World136 Logo
Home >> Health Care >>Sugar ka Ilaj 
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

 

Sugar ka Ilaj

Blood sugar level is the amount of glucose (sugar) present in the blood of a human or animal. The sugar is made from the food we eat. Blood sugar, also known as blood glucose, is the body’s fuel that feeds the brain, nervous system, and tissues. The human body regulates blood glucose levels so that they are neither too high nor too low. Hypoglycemia, a condition caused by low blood sugar levels in the body. More detail read about blood sugar control in hindi.

 

Blood Sugar Control in Hindi

Jab khoon mein shakkar ki satah kam hone ki alamaat zahir hone lagein to is taraf fori tawajjah dena zaroori hota hai. Hamein is baat ka ilm hona chahiye keh hum is achanak emergency mein kia aqdamat karein hypoglycemia (khoon mein sugar ki satah mein kami) ke mariz ko fori aur tezi se tibbi imdad deni chahiye. Aksar ziabitus ke marizon ko is baat ka tajurbah hota hai keh in ki shkkar ki moqdar kb km hona shuru hojati hai tahum agar woh is baat ko nazar andaz kar dete hain to is baat ke imkanat barh jate hain keh Hypoglycemia mein izafah ho jaye ga aur woh puri zindagi ke liye aik mustaqil bimari ki surat bn jaye ga. Agar is ki taraf fori tawajjah na di jaye aur is ko dururs tarike se na treat kia jaye to hypoglycemia ke natijah mein mariz Coma mein chala jata hai. Mustaqil tor par is ka aasabi nizam (Nervous system) kharab ho jata hai, baaz dafa operation karwana parta hai. Jb keh ilaj mein ta kher se mot waqa ho jati hai.

Zel mein kuch aise tariqe bataye ja rahe hain keh agar aap ka ziabetus ko control krne ka mansubah nakam ho jaye aur khoon mein shakr ki satah km hona shuru ho jaye to aisi alamaat zahir hone lgti hain jo is baat ki nishan dahi karti hai keh hypoglycemia ke marz ki ibtada ho gayi hai. aise mein hamein darj zel kaam karne chahiye.

Hypoglycemia ki alamaat mukhtalif afrad mein mukhtalif hoti hain. Albattah jo log insoline aur ziabetus ki adoyat istemaal karte hain inhein maaloom hona chahiye keh in ke khoon mein sugar ki satah mein kb kami waqa ho rahi hai?? is ki alamaat darj zel hain

1- Kmzori aur thakan thande pasine aana aur jild ka nam hona.
2- uljhe huye ghair waza aur jism kheyalaat.
3- Maamoli sar dard aur chakkar aana.
4- Pareshan hona.
5- Ghossay mein aana aur ghabrahat ka tari hona.
6- Ziadah bhook lagna sar dard .
7- Dil ki dharkan ka be tarteeb hona mukhtalif aaza ka sun ho jana.
8- Bolne mein mushkil mehsoos karna jism par kapkapi tari hona.

Apni Sehat ki Hifazat Karna

Agar aap ko ya aap ke khandan ke kisi fard mein ziabetus ki darj bala alamaat nazar aane lagein to fori tor par ahtiyati tadabir ikhtiyar Karin. Maslan agar aap gari chala rahe hain to thori der ke liye driving chor dein agar paidal chal rahein hain to fori tor par sahi tariqe se baith jayein. Hypoglycemia ki wajah se insan ki mokammal tawajjah aur yksuyi ka khatmah ho jata hai jo is ki apni shakhsiyat samet doosron ke liye bhi noqsan ka bais hota hai.

Khoon mein glucose ki satah check karein baaz auqaat hypoglycemia ki alamaat buhat km hoti hain aur hamein yeh durust andazah lagana chahiye keh hamare khoon mein shakkar ki satah km hai ya phir koi aur bimari hai. yeh dekhne ke liye hamein blood glucose meter ko istemaal karna chahiye agar is ki reading 10 mg/dl ya is se km ho to is ka mtlab fori aqdam karne ki zaroorat hai.

Ziabetus ke mariz ke khoon mein sugar ki satah mein tezi se izafah kar de. Agar aap insoline lete hain ya ziabetus ko control karne ke liye mukhtalif adoyat istemaal karte hain to aap ke pas aisi ghiza mustaqil mojood honi chahiye jo 15-20 gm suger ya carbohydrate ke motwazi ho. Darj zel ghizayein shakkar ki yeh mqdar tezi se barha deti hain aur khoon mein sugar ki satah mein izafah ho jata hai.

4-5 namkeen crackers, 5-6 sakht toffees, 2 table spoon kishmish, 3-4 glucose tablets, 1 glucose gel, ½ cup fruit juice, 1 cup milk, 1 table spoon honey.

Thori der intezar karein, jb tak mtloobah ghizayein kaam karna shuru kar dein, khana jari mt rakhein yahan tak keh aap ke khoon mein sugar ki satah mein buhat ziadah izafah ho jaye. 15 minute ka intezar karein aur is ke baad do barah meter se khoon mein sugar ki satah check karein agar yeh abhi tak buhat km ho to dobarah 15-20 gm sugar aur carbohydrates kheyein. Yeh amal dohrayein yahan tak keh aap ka sugar level 70mg/dl ya is se ziadah ho jaye . jb aap is level tak puhach jayein to aur ziadah ghizaiyat se bhar poor nishaste dar ghiza ka istemaal karein tqreeban aik ghante ke baad agar aap ka jism koi response na de to fori tor par tibbi imdad lein agar khoon mein khatarnak had tak shakkar ki kami ho jaye to fori tor par tibbi muainah karwayein.

Aap ke ghar mein ya kam karne ki jagah par koi shakhs aap ki is halat se waqif hai aur is ko glucagon ( aik aisi cheez jo tezi se khon mein sugar satah mein izafah kar de) injection lagane mein maharat hasil ho to is ko chahiye keh fori tor par injection lagaye jo tezi se kaam karta hai shakkar ki satah ko maamool par lane ke liye aur injection lagane ke liye 15 minute baad mariz kuch kha skta hai.

Taweel planning karein, agar aap hypoglycemia ke mariz hain to apne doctor se guftagoo karein keh kis tarah aap ziabetus ko control karne ka mansubah bana skte hain. jis ki madad se aap apni zindagi behtar andaz se guzar sakehin . Agar aap ka koi operation ho chukka ho aur khoon mein sugar ki satah khatarnak had tak km ho gayi ho to doctor se glucagon injection ke mutalliq mashwarah zaroor karein, takeh aap ke ghar ke afrad aur dost ahbaab injection lagane mein maharat hasil kar lein aur kisi bhi emergency ki surat fori aqdamat kar sakein. Aap ko apne marz ke bare mein mokammal maaloomat honi chahiye takeh aap ziabetus ko contlole karne ka acha sa mansubah bana sakein.

Tags: sugar ka ilaj, sugar ka ilaaj, ziabetus, sugar control tips urdu, sugar control diet in hindi, blood sugar control in hindi

Warning: This site provides general information about your health. for more information and treatments please contact your doctor.


counter for tumblr

@Copy Rights 2011 world136.com All Rights Reserved