use husn key sath sath zehanat se bhi nawaza hai chunan chah us ne buhat jald mehsoos kar lia keh is industry mein heroine ki umer buha km hoti hai lehaza use zawal se pehle hi kisi aur shobe mein bhi hath dalna chahiye phir woh production aur bhi hath dalna chahiye phir woh production aur direction ki tararf aayi aur Koi Tujh sa Kahan jaisi kamyab film se apne naye safar ka aaghaz kia.

Qudrat ne use husn key sath sath zehanat se bhi nawaza hai chunan chah us ne buhat jald mehsoos kar lia keh is industry mein heroine ki umer buha km hoti hai lehaza use zawal se pehle hi kisi aur shobe mein bhi hath dalna chahiye phir woh production aur direction ki tararf aayi aur Koi Tujh sa Kahan jaisi kamyab film se apne naye safar ka aaghaz kia.

Isi par bas nahi balkeh us ne chote parde par anchor person key tor par apni pehchan banayi aur kayi knocks show mein mulk ki namwar shakhsiyat se interviews kiye is tarah woh aik filmi adakarah se kamyab celebrity key roop mein dhalti chali gayi.

Doctor Tariq Shahab ne Geo channel key aik program mein Reema ko dekh kar faislah kia tha keh shadi karein gay to usi se aur apne bête ki marzi dekhte huye doctor Tariq Shahab ki waldah ne Reema key ghar rishtah bheij dia jis par kuch arsay tak ghor hota raha aur phir Doctor Tariq key khanadn aur un ki qaabliyat ko dekhte huye yeh rishtah manzoor kar lia gia.

Film industry ki top heroine aur phir director rehne key bawajood Reema ne faislah kia tha keh shadi Maan Baap ki marzi aur pasnd se karein gi chunan chah inhein Maan, Baap ki pasand key aage sar jhukane mein koi pareshani mehsoos na huyi aur yun sare muamlaat ba aasani tai pa gaye.

Eid key foran baad sirf chand qaribi logon ko ba khabar karte huye Reem aur degar family member America key liye rawanah ho gaye. Lahore mein Sahiba aur Rambo jaise qreebi dost jante the keh Reema jewan key sab se khoob surat safar par rawana huyi hai. Reema key Washington puhanchne key baad Doctor Tariq Shahab se us ki shadi ki khabar aam huyi aur phir reema ne tasdeeq ki keh bas chand hi dinon mein sari rasumaat tai ho jani hain.

18 November, Nikah aur rukhati ka din qarar paya. 19 November ko Waleema ki taqreeb huyi aur Pakistani doston ko is bari khushi mein shamil karne key liye buhat jald Lahore mein aik grand reception ki khabr bhi Reema ne di. Reema ki Behnein, Behnoyi aur Maan sab key sab is khas moqa par apni chaheti key sath mojood the magar walid ko kisi wajah se visa nahi mil saka.

Washington mein Reema aur Doctor Tariq Shahab key nikah key baad in key ghar mein aik taqreeb ka ahtamam kia gia jis mein dulha dulhan key sath in key waldain aur azeez o aqareeb ne shirkat ki is se qabal nikah ki taqreeb aik ghante tak jari rahi aur is doran mehmanon ki tawaza lazeez mashrubaat o degar cheezon se ki gayi.

Reema is shadi par buhat khush hai. Reema key susral mein sabhi aala tareem yaftah hain aik nand, dewar aur do jaith doctor hain, aik jaith shipment key karo bar se wabistah hain jabkeh aik nand pharmacist hain, doctor Tariq Shahab America key jane mane heart specialist hain aur Washington mein Amraz Qalb key saat bare hospital key visiting surgeon hone key sawa wahan key aik bare hospital key head bhi hain. Reema ne mazeed bataya keh nikah key baad us ki saas ne aik khoob surat Banglow bator salami pesh kia hai jabkeh husband ki janib se inhein BMW seven series ka bator munh dekhai mili hai.

Yun Reema ki fatohat ki hetrick mokammal ho gayi pehle us ne adakara key tor par kamyabi hasil ki phir hidayat kar aur ancher person key roop mein apna loha manwaya aur ab woh dil key doctor key dil mein basera karne mein kamyab ho gayi hum Reema key is naye safar key aagahz par us key liye neek tamanna ka izhar hi kar sakte hain.
 

Tags: Reema Khan history in urdu, Reema Khan biography, Reema Khan profile, Reema Khan Pakistani Actress, Reema Khan her family, Reema Khan birthday, Reema Khan ki shadi, reema khan wedding news in urdu.

Mehwish Hayat
Ahmad Rushdi
Madiha Shah
Resham
Noor Jahan
Nusrat Fateh Ali Khan
Nazia Hassan
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved