World136 Logo  
Home>>Celebrity>>Resham

Resham Biography

Pakistani film, television and theater actress Resham was born in 22 October in 1972 in Lahore. in 1995 She dubuted with Syed Noor's film, Jeeva. she has appeared in more than 200 Pakistani films in leading roles. Jeeva, Sangam, Dupatta Jal Raha Hai, Jannat Ki Talaash, Muhabbat Hai Kya Cheez, and Guns and Roses are her notable films

 

Pakistani Actress and Model Resham

Jab Resham ne filmi dunya mein qadam rakha to is ke bare mein kaha gia keh yeh dhan pan si larki lollywood mein nahi thehar skti. Lekin Resham ne sabit kia keh woh mustqail mizaj aur mehnat karne ka fun janti hai. Is ne apne 17 salah filmi career mein buhat se drame, films aur commercial kiye. Bqol Resham mein ne ab tak buhat se logon ke

resham in urdu

sath kam kia hai aur mein khood ko buhat khush nasib samjhti hon keh mein ne behtareen acters ke sath kaam kia. Apne 17 saal career mein mujhe kabhi apne kisi faisle par pachtawa nahi hua. Hameshah senior ne mujhe jaga di aur mera buhat kheyal rakha. Ab mein is position mein hon keh apni junior ko sikha sakon. Resham ke nazdeek televition aik hassas medium hai jahan kaam karne ka marjin buhat ziadah hota hai. TV par adakari ke doran aik chote se medium par chehre ke tasurat aur body language ka kheyal rakhna parta hai, jabkeh film mein ghalti ki gunjaish rehti hai kiun keh is medium mein sinema ke bare parde par dhang ke doran bhi ghaltiyon ko kia ja skta hai. Kuch bhi kaha jaye lekin Resham in donon mediums par kamyab adakarah hi kehlayi jati hai. Punjabi filmon mein kaam karne ke mutalliq Resham kehti hai keh mein yeh nahi kahon gi keh mujhe Punjabi filmon mein kaam karne par koi pachtawa hai lekin aap ke samne Churyan aur Majajan jaisi Punjabi filmon ki misalein hain. Syed Noor ki filmein jis waqt Box Office par hit ho yein to Resham is waqt bhi loolywood ki kamyab heroine tsleem ki jati thi. Resham ko Urdu filmon ke liye mozon heroines yun bhi kaha jata hai keh is ki madri zuban Urdu hai aur woh aisi filmon mein bakhoobi adakari kar skti hai.

Resham ab bhi Pakistani film industry ke mustqbil ke bare mein pur umeed hai. Ise lgta hai ab bhi behtari ke mawaqa ziadah hain. Reema aur Shoaib Mansoor ki kawishon ne loolywood ke mustqbil ka faislah kar dia hai yeh filmein bainul aqwami meyar ke mutabiq filmayi gayi hain. Yahan mslah sara yeh hai keh produser filmein produce karna chahte hain lekin bollywood aur Hollywood ki quality se match karne ke liye in ke pas budget nahi hai. Lighting, sets aur degar wasail ki adam dstiyabi ki wajah se meyari filmein banana mushkil hai Resham ki khush nasibi hai keh is ne jis waqt loolywood mein kamyabi ke jhande garhe woh waqt lollywood ka sunahra dor tha.

Resham kehti hai keh hamare yahan screen play writers bhi aisa kaam nahi kar rahe jis ki zaroorat hai. Yahi wajoohat hain jin ki wjah se audience ko meyari films dekhne ko nahi mil rahin. Punjabi filmon ke liye makhsoos sets aur kheton ki location ab tak istemaal ki jati hai jbkeh agar bollywood filmon ka jaiza lia jaye to wahan ziadah tar filemin beroon e mulk filmayi jati hain jis ki aik wajah to filmon mein dilchspi paida karna aur doosri wajah filmon par kharch kiye jane wale budget ka mark up hasil karna hai. lekin mein pur umeed honk eh buhat jald hum bhi cinema mein logon ko wapis lane mein kamyab ho jayein.

Har doosre adakar ki tarah resham ko qati shoq nahi keh woh bollywood jaye . ise ab tak wahan se kam ki offers bhi nahi mili hain. Resham ke nazdeek insan ko wahin kam karna chahiye jahan woh rehta hai kiun keh is tarah se ise apne zehan aur mahol mein kam karne ki aazadi aur ikhtiyar hota hai. Resham thik hi sochti hai kiun keh har insan ki infaradi salahiyatein mukhtalif hoti hain aur woh yeh chahta keh is ki salahiyaton ko zang na lage.

Woh apne mn psand adakaron ki fehrist mein lollywood se Shan aur Moammar Rana aur Televition se Ahsan Khan ko shamil karti hain. Resham ko in adakaron ke sath kaam kar ke buhat kuch sikhane ko mila. Mashhor drama serial aatishi mein aik bangoli larki ka kirdar ada karne ke hawale se Resham kehti hain keh yeh mere liye buhat mushkil tha kiun keh mein bangali bilkul nahi janti. Mere liye yeh kisi challenge se km na tha is ke liye mein ne buhat practice ki. Log kehte hain mein ne is kirdar ko bakhoobi nibhaya aur yaqeen janye mujhe bhi buhat maza aaya.

Resham zati zindagi mein model o actress se hat kar aik sadah mizaj mature larki hai jise apne aap par bharosah hai keh woh jo kar rahi hai durust hai. Shadi ke hawale se Resham ka jawab hamesha yahi raha hai keh mein fil hal kaam ki wajah se buhat masrooof hon. Magazeen ke liye fashion shows aur choti screen par adakari ke johar dekhane wali Resham ab 90s ki dahayi ki alhar hasinah nahi hai woh is waqt chand projects par kaam kar rahi hai. In mein kayi drama sirials shamil hain. Resham ne falahi kamon mein bhi hissah lina shuru kar dia hai. Pichle dinon is ke hawale se aik falahi adare ko ambulance aur raqam donate karne ki khabrein bhi manzar aam par aayein is bare mein Resham ka kehna hai keh mein janti hon yeh koshishein buhat km hain lekin mein samjhti hon keh ache kaam ki ibtada aasani se ho jaye to acha hai. Is mein der sawer be shak Allah ki maslahat hai. Mein chahti hon keh jo bhi kaam karon aisa karon keh khood ko mutmain kar skoon mere liye doosron ki raye se izdah khood mutmain hona ahum hai.
Resham ke bare mein naqdeen ka kehna hai keh is waqt is ke uthne wale qadam dururst simt kamzan hain . woh TV ki kamyab adakarh bn skti hai aur ab bhi hai. Ise mehnat ki nahi balkeh durur faislah sazi ki zaroorat hai. Ab dekhna yeh hai keh Resham ki yeh simt kb tak durust rahe gi.

Popular Movies

Aanchal
Aaj Ki Ladki
Aatif Choudhry
ALLAH Rakha
Ajj Da Badmash
Butt Badshah
Bandish
Budha Gujjar
Budha Sher
Baghawat
Barood
Chor Machaye Shor
Chupke Chupke
Dunia Dekhe Gi
Dupatta Jall Raha Hai
Do Boond Paany
Dekha Jaye Ga
Dil Kach Da Khadona
Dacait
Dada Badmash
Dosa
Darinda
Foja Amartasriy

Gulabo
Gharana
Ghunhat
Guns N' Roses
Haseena Numberi Aashiq Dus Numberi
Ik Dhi Punjab Di
Inteha
Jugga Baloch
Kudyon Ko Dale Dana
Jeeva
Jazba
Jannat Ki Talaash
Kaheen Pyar Na Ho Jaye
Koyla
Kudiyan Sher Diyan
Kundan
Kahan Hey Qanoon
Kabhi Haan Kabhi Na
Laaj
Larra Punjab Da
Love 95
Munna Bhai
Mustufa Khan
Manila Key Jasus
Mere Mehboob
Munda Rung Rungeela
Muhabbat Hai Kya Cheez
Muhlat
Pehla Pehla Pyar
Pagdi Samhal Jutta
Pal Do Pal
Roti Goli Aur Sarkar
Raju Rocket
Raqaasa
Reshma
Rukhsati
Sher-e-Pakistan
Sher-e-azam
Sharafat
Sangam
Ishtihari
Tohfaa Pyaar Da
Tarap
Toofan
Uff Yeh Bewiyan
Very Good Dunya Very Bad Loag
Wada Choudhry
Wirasat
Yeh Wada Raha
Yes Boss

 

Tags: resham actress, resham biography in urdu, resham model, pakistani actress resham

Mehwish Hayat
Ahmad Rushdi
Madiha Shah
Noor Jahan
Nusrat Fateh Ali Khan
Nazia Hassan
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved