World136 Logo  
Home >> Health Care >>Khasra(Measles) in Urdu, Hindi

Khasra(Measles) in Hindi

Measles is an infection that mainly affects children. Measles is caused by the measles virus (a paramyxovirus). Signs and symptoms of measles typically include fever, inflamed eyes (conjunctivitis), dry cough, runny nose, sore throat, and sensitivity to light. There is no specific treatment for the measles.The use of vitamin A in treatment has been investigated. People who don't get enough vitamin A are more likely to get infections, including measles. More detail read in Urdu and Hindi.
You can read in this page Khasra(Measles) in Urdu, Khasra ki Alamat (Symptoms), Khasre ka Ilaj(Treatment), MMR Vaccine in Urdu.

 

Khasra(Measles) in Urdu

Khasre ki bimari aik virus ki wajah se hoti hai jo nannhe qtron ya jism se kharij hone wali ratoobaton ke zariye aik se doosre ko lgti hai. Agar koi shakhs is marz mein mubtila ho aur koi sehat mand shkhs ise chu-le ya is ke qareeb rah kar aalooda hawa mein sans le to vo bhi bimar ho skta hai. Jin logon ne hifazati tike nahi lagaye hain, agar vo khasre ke marizon ke sath kisi bhi tarah rabte mein aagaye to bimari ka muntaqil hona buhat mimkin hai. Yahi wajah hai keh aksar o beshtar school ke bachon mein khasre ki dabao dekhi jati hai. Virus ke jism mein dakhil hone ke baad jild par surkh dane ya dhaboon ke namudar hone mein tqreeban 4 din lagte hain aur is ke baad mazeed 4 din mareez biamari pheilane ke qabil rehte hai. Khasre itna mutadi marz hai ya itni tezi se aik se doosre ko lgta hai keh jism par dane agar namudar nahi huye hain , is waqt bhi mutasira fard doosron ko bimar kar skta hai.

Ziada kon mutasir hota hai?

Akar cheh har umer ke afrad khasre mein mubtila ho skte hain lekin yeh bimari aik saal se le kar 4 saal tk ke bachon mein sb se ziadah aam hai. Elava azeen jin bachon ko khasre se bachao ke tike nahi lgay hain, vo bhi sb se ziada khatre ki zd mein hote hain. Vo afrad jin ka bimariyon se larne wala jismani nizam achi tarah fayal nahi hai, khas tor par T Lymphocytes ke mareez khasre ki sangeen surat ka shikar ho skte hain.

Khasra ki Alamat (Symptoms)


Virus ke jism mein dakhil hone ke baad alamtein samne aane mein tqreeban 10 se 14 din lgte hain. Ibtedayi alamton mein nzla, zukam, naak behna khansi, ankhon ka surkh hona aur bukhar shamil hain. 2, 4 din ke baad galon ki andarooni diwaron par sufaid nishanaat, jin ke gird surkh halqe hote hain(Koplik Spots) namudar ho skte hain lekin in ko dekhna mushkil hota hai. Is ke aik do din baad khasra ke alamti surkh dane nazar aane lgte hain. Ibteda kanon ke piche ya chehre se hoti hai aur phir dane pure jism par pahil jate hain. 3, 4 din baad yeh halke hone lgte hain aur tqreeban aik hfte mein jhar jate hain. Mareez mein mtli, ulti pait mein dard aur dston ki shikayat bhi ho skti hai. Yeh alamtein tqreeban 14 din tk bar qarar rehti hain. Doctor yeh sifarish karte hain keh dane nikalne ke baad bache 5 tk school na jayein takeh doosre bache is se mehfooz rahein. Agar cheh khasre ka infection amooman ziada khatarnaak nahi hota , tahum agar br waqt ilaj par tawajjha na di jaye to aisi pecheedgiyan samne aaskti hain jo degar hawale se sehat mand bachon ke liye bhi muhlik ho skti hain. In pecheedgiyon mein wsti kaan ka warm (Otitis Media), namoonyah, yarqaan, aashob e chasham aur dimaghi warm (Encephalitis) shamil hain. Aakhir ul zikar pecheedgi yani dimaghi sozish agar cheh buhat khatar naak hoti hai lekin is qisam ka waqeya 5000 marizon mein se kisi aik mein dekha jata hai. Khasre ki wajah se aasabi nizam ko mutasir karne wali pecheedgiyan agar cheh buhat km dekhi jati hain lekin is ke taweel ul muddat asrat buhat khatarnaak hote hian. Dimagh ki sozish surkh dane namudar hone ke chand roz baad ho skti hai aur jin ko is pecheedgi ka samna hota hai, in mein se ¼ (aik chothayi) ke dimagh ko nqsaan puhanchta hai aur aik tabah kun bimari Subacute Sclerosing Panencephalitis, (SSPE) Khasre ke pehle hamle ke kayi saal baad samne aati hai, jo halakut khez hoti hai lekin khush qisamti se yeh buhat km yani aik laakh marizon mein se kisi aik ko lahaq ho skti hai.

Khasre ka Ilaj(Treatment)

khasre ki ibtedayi alamtein aam nzlah zukam jaisi hoti hain maslan bukhar, naak behna aankhon ka surkh hona khansi is leiye sb se pehle doctor ko dekha kar marz ki hatmi tashkhees krwali jaye. Khasre mein mubtila bachon ka aam tor par gharon par ilaj mumkin hota hai jahan inhein dard aur bukhar kam karne wali dawayein maslan Paracetamol waghirah di ja skti hain, tahum inhein ziada pani aur degar mashroobaat pine par aamadah karna chahiye. Agar bimari ki noiyat ziada sangeen ho jaye to phir antiviral dawayein dene ke liye inhein hospital mein dakhil karne zaroori ho jata hai. Baaz auqaat jism ke madafati nizam ko behtar karne ke liye vitamin A dene ki bhi zaroorat hoti hai. Agar khuda na khastah khasre ke bais kaamyaab qisam ki dimaghi sozish ki pecheedgi samne aaye jis ki alamtein amooman dane namudar hone ke 8 din baad samne aati hain, jin mein sar mein dard , thakaat chir chira pan jhatke aur behoshi ke dore shamil hain to phir fori tibbi mashware mein zara bhi takher nahi karni chahiye.

MMR Vaccine in Urdu

Sher khar bache paidaish se 6 month ki umer tk amooman khasre se mehfooz rehte hain kiun keh inhein in ki mayein bimaryon se bachane wala nizam e doran paidaish muntqil kar chuki hoti hain, tahum is se ziada umer ke bachon ko hifazati tikon ki zaroorat hoti hai. Khasre se bachao ke liye jo tika lagaya jata hai ise MMR kaha jata hai jo , Measles Mumps, Rubella ka mukhaffaf hai. Yeh vaccine khasre ke elawa degar do amraz se bhi tahaffuz farahum karti hai. Is ki ibtedayi khorak 12 se 15 month ki umer mein di jati hai jab keh bostar khorak dobara 4 se 6 saal ki umer mein di jati hai. Khasre ke tike aam tor par 12 se km umer bachon ko nahi lagaye jate lekin wabayi surat haal mein 6 se 11 month ki umer mein bhi lagaye ja skte hain. Agar che baaz tibbi halqon ne MMR vaccine par yeh aitraazaat bhi kiye hain keh is se bachon mein Autism ya Crohn's Disease ki shikayat ho skti hai lekin aksaryat is vaccine ko mehfooz aur mowassar gardanti hai aur bachon ko khasre se bachane ka is se behtar mutbadil tarika fil haal aur kuch nahi hai.

Tags: khasra in urdu, measles treatment in urdu, measles symptoms in urdu, vaccination, measles in pakistan, khasra ki alamat in urdu, khasra ka ilaj

Warning: This site provides general information about your health. for more information and treatments please contact your doctor.

Health Care
Ear Pain in Urdu
Egg benfit for Health and Beauty
Egg Benefit for Health, Skin and Hair
Exercise in Urdu
Eye Allergy in Urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved