World136 Logo  
Home >> Health Care >> HIV 

HIV

HIV is the human immunodeficiency virus. Spread the presence of other sexually transmitted diseases or multiple sex partners. Sharing needles, syringes, rinse water, or other equipment used to prepare illicit drugs for injection. You can prevent from HIV get medical care, treatment, and supportive services to help you stay healthy.

HIV in Urdu

HIV ka matlab hai "insani quwat modafyat mein kami ka virus" yeh aik aisa virus (jassomah) hai jo jism kay modafati nizam par hamlah karta hai. Aik arsa kay baad HIV jism ko is had tak kamzor kar deta hai keh maamoli bimari kay khelaf ki sakat nahi rehti aur aakhir kar motasirah shakhs mein bimaari ki alamat paida ho jati hain.

Pakistan taqriban 15,00,00,000 ki aabadi ka mulk hai jis mein bazahir aabadi kay aik buhat hi kam hissay mein HIV/Aids ka wajood nazar aata hai aur ab tak record par aanay walay marizon ki taadad 2,200 hai. jab keh aik takhminah kay motabiq pakistan mein 70-80 hazar afrad HIV say motasir hain. Marizon ki kam taadad ka yeh matlab har giz nahi hai keh yahan khtrah mojood nahi hai.

Pakistan kay baray mein tehqiqati report say patah chalta hai keh yahan mardon aur aurton mein is tabah kun waba say bachnay kay muamlay mein bay pana kotahi barti jati hai. Fahashi, ghair jinsi akhtalat kay awamil hamaray muashray mein bhi mojood hain. khood ko bachanay kay hifazati tadabeer ko aksar nazar andaz kar dia jata hai.

Pakistan mein sab say ziadah khatrah baloghat ki umer tak pohanchnay walay nojawanon ko hai. inhain HIV/Aids kay baray mein saray say patah hi nahi keh yeh kiun kar philti hai aur is say kaisay bacha ja sakta hai.

Alamaat:

1-Ibteda mein mariz intehayi susti aur bay chaini ka shikar ho jata hai. HIV ki infection kay patient ko patlay pakhanay din mein teen martahab say ziadah ya mosalasal waqfon say aatay rehtay hain.

2- HIV nezam tanaffus ko bhi motasir karti hai mosalsal khansi aur is kay sath sinay mein dard aur sans ki tangi bhi ho jati hai.

3- jism kay tamam Lymph Nodes sooj jatay hain aur in ka size taqreeban 1.5 tak ho jata hai yeh sozish dar aur bukhar (fever) ka bais banti hai. Fever mein paitient kay jism ka temperature 100.2 Fo say bhi ziadah ho sakta hai lekin ibtida ayam mein tempreture qadray kam hota hai is kay sath jism mein dard(pain) bhi hanay lagti hain.

4-HIV say virus becteria aur fangal infection jaisay jildi amraz bhi lahaq hojatay hain.

5-HIV ki nishanyan zahir hojanay walay mareez mein aksar mosalsal ya shadeed aur achanak barh janay wali sar dard (Headache) hota hai aur is sar dard mein aam dawaiyan ghair sabit hojati hain.

6- Aids mein khas tor par jism ki quwat madafyat (Immunity Bilkul kam ho jati hai aur kayi tarah kay amraz mareez ko lahaq ho jatay hain.


Causes:

1-HIV say motasirah kisi fard kay sath jinsi amal say.

2-HIV say motasira syringe say tika lagwana aur motasirah owzaron ka istemaal.

3-Inteqaal e khoon say, jahan khoon, khoon say bani huye ashya ya inteqaal-e- khoon mein istemaal honay walay auzar HIV say motasirah ho.

4- Maan say bachay mein montaqli say, jahan hamlah aurat HIV say motasir ho aur reham madar mein yeh virus bachay ko muntaqil kar day ya paidaish kay doran ya bachay ka maan ka doodh pilanay kay doran aisa ho jaye.

5-Woh afarad jo jinsi amraz ka shikar hon, HIV say motasir honay kay khatray say ziadah do char hotay hain. Jinsi amraz ki mojoodgi mein HIV ki muntaqli kay imkanat 5 say 10 guna barh jatay hain.

6-HIV ka virus hamesha kay liye jism mein rehta hai. HIV say motasirah afrad, chahe apnay aap ko sehat mand mehsoos karein aur tandurust nazar aayein phir bhi poori zindagi motasir rehtay hain aur doosron ko bhi motasir kar saktay hain.

Tashkhees / Lebortary Test:

HIV infection ki Anti body milnay ki ahmiyat is kay ibtedayi Screening test aur phir confermetry test par hai. Mareez ka namoonah khoon (Blood Sample bar bar masbat Reaction karay to tab ja kar ibtedayi test kay result ko masbat tasleem kia jaye. is marz kay tamam test kisi mahir doctor kay zer nigrani achi lebortary mein kiye jayein takeh ghalat result kay imkanat kam say kam hon.

HIV ko Roknay ka Tariqa:

1 Ghair azdawaji jinsi bay rah rawi say mokammal ijtenaab karein sirf sharik e hayat kay sath taluqaat karein.

2- Agar koi shaks HIV say motasir ho to is surat mein shareek hayat kay sath Condoms ka durust aur mosalsal istemaal karay.

3- Tika lagwanay say hattul imkan parhaiz karein agar zaruri lagwana hoto nayi disposible syring istemaal ki jaye.

4- Kan, naak chidwanay aur danton ki surgery waghirah mein bhi bari ahtiyaat ki zarurat hoti hai kiun keh in kay auzar jaraseem say pak nahi hotay is liye is kay awzar kay istemaal ko yaqini bananay kay baad yeh kaam sar anjam diye jayein takeh kisi mohlik marz kay phailnay kay mawaqay paida na ho sakein.

Warning: This site provides general information about your health. for more information and treatments please contact your doctor.

Haddiyon ka Dard
Headache Treatment in Urdu
Hemophilia symptoms, causes and treatment
Hepatitis C Treatment
Hepatitis D Treatment
Hepatitis E Treatment
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved