World136 Logo  
Home >> Health Care >>Hamla Aurat ke Liye Tips

Hamla Aurat k Masail

Indeed, the most glorious and beautiful sense of the world for a woman to become a mother. Pregnant women should be a top priority to take care of herself and her unborn baby. It is important for pregnant women to be the primary information in this regard. If you took the slightest carelessness during pregnancy can cause any damage. According to medical experts, in our country there are 276 women in a million pregnant women died during pregnancy or childbirth over. There are various reasons for their deaths that can be control. Read briefly in Urdu and Hindi.

hamla aurat k masail, hamla aurat ki khurak in urdu, hamla aurat ki nishani, hamla aurat ki alamat, hamla aurat ke liye tips, hamla khawateen in urdu, hamal ki hifazat ke liye, khawateen ki sehat, zachgi ka dard, zachgi ka dard, hamal karne ka tarika urdu, hamal ka pehla mahina, pregnancy rokne ka desi tarika, hamal k doran saans ka phoolna, pregnancy ko rokne ka tarika in urdu, hamal k doran kamar dard, hamal ki alamat ka pata chalna

 

Hamla Aurat ke Liye Tips

Be shak aik aurat ke liye maan banna dunya ka sb se khoob surat aur haseen tareen ahsaas hai aur jab Allah tala kisi aurat ko is darjay par faaiz karta hai, to hamlah ki awwaleen tarjeeh apna hi nahi, balkeh shikam madar mein palne wale bache ka bhi khas kheyal rakhna honi chahiye. Jis ke liye zaroori hai keh woh is hawale se bunyadi maloomat rakhti ho, kiun keh agar hamal ke doran zara si be ahtiyati barti jaye to woh kisi bhi bare noqsaan ka sabab ban skti hai. Tibbi mahereen ke mutabiq hamare mulk mein har saal aik lakh hamlah khawateen mein 276 doran e hamal ya zachgi ke waqt inteqaal kar jati hain, halan keh in ki amwaat ka sabab banne wali mutaddid wajoo ko control kia ja skta hai.

Shadi ke Baad Hamal ka Theharna

Hamare yahan 80% khawateen shadi ke aik saal ke andar hamlah ho jati hain, agar umer ziadah hai to is surat mein waqt zaya kiye be ghair fori tor par kisi mahir gynecologist se ruju karein. Aur agar umer ziada nahi hain, to phir aik saal tak qudrati tarike se hamal therne ka intezar karne chahiye.

Hamal Theharne ke Baad Tibbi Muyaina

Hamal therne ke ibtedayi teen maah tibbi muyaina karwana zaroori hai. Waise to har hamlah ko doran e hamal apna check up karwate rehna chahiye, ta keh mokammal history samne aajaye. Yani bulund fashar khoon, khoon mein shakar ki moqdar, hamal single hai ya multiple waghaira nez, is tarah kisi bhi qisam ke degar tibbi masail ki bhi monitoring ho jati hai keh agar khuda na khustah case high risk ho to kisi qareebi hospital ka pehle se tayayyun kar liya jaye keh khoon ki kami ki surat mein iron aur calcium ki goliyan di jati hain aur tashannuj ke injection bhi lagaye jate hain. Khas tor par hamal therne ke doosre aur teesre mahine mein lazmi muaina karwaya jaye, kiun keh kayi cases mein hamal tube mein ther jata hai jo khatarnaak pecheedgi ka sabab ban skta hai.

Hamla Khawateen mein Khoon ki Kami

Ziada tar cases mein anemia ki shikayat iron ki kami ki wajah se ho jati hai. Is ka aasan hal to yahi hai keh iron se bhar poor mtwazan ghiza istemaal ki jaye ya phir doctor ki hidayat par medicines waghira istemaal ki jayein lekin agar koi hamlah medicine istemaal na kar skay to phir injections ya drip ke zariye iron ki kami poori ki jati hai. Har hamla apni ghiza ka khas kheyal rakhe, kiun keh agar hamla zaroorat ke mutabiq ghiza ka istemaal nahi kare gi to is kay asraat bache par bhi murattab hon gay. Tibbi mahereen ka yeh bhi kehna hai keh aik hamla doodh dahi, hare patton wali sabziyan, anda, machli, murghi, dalein, gaye aur bakray ka gosht phal kela, khajoor kaleji waghaira ko apni khorak ka lazmi hissah banaye, takeh maan aur bacha donon sehat mand rahein. Yani hamla jo bhi khaye woh ghizaiyat se bhar poor ho. Nez, iron ke sath aisi ghiza bhi istemaal karay, jo iron jazb karne mein madad farahum kar sakay. Mslan kino, sngtaray, narangi , lemon tamatar aur aalo waghaira . In tamam ashya mein vitamin c shamil hai, jo iron jazb karne mein muawin sabit hota hai. Yahan aik baat ki wazahat karna hon gi keh sirf hamlah hi nahi, bachiyon ki nasho numa ke liye bhi iron ka istemaal lazim hai. Is liye jab mahwari ka nizam shuru ho jaye to larkiyon ko iron aur calcium se bharpoor ghizaon ka istemaal karwana chahiye takeh jab yeh hamlah ho to kisi qisam ki pecheedgi ka shikar na ho sakein.

Hamla Khawateen ka Gharelu Kaam Kaaj Karna

Agar to hamal normal hai, to phir gharelu kaam kaaj karne mein koi harj nahi, lekin bhari bharkam kaamon se ijtenaab zaroori hai. Tahum aik hamla ke liye walk aur warzish khasi mufeed sabit hoti hai. Yaad rakhein, agar hamla ziadah movement nahi karti to is soorat mein zachgi ke baad khoon jam kar clot paida kar skta hai.

Doran Hamal ya Zachgi ke Baad Tibbi Masail

Ghair mehfooz tarike se hone wali zachgi mein kayi tarah ke tibbi masail ho skte hain. Maslan fistula, jis mein peshab aur pakhane ke raste ko noqsaan punchata hai. Elawa azeen anowal ke barwaqt deliver na hone se bhi kayi pecheedgiyan paida ho skti hain, normal zachgi ya pehli bar operation ke baad doosre ya teesre case mein normal zachgi ke intezaar mein bacha dani ka phat jana anowal ka niche aajana , hepatitis B ya C qabal azwaqt dard e hona , ziadah moqdar mein khoon ka behna, bache ka size bara hona waghirah shamil hain.

Hamal ke Doran Mandarjah zel Baaton ka Kheyal Rakhein

Agar hamla, hamal theharne ke baad waladat tak mumkina had tak apni sehat ka kheyal rakhe to na sirf zachgi ka tkleef dah marhalah sehal ho jaye ga, balkeh aik tandurust o sehat mand bache ki paidaish bhi motawaqqah hogi. Is zaman mein tibbi mahereen chand zaroori baton par amal karne ki sakhti se hidayat karte hain.

1. Hamal ki tashkhees ke baad fori tor par mustand mualij se rabtah kia jaye.

2. Hamal ke aaghaz hi se folic acid ka istemaal karein, takeh jun jun muddat barhe, aasabi nizam bhi mzboot hota jaye.

3. Hamal theharne ke baad ji ka mtlana aik aam shikayat hai( tibi istelah mein morning sickness kehte hain) is se pareshan na hon. Albattah agar bar bar qai ho to mualij se rabtah zaroori hai.

4. Dayein karwat(right side) par na letna, maan aur bache donon ke liye behter hai. Doran e hamal tangon ya pairon mein ainthan ki shikayat bhi ho skti hai, jis ka sabab calcium ki kami hai. Ise doodh pi kar poora karein, ba surat degar mualij ki hidayat par adoyah istemaal karein.

5. Agar paon sone ke baad soojan barqarar rahe, to yeh aam alamat har giz nahi. Ise nazar andaz karna noqsaan dah sabit ho skta hai.

6. Muraghan aur chatkharay dar ghizaon ka ziadah istemal mufeed nahi, is se sine mein jalan aur bad hazmi ki shikayat paida ho jati hai. Is surat mein dawa ki bajaye doodh ka istemaal behtar hai.

7. Cotton aur dheelay dhalay malboosaat istemaal karein.

8. Is halat mein tangon ki ragon ka phoolna aam baat hai, is soorat mein ziadah der tak kharay na rahein. Ba halat e majboori munasib waqfe se chehal qadmi karti rahein.

9. Aisi ghiza se parheiz karein, jin se dast ya qai ka khadsha ho.

10. Basi khana na khayein.

11. Sirf doctor ki hidayat par izafi iron istemaal karein.

12. Agar doran e hamal yoga karna chahein, to sirf wahi warzish karein jo hamla ke liye makhsoos hain.

13. Dorane hamal qabz ki shikayat bhi aam hai, lehaza reshe dar ghizayein istemaal karein. Nez teen waqt ke khane ke darmiyan phal aur sabziyan bhi khayein.

14. Chehal qadmi ko maamool ka hissah bana lein.

15. Tambako noshi aur nashah war ashya se ijtenaab karein.

16. Aaram ka khas kheyal rakhein.

17. Doran e hamal masorhe chun keh narm ho jate hain, is liye tooth brush hamesha narm hi istemaal karein.

18. Pani ka istemaal ziadah se ziadah karein.

19. Ziabatish aur buland fishar khoon ki janch bhi karwati rahein.

20. Raat ka khana jaldi khayein. Nez sone se do ghante qabal saqeel ghizayon ka istemaal na karein, behtar hoga keh doodh ka aik glass pi lein.

21. Baaz hamla khawateen ko ziabatish ki aarzi bimari lahaq ho jati hai, is soorat mein mualij ki hidayat par sakhti se amal karein, kiun keh yeh marz aagay ja kar aan aur bache donon ke liye khatar naak tibbi masail ka bais bn skta hai.

22. Hamal ke aakhri dinon mein ziadah se ziadah aaram karein.

23. Buland fishar khoon mein mubtila hamlah khawateen blood pressure baqaidgi se check karein aur mojawazah medicine bhi baqaidah istemaal karein keh yeh arzah doran e zachgi mutaddid pecheedgiyon ka sabab bhi ban skta hai.

Warning: This site provides general information about your health. for more information and treatments please contact your doctor.

Health Care
Pregnency-in-urdu
Khawateen ki Sehat
Breast Cancer in Urdu
Breast-feeding-in-urdu
Bitter Gourd Benefits
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr
@Copy Rights 2011 world136.com All Rights Reserved