Calories in Urdu

Weight loss decisions is the first step to making your health. Another important decision is to choose the best food, which are free of calories. Fewer calories in foods include fresh fruit, vegetables, without fat meat, poultry and fish. In addition to the sweet and fried foods should be avoided. Decrease in weight should be avoided sweet and fried foods. There are also restrictions on the use alchohol. Less calories method use in cooking. The human body requires a daily minimum of 1000 calories. So diet low in calories it should not be used without a physician.

Low Calories Diet in Urdu

Wazan kam karne key liye zaroori hai keh jism ki charbi aur chiknayi bhi kam ki jaye. Tehqeeq se patah chala hai keh km chiknayi wali ghiza khane wale hazraat ka cholesterol in afrad key moqable mein ziadah kam ho jata hai jo wazan mein kami key liye doosri aqsam ki ghizayein istemaal karte hain.

Wazan mein kami ka faislah karne apni sehat behtar banane ki simt pehla qadam hai jab keh agla marhalah is mqsad key liye behtareen ghiza ka intekhab hai. Kisi bhi ghiza ka intekhab karne se qabal yeh maloom kar lena chahiye keh kia is ghiza mein charbi jamne wali chiknayi aur cholestrole ki moqdar km hai? Agar is mein charbi ki moqdar km nahi hai to imkan hai keh is mein calories km nahi hon gi. Lehaza yeh ghiza jism ki charbi ko kam karne mein muawin o madad gar sabit nahi hogi. Agar is mein jamne wali chiknayi aur cholesterol ki moqdar kam na ho to wazan kam karne key liye aap ki koshish bar awar nahi hon gi.

Kam calories wali ghizaon mein tawanayi bhi kam hoti hai. Is ghiza key istemaal ka maqsad jism ko zaroorat se kam calories farahum kar key tawanayi ka bohran paida karna hai. Kam calories wali ghizaon mein tazah phal aur sabziyan, begair balayi ka doodh, begair charbi ka gosht, murghi ya machli wagirah shamil hain. Wazan mein kami key liye in ghizaon key sath tali huyi ashya aur chicnayi se bhar poor sweet dishes maslan cake waghirah khane ki mumanat hoti hai. Alcohol key istemal par bhi pabandi hoti hai. Khana pakane key liye bhi kam calories wala tarika istemaal kia jata hai. Gosht ko talne ki bajaye aag par ya tandoor mein bhoon liya jata hai. Bhap dene ya boil karne se sabziyon ki calories kam ho jati hain. Margarine aur oil key istemaal se parhaiz kia jata hai.

Wazan kam karne se qabal chun keh aap ko calories ki moqdar kam karna parti hai is liye mumkin hai keh aik taweel arse tak aap ko kam calories khane ki aadat par jaye. Dieting ka mazhaka kehiz pehloo yeh hai keh agar aap kuch khate hain to aap ka wazan kuch na khane key moqable mein mazeed kam hota hai. Agar buhat kam calories li jayen to jism dasteyab tawanayi ko mazeed kifayat shuari se istemaal kar key khod ko tawanayi ki kami se mehfooz rakhta hai. Insani jism ko razana kam az kam 1000 calories ki zaroorat hoti hai. Lehaza is se kam calories farahum karne wali ghiza mualij key mashware key beghair istemaal nahi karni chahiye.