World136 Logo  
Home >> Health Care >>Asthma Treatment-Damma ka Ilaj-Hindi-Urdu

Asthma Treatment

Asthma is a disease affecting the airways that carry air to and from your lungs. Asthma symptoms may be triggered by exposure to an allergen such as ragweed, pollen, animal dander, smoke, chemical fumes and extreme weather conditions. Symptoms include coughing, shortness of breath, and chest tightness. If you or a loved one has asthma, there are many effective medicines to treat asthma. Types of long-term control medications include Inhaled corticosteroids, Leukotriene modifiers, Long-acting beta agonists, Combination inhalers and Theophylline. Types of quick-relief medications include Short-acting beta agonists, Ipratropium (Atrovent), Oral and intravenous corticosteroids. You can read briefly about asthma in Urdu and Hindi.

You can find in this page asthma in urdu, asthma treatment in urdu, asthma causes in urdu, asthma symptoms in urdu, asthma cure in hindi, asthma causes and treatment in hindi, damma ka ilaj, dama ka desi ilaj, dama ka ilaj hindi me, dama ka desi ilaj in urdu, dama ka rohani ilaj, sans ki bimari ka ilaj, dama ki bimari ka ilaj,

Damma ka Ilaj-Hindi-Urdu

Damma sans ki naliyon ka aarza hai, jo in naliyon ki sozish ki wajah se lahaq ho jata hai, wazah rahe keh yeh sozish kisi had tak juzwi hoti hai. Yeh aik morusi marz hai, jo umer ke kisi bhi hissay mein lahaq ho skta hai. Tahum morasyat ke elawa bhi kayi awamil marz lahaq hone ka sabab ban sktay hain.

Asthma Causes in Urdu, Hindi

Dammay ki mukhtalif wajoohaat ho skti hain. Mslan mitti, dhool, polan, janwaron ki khaal, sine ka infection, tambako noshi, jazbaati dabao aur makhsoos adoyah waghairah. Tahum baaz khane pine ki ashya jaise moong phali, khushk mewah jaat waghirah bhi sabab ban jatay hain. Agar kisi fard ko khane pine ki ashya se allergy ho, to makhsoos test ke zariye sab se pehle allergy ki wajah maaloom ki jati hai, khas tor par Islamabad mein pollen allergy ke waqeyaat khase aam hain to Europe samet woh tamam mamalik jahan paltoo janwar rakhne ka rawaj hai, wahan is tarah ki allergy ke cases ziadah report hote hain. Wazah rahe keh wo awamil jo dammay ki wajah hon ya marz ka ilaj mushkil banayein, unhein tibbi istalah mein "Trigger" kehte hain. Jin ki tashkhees aur un se parhaeiz zaroori hai.

Bachon mein Dama ki Wajoohat

Pakistan mein bachon mein dammay ki mukhtalif wajoohat hain, jo morusi bhi hoskti hain. Dorane hamal tambako noshi ke asraat bache par murattab hote hain. Is ke elawah qabal azwaqt zachgi aur dhowein ke natijay mein sinay ka infection bhi wajah ban sktay hain. Jab keh anti biotic ka ghair zaroori istemaal aur no molood ko maan ke doodh ki bajaye dabbay ka doodh plana bhi marz mein mubtila hone ke imkanaat barha deta hai.

Asthma Symptoms-Dama ki Alamat in urdu

Saans ka phoolna, dammay ki ahum alamaat mein se aik hai. Is halat mein sans lete huye sitiyon ki aawazein aati hain. Sans lene mein dushwari mehsoos hoti hai ya phir khansi ki shikayat ho jati hai. Aam tor par yeh alamat subah aur sham ke auqaat mein zahir hoti hain, jin ki shiddat kabhi kam to kabhi ziadah hoti hai. Baaz auqaat yeh tamam tar alamaat khatam bhi ho jati hain, lekin dhool mitti aur sard mausam mein phir zahir ho jati hain. Bachon mein bhi yahi alamaat zahir hoti hain. Dammay ki aik aur khas alamat, raat mein khansi hona bhi hai. Yaad rakhye, lazmi nahi keh yeh tamam alamaat dammay ki nishan dahi karein.

Asthma Diagnosed -Damma ki Tashkhees

Dammay ki 80% tashkhees mareez ki history aur tibbi muaine hi se ho jati hai, lekin zaroori test bhi karwaye jate hain. Mslan spirometry waghirah. Yeh sab se aam aur mustand test hai. Elawah azeen baaz test aisse bhi hain, jin ki shaaz o nadir hi zaroorat pesh aati hai. Wazah rahe keh panch saal se kam umer bachon mein dammay ki tashkhees mushkil hoti hai, kiun keh amooman teen saal ki umer mein bachon ko sine ka maamoli infection ho jaye, to wahi alamaat zahir hoti hain jo dammay ki hain. Teen saal se kam umer bachon ka test zara mushkil hi hota hai.

Asthma Treatment-Damma ka Ilaj

Damma aik qaabil e ilaj marz hai. Jis par qaabo pakar sehat bakhsh zindagi basar ki ja skti hai. Is zaman mein ilaj mualjay ke sath parhaiz aur ahtiyati tadabeer lazim o mulzim hain. Pakistan mein dammay ke ilaj ke hawale se mowassar adoyah dasteyaab hain, jo sirf aik mahir mualij hi tjweez kar skta hai. Waise marz ke ilaj mein inhelar aur makhsoos capsule khase akseer hain. Hamare muashray mein yeh tasawwar aam hai keh inhelar ka istemal durust nahi, jo sarasar ghalat hai. Yaad rakhye, inhelar dammay ka jadeed aur mowassar ilaj hai. Jis ke muzir asraat bhi ziadah nahi hote, lekin is ka istemaal sirf mualij hi ki hidayat hi par kia jaye. Ba soorat e degar koi pecheedgi bhi ho skti hai. Damma chun keh aik tkleef dah bimari hai, is liye mareez ko fori relief dena zaroori ho jata hai.

Asthma Precautions in Hindi- Ahtiyati Tadabeer

Agar ahle khana mein se koi fard is marz ka shikar hai to ghar ke tamam afrad par yeh zummay dari aaid hoti hai keh mareez ka bhar poor kheyal rakha jaye aur is baat par khas tawajjah di jaye keh woh kon si adoyah(medicine) ya ghizayein hain, jin ke istemaal se marz mein shiddat paida ho jati hai. Yeh baat zehan nasheen karlein keh damma kabhi bhi aik fard se doosray mein muntaqil nahi ho skta hai. Mareez ke sath khane pine aur sath rehne mein koi qabahat nahi, albattah thori buhat ahtiyaat zaroori hai. Mareez hi nahi degar afrad bhi aaloodgi se bachein, khas tor par gariyon ke dhoyein aur jaraseem kash spray waghirah se. Is zaman mein motorcycle sawar mask ka istemal kar skte hain, kamray mein jab mosquito spray kia jaye, to khuli fiza mein rahein aur jab spray ki khushboo khatam ho jaye, to kamray mein jayein. Cigarette noshi bhi dammay ka aik bara sabab hai, is se ijtenab bartein aur agar koi doosra afrad ko tambacoo noshi karay, to is se faslay par baithein. Baaz afrad ko perfumes aur hair colour se bhi allergy ho jati hai, woh bhi in ke istemaal mein ahtiyaat bartein. Khas tor par badalti ruton mein apna khas kheyal rakhein, achanak thanday mahol se garmi mein aur garam fiza se thanday mahol mein jane se parheiz karein, kiun keh achanak badlta mausam aur mahol jismani nizam par asar andaz hota hai. Jahan tak ghiza ka talluq hai to tibbi mahereen ki jadeed tehqeeq ke mutabiq doodh, chawal aur kelay ka dammay se barah rast koi talluq nahi

Warning: This site provides general information about your health. for more information and treatments please contact your doctor.

Health Care
Hamla Aurat ke Liye Tips
Low Calories Diet in Urdu
Malaria in Urdu
Mango Benefis for Skin and Health
Masaj and Malish
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved