World136 Logo  
Home >> Health Care >>  Benefit of Apple in Urdu

Benefit of Apple in Urdu

Apple iron, phosphorus is present in sufficient quantity. 100 grams of apples Protein 0.2%, minerals 0.3%, carbohydrate 13.4%, calcium 10mg, phosphorus 14mg, iron 1mg, vitamin A 40 I unit, vitamine E, H and B complex and some amounts of calories is 59.

Apple constipation and diarrhea have proven useful in both cases. Raw apple is useful for constipation while boil or fried apple is useful for diarrhea. Apple is useful for all kinds of headaches. Apple is beneficial for heart patients. Potassium and phosphorus large amounts in apples, while there is little sodium. From ancient times apple with honey is used to treat heart. For high blood pressure patients apple is priceless gift. For removed dry cough take 250gm apple daily for a week.

 

Saib ka Faida:

Saib be panah ghizayi salahiyat rakhne wala phal hai. Is mein wafir moqdar mein madani aur hayatini ajza paye jate hain.

Saib key 100 gm mein ratoobat

Humidity 84.6%, protein 0.2%, minerals 0.3%, reshah 1.0%, carbohydrate 13.4%, calcium 10mg, phosphorus 14mg, iron 1mg, vitamin A 40 I unit, vitamine E, EH aur B complex ki kuch moqdar aur calories 59 hoti hain.

Saib ko kacha khana hoto is ka chilka nahi utarna chahiye. Is key chilke ki andarooni the aur is key niche paye jane wale gude mein vitamin C ki moqdar ziadah hoti hai.

Khoon ki Kami

Saib mein iron, phosphorus wafir moqdar mein paye jate hain. In ki badolat is marz ka tadaruk saib key taza juice se kamyabi key sath kia ja skta hai. Saib ka juice rozanah aik kg moqdar mein lena mufeed nataij deta hai. Juice pine ka behtareen waqt khana khane se adha ghanta pehle aur raat ko sone se pehle hai. Yeh juice ache aur muntakhab kardah saibon se khoob achi tarah dho kar aur kuchal kar nikalna chahiye.

Qabz aur Ishal

Saib qabz aur ishal donon amraz mein aik jaisa kar aamad hota hai. Kache saib qabz door karne key liye munasib hote hain. Rozanah itminan bakhsh ajabat key liye do saib khana zaroori hain. Boil ya bhune huye saib ishal ko door karte hain. Aag peh pakane key amal se saib key khalwi made narm ho jate hain aur fazle ko garha karne wala mawad muhaiya karte hain.

Mede ki ba Qaidgiyan:

Meday ki kharabi mein saib ko qudrati dawa key tor par istemal karne key liye ise tukron mein kaat kar is tarah kuchla jaye keh tamam guda narm aur bhur bhura ho kar malidah ban jaye. Ab is maliday par shakh nahi jabkeh chilka shamil hona chahiye. Yeh malidha khate huye nigalne se pehle khoob chibaya jaye. Is dawa ko baqaidah khanon key waqfay key darmiyan mutaddid baar lena ziadah mufeed rehta hai. Saib ka hammah geer tibbi afadyat rakhne wala madah pecteen, maliday mein mojood hota hai. Woh meday ki deewaron par aik hifazati the jama deta hai. Is ki jazb karne aur kharash ko kam karne ki taseer sakoon bakhshiti hai.

Bareek kate huye saib mein aik khane ka chamcha shehad aur til chirak kar khana meday key liye maqwi aur ishteha angeiz hota hai. Ise do pehar ya raat key khane se pehle istemaal karne chahiye. Is se meday ki hazim ratoobatein mutahri hoti hain aur khana khoob hazam ho kar jazu badan banta hai.

Sar Dard

Saib har tarah key sar dard mein buhat mufeed hai. Aik khoob pake huye saib ka chilka utar kar aur beej wala sakht hissah nikal kar rozanah subah namak key sath khana kisi bhi qisam key sar dard ka khatmah karta hai. Ise thore se namak key sath khali pait khana chahiye. Mosalsal aik hafte tak is ka istemaal shaded qisam key purane sar dard se bhi nijat de deta hai.

Dil ke Amraz

Dil key marizon key liye saib nehayat umdah phal hai. Is mein potassium aur phosphorus ki moqdar ziadah jabkeh sodium ki moqdar buhat qleel hoti hai. Zamanah qadeem se shehad key sath saib ka istemal dil ki be qaidgiyon key liye mowassar ilaj samjha jata hai.

High Blood Pressure

High blood pressure key marizon key liye saib anmol tohfah hai. Saib ka istemaal pishab awar asrat ki badolat jism se pishab ki moqdar aur akhraj mein izafah karta hai jis key natije mein blood pressure kam ho kar maamool ki satah par aajta hai. Yeh sodium chloride (salt) ki supply ko kam kar key gurdon ko bhi aasudah karta hai.

Gathya aur Joron ka Dard

Jism mein uric acid key zehrile asrat barh jane ki wajah se gathya joron key dard aur sujan ki kefyat mein saib aik umdah tareen ghizayi ilaj qarar paya jata hai. Saib mein mojood milk acid uric acid ka bhar poor taryaq hai, chunanchah mazkoorah marz mein afaqah deta hai. Saib ko boil kar key gathya se mutasirah hisse par malna dard se nijat deta hai.

Khushk Khansi

Khush khansi jis mein khankhanti hoyi aawaz payi jaye, door karne key liye mithe saib nafa rehte hain. Aik hafte tak rozanah 250 gm saib khana, aisi khasni kafoor karta hai.

Gurdon ki Pathriyan

Saibon key zariye gurdon ki pathriyo se nijat pana aazmodah aur maroof ilaj hai. Jin mulkon mein kache saib ka qudrati tarsh jouce istemaal karne ka rujhan paya jata hai, wahan pathriyon key waqiyat na hone key barabar hain tahum pake huye tazah saib bhi buhat mufeed hain.

Danton ki Bemariyan

Saibon ka baqaidah istemaal danton key inhatat ko rokta hai kiun keh in mein aise ajza paye jate hain jo danton aur masoron ko saaf aur sehat mand rakhte hain danton key mahereen ka kehna hai keh munh ko saaf rakhne ki salahiyat jis qadar saib mein hai, kisi aur phal mein nahi. Khana khane key baad saib khana aise hi hai jaisa keh aap tooth brush istemaal kar key dant saf karte hain.

Taqat aur Quwat mein Izafah

Insani sehat ko bhar poor andaz mein bar qarar rakhne wale mukhtalif dakhli nizam agar kamzor aur zaeef ho jayein to saib inhein phir se mustaad aur mowassar banana key liye behtareen khorak hai. Yeh tamam ahum aaza ki khamyan door ka key jism ko mazboot aur tawana banata hai. Yeh jism aur dimagh donon ko quwat deta hai. Kiun keh yeh kisi bhi phal ya sabzi ki nisbat buhat ziadah moqdar mein phosphorus aur iron rakhta hai. Doodh key sath saib ka baqaidah istemaal achi sehat aur jild ko khoshnuma aur chamakdar banata hai. Is ki taseer miskan aur aasudgi bakhsh hai. Chunanchah ziadah waqt baith kar kaam karne walon key liye buhat mufeed hai.

Istemaal

Saib amooman kacha (darakht peh paka hua) baqaidah khanon key baad istemaal kia jata hai. Ise salad key tor par aur degar phalon key sath bhi khate hain ise paka kar bhi khate hain. Is ka jouice, jelly aur sirkah bhi istemaal karte hain.is ka tazah juice phalon key behtareen juice mein se aik hai.

Ahtiyat

Saib kabhi bhi khali pait na istemaal karein kiun keh yeh bad hazmi ka sabab bhi ban jata hai. Saib key peron(tree) par amooman zehrile spray kiye jate hain. Phlon ko mehfooz rakhne key liye bhi is par spray kia jata hai. Is liye khane se pehle ise khoob achi tarah dho lena chahiye.

Tags: high blood pressure in urdu, Joron ka Dard, danton ki bemariyan, dil ke amraz, sar dard, saib ke faide, saib kay faiday, benefit of apple in urdu, benefit of apple in hindi.

Warning: This site provides general information about your health. for more information and treatments please contact your doctor.
Benefit of Fish
Benefits of Ginger
Benefit of Grapes
Benefits of Honey in Urdu
Benefit of Minerals

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved