World136 Logo  
Home >> Health Care >> Benefits of Fenugreek

Benefits of Fenugreek

Fenugreek plants are 30-80 cm tall, straight, strong and fragrant seasonal plant. Its leaves are 2-2.5 cm long, light green and dense. Flower is yellow and thin, pointy fruit. The seeds are yellowish brown which has Special Fragrance.

Fenugreek seed nutrition per 100 grams calories 323, cholesterol 0mg, sodium 67mg, potassium 770 mg, vitamin A, 1%, Vitamin C 5% calcium 17%, Iron 186% vitamin, Vitamin B6 30%, Magnesium 47%.

The Uses of Fenugreek

Fenugreek seeds, dysentery, diarrhea and digestion are beneficial to all. Fenugreek seeds are useful in anemia disease because they have enough iron. Respiratory tract infections, bronchitis, influenza, inflammation of the nose and in the early stages of pneumonia, fenugreek tea have proven very useful. Fenugreek tea helps to remove fever and mucus helps remove out. Fenugreek tea is beneficial for ulcers treatment. Fenugreek seeds is very useful for eliminate of hair dandruff.

You can read in the following pechis ka ilaj in urdu, khansi ka fori ilaj, balgham ka desi ilaj, methi ke fawaid, methi dana k faiday, methi ke beej ke faide, methi ka istemal, nizam e hazam, khoon ki kami ka ilaj, bukhar ka ilaj in urdu, methi ki chai, saans ki takleef ka ilaj in urdu, saans ki bimari ka ilaj in hindi, saans ki badboo, diabetes ka ilaj, khushki sikri ka ilaj, muh ke chalo ka totka, gale ki kharash ke liye, nani amma k totkay in urdu, haiz ka band hona, yaddasht badhane ke tips in urdu and hindi

 

Methi ke Fawaid, Methi Dana k Faiday

Methi 30-80 centimeter uncha, sidha, tez khushboodar qavi aur mosami poda hai. Is ke patte 2-2.5 centimeter lambe, halke sbz aur ghane hote hain. Phool zard aur ptle nok
methi ke fawaid
Methi mashriqi Europe aur Ethiopia ke elaqah ka poda hai. Ise qadeem zamane se ghiza aur dawa donon tarah se istemaal kia ja raha hai. Behre Rom ke sahil aur Asia ke rehne wale is ki afadyat se purane zamanon se aagah hain.

Methi ke 100 garam patton mein chimiyi tjziye ke mutabiq 1.86 % ratoobat, 4.4 % protien, 0.9% chiknayi, 1.5% maadinyaat, 1.1% reshe aur 60% carbohydrate. Is ke madeni aur hayatini ajza mein calcium, phosphorus, iron, carotene, thiamin aur vitamin C shamil hain. Ghizayi salahiyat 49 calories hai.

Methi ke beejon mein 13.7 % ratoobat, 16.2% protein, 5.8% chiknayi,1.0% madenyaat, 1.2% reshe aur 44.1% carbohydrate paye jate hain. In ke madeni aur hayatini ajza aur hayatini ajza mein calcium, phosphorus, carotene, thiamin numayan hain. Methi ke bijon mein mutaddid khar yani alkaid bhi paye jate hain. 100 gram methi ke bijon ki ghizayi salhiyat 333 calories hai.

Methi ka Istemal

Methi mein shandar qisam ki tibbi khoobyan paayi jati hain. Is ka ba qaida istemal jism ko saaf aur sehat mand rakhta hai. Is ke beej makhsoos qisam ki khoshboo rakhte hain. Yeh sard mizaj aur mutadil qisam ke jalab awar hote hain. Jild pe paida hone wali kharash aur soojan ke sath sath dard ko door karte hain. Ratoobaton mein izafah aur pishab ko rawan karte hain. Riyah ka khatmah aur chaati ke doodh mein kasrut lane mein madad dete hain. Kisi bhi tarah ke khoon ke akhraj ko rokte aur quwat bah ko mutahrik karte hain. Yeh badan ki andarooni safai karne mein umdah mskan aur mohrik hain.

Nizam e Hazam ka Ilaj

Bd hzmi ki islah ke liye methi ke beej nafa hain. Riyah ke khatmah aur jigar ki islah mein akseer qarar diye jate hain. Uble huye aur makhan mein bhoone huye beej sfra ka tadaruk hain. Methi ke beej kolanj, riyah, pechis, ishal aur fasad hazam ko theek karne mein bhi mufeed hain.

Khoon ki Kami ka Ilaj

Methi ke beej khoon banana mein muawin hain. Pakaye huye patte enemia (khoon ki kami) aur baloghat ki sarhad peh qadam rakhne wali larkiyon ke masail hal karne mein aazmodah hain. Beej bhi enemia ke marz mein mufeed hain. Kiun keh in mein iron ki mqdar kafi hoti hain.

Bukhar ka Ilaj

Methi ke bijon se bni chai taseer mein koneen jaisa amal karti hai aur bukhar utarti hai. Yeh chai mufrah aur mskan hoti hai. Methi ke beej pani ki nami pakar kisi had tk luab dar ho jatay hain. Chunancha in se tiyar hone wali chai balghami mawad ko tehleel karti hai.

Methi ki Chai Maday ki Sozish ke Liye Faida Mand

Methi ke bijon ki chai sozish zada meday aur aanton ko maamool peh lati hai. Mede ko saaf karti hai. Intriyon aur gurdon ke sath sath sans ki nali se balghami mawad kharij karti hai. Meday ke ulcer ka shafi ilaj hai. Kiun keh bijon ka luab dar madda meday ki diwaron peh hifazati teh bicha deta hai. Yahi kaifyat aanton mein bhi paida ho jati hai.

Saans ki Takleef ka Ilaj

Sans ki naliyon mein infection bronchitis, influenza, naak ki haddi ki sozish, nazlah aur namooniya ke ibtedai marhalon mein sans ki naliyon mein paida hone wali infection ko khatam karne ke liye methi ki chai buhat moassar sabit hoti hai. Is se pasina ka akhraj, zeharile madon ka khatmah aur bukhar ka doranyah kum ho jata hai. Rozana char cup tk yeh chai pi jati hai. Kaifyat behtar hone par yeh mqdar kum ki ja skti hai. Is chai ka zaiqah behtar banana ke liye lemon ke ras ke chand qtre aik cup mein dalna kafi rehta hai. Lekin is ilaj ke doran koi aur khorak ya ghiza nahi leni chahiye. Kiun keh afaqah ki halat mein sans ka amal behtar ho jata hai. Chand dinon ke istemaal se nizam tanaffus bilkul theek ho jata hai.

Saans ki Badboo

Methi ke bijon ki chai saans aur badan ki nagawar boo ka bhi khatmah karti hai. Jism se paida hone wali nagawar boo jama ho jane wale gande zeharile madon aur sakht balghami mawad ka natijah hoti hai jo naak aur munh ke elawah meday aur intriyon pishab ke raste, khoon ki naliyon aur indam hani mein jama ho jate hain. Methi ki chai baqaidgi se pina in ganday ijtamaat ke saray jism se akhraj ka sabab banta hai.

Diabetes ka Ilaj

Methi ke beej sugar(diabetes) ke liye bhi khaye ja skte hain. In ke maamool ki mqdar rozanah doodh ya shorbe mein do chaye ke chamche bijon ka safoof hai. 2 tsp beej salam surat mein bhi chibaye ya nigle ja skte hain. Aik aur mutbadil tariqah yeh hai keh inehin pani ke aik cup mein raat ko bhigo dia jaye aur subah is pani ko pi lia jaye.

Balon ki Khushki/Sikri ka ilaj

Baalon se khushki sikri ke khatmah ke liye bhi methi ke beej buhat kar aamad hain.

2 tbsp beej raat ko pani mein bhigo diye jayein. Subah ke waqt in ke narm ho jane walay bijon ko achi tarah pees lia jaye. Phir in ka lap sar per kar ke aadh ghanta tk yunhi rehne dia jaye. Baad azan rithe ya shika kayi ke mehlool se achi tarah dho lia jaye. Methi ke tazah patton ka paste sar dhone se pehle balon mein lagane se khushki sikri door ho jati hain.

Munh ke Chalo ka ilaj

Methi munh ke zakham mandmal karne mein madad deti hai. Is ke patton ka bana garha gharaon ke zariye munh ke zakham mandmal karta hai. Aur tskeen milti hai.

Gale ki Kharash ke Liye

Methi ke bijon se bane joshanday ya karhe se gharara galay ki amoomi kharash theek karne ke liye behtareen hai. Gharay karne ke liye banaya jane wala karha chai se ziadah tez hona chahiye. Is ke banana ka tarika yeh hai.

Aik liter pani mein do khane ka chamcha methi ke beej daal kar inhein halki aanch par aadhe ghante tak ubala jaye. Phir kamre ke darjah hararat ke mutabiq thanda kar ke chan lia jaye. Tamam tar karhe ke gharare karne chahiye.

Methi ke Aur bhi Buhat se Faide

Methi ka istemaal aap ke blood aur urine mein glucose ko sahi moqdar mein banaye rakhta hai.

Agar aap qabz se hain pareshan to methi ka kuch din regular istemaal karein.

Baalon ko nikhar dene ke liye dahi mein methi dana daal kar baalon mein lagayein.

Methi ke patte ke paste aap ki skin ke dryness aur rashes ko khatam karne mein mufeed hai.

Methi khane se haiz aur pishab khul kar aata hai aur masane ko taqat deti hai. Masane ki sardi mein methi sb se kamyaab ghiza aur dawa hai.

Methi kamar dard aur dard e jigar ko door karti hai.

Haiz band ho to methi ubaal kar is ka joshanda pilayein, haiz ki har rukawat ko door kare ga.

Methi balon ke liye buhat faida mand hai jab bhi aap sardiyon mein hena karein to methi dane ka powder bhi add kar skte hain takeh henna ka cooling impact kum ho jaye.

Methi ka istemaal aap ke yaaddasht ko bhi behtar karta hai. Methi ko apne diet mein shamil karein aur rakhein apni sehat hari bhari.

Warning: This site provides general information about your health. for more information and treatments please contact your doctor.

Benefis of Ajwain in Hindi
Benefit of Carrots
Benefit of Coriander
Benefit of Dates
Benefit of Fish
Benefits of Ginger
Benefit of Grapes
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes


counter for tumblr

@Copy Rights 2011 world136.com All Rights Reserved