World136 Logo  
Home >> Health Care >>Date Benefit in Hindi

Date Benefit in Hindi

Date is wonderfully delicious and one of the most popular fruits. Uses of date are increase in Muslim country during month of Ramzan. Because of the Muslims use date fruits in fast.  It contains calcium, sulphur, iron, potassium, phosphorus, manganese, vitamin B1, B2, B3, B6, amino acid.  The benefits of dates include relief from constipation, intestinal disorders, heart problems, sexual dysfunction, diarrhea, abdominal cancer. Date can help in prevent abdominal cancer, promote healthy bowel movements and control diarrhea, strengthen the bones, provide energy for anemic patients, diminish allergic reactions, maintain healthy weight, great energy booster, boost the nervous system and increase sexual stamina, reduce the risk of stroke and  lower night blindness. 

You can find in the page khajoor k faide, khajoor ke fawaid, khajoor ke fayde hindi, khajoor ki benefits, khajoor ke fayde, khajoor ke gun in hindi, khajoor ke benefits in urdu, date benefits in urdu,  pregnancy, dates benefits constipation

 

Kharjoor se Ilaj

Musalmanon aur Arab mulkon ke hawale se khajoor ko khsoosi amiyut hasil hai Ramzaan ke mahine mein khajoor ka istemaal puri islami
date benefit in hindi

dunya mein buhat ziadah barh jata hai kiun keh musalmanon ki aksaryat khajoor se rozah khool kar sunnat e muhamaadi (S.A.W) par amal karti hai. Iftar ke moqa par khajoor istemaal karne ki sab se bari hikmat yeh hai keh khajoor ki mithas bhook ki shiddat ko bari had tak kam kardeti hai aur is se rozah kholne ke baad buhat ziadah khane ki zaroorat mehsoos nahi hoti Khajoor ko baja tor par behtareen sehut bakhsh ghiza ka darjah dia ja skta hai. Is mein be shumar maadani ghizayi ajza shamil hain. In ajza mein calcium, sulphur, iron, potassium, phosphorus, manganese, vitamin B1, B2, B3, B6, amino acid aur sehut bakhsh tail qabile zikar hain. Elawah azeen is mein mojood qudrati reshe jism aur dimagh ko sehat mand rakhne mein ahum kirdar ada karte hain. Khajoor mein qudarti mithas glucose aur fructose ki surat mein hoti hai jo jism mein fori tor par jazb ho kar tawanayi farahum karti hai. Yeh mithas ganne(sugarcane) se tiyar shudah shaker ke moqable mein jism ke liye kahin ziadah mufeed hai. Khajoor mein be shumar tabai fawaid bhi dekhe gaye hain, jin mein se chand darj zel hain.

Cancer aur Amraz e Qalb

Khajoor mein jahan ghizaiyut bakhsh ajza buhat ziada hote hain, wahin qudarti reshon ki bhar mar aanton aur meday ke sartan se hamein tahaffuz farahum karti hai. Jin logon ka dil kamzor ho, inhein kastat se khajoor istemaal karna chahiye, dil ki tkleef ke liye khajoor ko raat bhar pani mein bhigo kar hafte mein do bar agar ise istemaal ki ajaye to dil ki quwat mein izafah ho jata hai. Ghizayi mahereen ke mutabiq khajoor ke istemaal se dil ke dore ka imkan tqreeban 40% tak kum ho jata hai. Khajoor ke hawale se yeh baat sabit shudah hai keh is mein cholesterol aur chiknayi bilkul nahi hoti is liye tamam afrad ise jub chahein be dharak istemaal kar skte hain.

Jo log apne barhte huye jismani wazan se pareshan hain aur ise ghtana chahte hain, inhein bhi chahiye keh woh degar ghizayi ashya se apni bhook mitane ke bajaye khajoor khayein. Mashroobat ka shoq rakhne wale afrad agar uble huye doodh mein khajoor ko hal kar ke sehat bakhsh mashroobat ke tor par ise istemaal karein to is se woh jismani tor par fit rahein gay.Khajoor Arab baddon ki ghiza ka lazmi juz hoti hai aur shayad yahi wajah hai keh un mein cancer aur amra e qalb ki sharah buhat kum dekhi jati hai.

Motape ka Ilaj

Khajoor mein shamil be shumar ghizaiyut bakhsh ajza bhook ko buhat kamyabi ke sath khatam kar dete hain, is liye jo log apne motape se pareshan hain, unhein chahiye keh jub bhi woh bhook mehsoos karein khajoor ke chund dane kha lein. Is tarah un ki bhook bhi mit jaye gi aur pait bhi bhara hua mehsoos hoga. Khajoor se jahan jism ko zaroori sugar farahum hota hai wahin yeh aanton ko bhi mutahrik kar deti hai jis se bhook kum ho jati hai aur degar gheir sehat bakhsh khane ki chizon ki taraf tabyat mail nahi hoti

Haddiyan Mazboot Karti Hai

Khajoor mein shamil calcium haddiyon ko mzboot banana mein ahum kirdar ada karti hai. Atba yeh sifarish karte hain keh na sirf bachon aur muammar afrad balkeh khawateen ko bhi kasrat se khajoor khana chahiye takeh haddiyan mazboot hon aur baad mein inhein osteoporoses jaise masail ka samna na karna pare.

Pait ke Kiron ka Khatmah

Subah nehar munh khali pait khajoor khane se pait mein mojood kire khatam ho jate hain kiun keh khajoor mein aise tarbaqi maday hote hain jo in kiron ki afzaish ko rok dete hain. Aitedal ke sath khajoor khane se aanton mein mojood sehut ke liye noqsan dah jarasoomon aur tafil kiron ka khatmah ho jata hai jabkeh aanton mein sehat bakhsh jaraseem ki behter nasho numa mumkin hoti hai.

Basarat mein Behtari

Khajoor khane se umer mein izafe ke sath nazar ki kamzori ko bari hud tak roka ja skta hai khas tor par raat ke waqt andhe pan(night blindness) ki shikayut rafa karne mein khajoor ki afadyat musallam hai.

Qabz ka Khatmah

Jo log aksar o beshtar qabz ke sha ki hote hain, inhein chahiye keh woh khajoor se istefadah karein, is liye keh khajoor mein mojood hul pazeer reshe aanton ko mutahrik kar ke fazle ke akhraj mein madad gar sabit hote hain is maqsad ke liye khajoor ko aik glass pani mein raat bhar para rehne dia jaye, baad mein isi pani mein inhein hal kar ke sharbat ki surat mein subah e waqt pi lia jaye to yeh behtareen qabz kusha daawa ka kaam kare gi.

Jigar ki Sozish

Mukhtalif amraaz ki bina par agar jigar matorum ho gia ho aur is mein mukhtalif qisam ke zehrile maadday jama ho gaye hon to inhein saaf karne ke liye khajoor numayan kirdar ada kar skti hai. Khajoor ke sath rozah kholne ki aik hikmat yeh bhi hai keh din bhar jigar mein jo fasid maadday jama ho jate hain woh khajoor ke istemaal se wahan se kharij ho jate hain. Khajoor ke sharbat ko gale ki kharash mukhtalif aqsam ke bukhar, nazlah zukam aur naak behne ki shikayaton mein bhi istemaal kia ja skta hai.

Sar ke Dard mein Afaqah

Jo log aksar sar mein dard ki shikayut karte hain, inhein chahiye keh woh kuch der tak khajoor ko pani mein bhigoye rakhein aur phir woh pani pi lein. Is se na sirf un ke sar ka dard door hoga balkeh agar matli mehsoos ho rahi ho to who bhi khatam ho jaye gi. Khajoor mein shamil potassium jism ke aasabi nizam ko sehut mand rakhne mein bhi ahum kirdar ada karta hai.

Taqtwar Ghiza

Khajoor se bana sharbut jahan mqwi qalb hota hai wahin yeh jismani kamzori ko door karne mein bhi be missal hai. Khajoor ka sharbat agar doodh aur shehad ke sath mila kar nosh kia jaye to yeh aik behtareen tonic ka kaam karta hai aur mukhtalif aqsaam ki sanfi kamzoryon ko door karne mein mujarrib hai. Kamzor aur natawan muammar afrad bhi is sharbut se istefada kar skte hain.

Khawateen ke Liye be Shumar Faiday

Maan banne wali khawateen agar khajoor ko apni ghiza ka hissah bana lein to aane wale dinon mein woh dard zachki takleef se mehfooz reh skti hain. Scienci bunyadon par yeh baat sabit ho chuki hai keh khajoor mein aise hormones mojood hain jo raham ko taqtwar banate hain aur zachgi ke moqa par jurriyan e khoon ko rokte hain. Pakke huye khajoor mein aik madah pituitary gadood se kharij hone wale oxytocin hormone jaisa hota hai aur raham ke pheilne aur sukarne mein madad karta hai. Jo mayein apne bache ko dhoodh pilati hain un ke liye bhi khajoor behtareen ghia hai. Is se jahan un ka depression door ho ta hai wahin unn ke doodh ke zariye bache ko aisi ghiza milti hai jo inhein sehat mand rakhti hai aur bimaryon se bhi bachati hai.

Warning: This site provides general information about your health. for more information and treatments please contact your doctor.

Health Care
Ear Pain in Urdu
Egg benfit for Health and Beauty
Egg Benefit for Health, Skin and Hair
Exercise in Urdu
Eye Allergy in Urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved