World136 Logo  
Home >> Health Care >>Noise Pollution in Urdu

Noise Pollution in Urdu

It is not only water and air pollution but also industrial improvement has made the environment very noisy. The noise reduces the ability of hearing. Suddenly heard the sound of an explosion or fire is bad. The second reason is that the noise is worse in the hearing. This problem’s solution will reduce noise from the environment. In personal life if you have to live in noise place then try to Spend at least time that place.

 

Noise Pollution in Urdu

Aalodgi sirf fiza aur pani hi ki nahi hoti balkeh industrial taraqi nay rozmarrah zindgi ko bhi buhat pur shor bana dia hai. Mosalsal shor samaut say apni qimat wasol kar raha hai. Sunnay ki salahiyat mein kami waqai ho rahi hai aur behrah pan ya khalal samaut parhta jaraha. Shor sirf samaut par nahi balkeh majmuyi sehat aur aasabi nizam par bhi buri tarah asar andaz ho raha hai.


Qadeem kheyal yeh hai keh jis tarah burhapay mein degar kamzoryan fitri tor par lahaq hoti hain waisay hi samaut mein kharabi bhi fitri amar hai lekin tehqeeq say sabit hota hai keh behray pan ka sabab laazmi tor par burhapa hi nahi hota balkeh shor ki aalodgi behray pan ka ahum tareen sabab hai. America kay 75 % afrad kay kaanon mein kharabi burhapay ki wajah say nahi balkeh shor ki wajah say hoti hai. Yeh amar nehayat ahum hai keh koi fard zindagi bhar apnay kaan kay sath kia karta raha hai hum mein say aksar log nadanastagi mein apni samaut ko hameshah key liye bigar letay hain. 20 million say ziadah afrad aisay hain jo hameshah shor ki intehayi satah mein zidagi guzartay hain. Aahistah aahistah is kay asrat zahir honay lagtay hain chunanchah ab haalyah barson kay doran aisay afrad ki tadaad mein izafah ho gia hai jo jawani balkeh larakpan mein samaut say mehroom ho jatay hain. Is ka sabab mahol mein shor barhti huyi aalodgi hai.

Types of Noise

1- Shor do tarah say samaut mein kharabi paida karta hai aik to yeh keh achanak dhamakah ho, taqatwar raifal say goli chalay aur andarun e kaan kay nazuk tisues phat jayain is tarah mumkin hai samaut hamesha key liye fori tor par chali jaye.

2-Dusra tariqah yeh hai keh mosalsal shor mein rehnay say raftah raftah samaut motasir hoti rahay.

Disadvantages of Noise


Shor ki khatarnak satah andaroon e kaan mein mojood baalon kay 16 hazar khulyaat ko jo dimagh tak aawaz ka shaur punhchatay hain phir dimagh aawaz ko shanakht karta hai tabah kar deti hai. Yeh khulyaat samaut mein markazi kirdar ada kartay hain lekin agar aik martabah tabah ho jayain to dobarah nahi bantay. Yeh noqsaan chunkeh raftah raftah ro numa hota hai lehaza aadmi ko patah bhi nahi chal pata keh kis kharabi say do char hai. Yahan tak keh tabahi ka amal mokammal honay par behrah pan lahaq ho jata hai.


Patakhon ki aawazein ya jadeed mosiqi ka consert sunnay kay baad kanon mein bazahir koi takleef lahaq nahi hoti chunanchah logon ko patah hi nahi chalta keh woh kis mosibat say do char ho chukay hain. Yahi wajah hai keh mosalsal jari rahnay wala shor samaut kay liye sab say bara khatrah hai chunanchah jis ki satah 85 disable say tajawuz kar jaye kanon ko tabah kar sakta hai. disable mein darjah hararat napnay ka paimanah hai.


Washing machine aur vacuume cleaner say jo shor hota hai woh 85 say kam hota hai is say noqsan nahi puhanchta jab 85 say ziadah shor ho to kaan khatray ki hadood mein dakhil ho jatay hain. Taqatwar drill machine say honay wala shor kaan mein 100 dicible hararat paida karta hai. Do ghantay tak is shor mein rehna mehfooz hai lekin pur shor aawaz jo 110 ki satah tak puhanch jaye 30 minute say ziadah der tak mehfooz nahi rehti. Har das darjah ka izafah kaan ko das guana ziadah noqsan puncha ta hai. Aik aam alarm clock 80 decible shor karta hai jabkeh bachah kay ronay dhonay ki sharah 90 deciblae hoti hai. Kisi shehar kay sub way ka plate form ziadah pur shor hota hai is ki sharah 100 tak hoti hai jabkeh masroof shehar mein shor ki satah 80 hoti hai.

Solution


Shor say kanon ko jo noqsan puhanch chukka hai is ki talafi mumkin nahi hoti lekin halyah barson mein kanon ki sehat behtar bananay kay tariqon mein numayan behtari waqai hoti hai ab mokammal tor par digital hearing adds dastiyab hain. In mein nanhain munnay computer chips hotay hain aik mahir kay baqol in kay istemaal kay natijah mein 85 say 90 % afaqah hota hai.


Is maslah ka asal hal yeh hai keh mahol say shor ko kam kia jaye . Zati zindagiyon mein yeh mumkin hai keh agar kisi shor surathal mein rahna paray to wahan waqt kam say kam guzara jaye. Samaut ko bhi is tarah aaram dia jaye jis tarh degar tamam aaza ko zarurat hoti hai.

Warning: This site provides general information about your health. for more information and treatments please contact your doctor.
Health Care
Hepatitis E Treatment
HIV in Urdu
Indignant, Gastritis, Apatite Treatment
Jamun ke Fayde
Khasra-measles-in-urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved